19 అదుఙి బయినేర్ దాదకేర్ లారా, ఎంతేయో పవిత్ర జాగ త్ సేరేంఙ్ యేసునె నెత్తుర్ వాలడ్ నేండుంఙ్ తిక్కెకదున్ వాలడ్ పరిపుర్నతా ఎప్పుడి కలయుత్ అన్సాద్. 20 తెర సెటా ఇంతె తన్నె సరీర్ వాలడ్ సెరెకాద్ కొత్ తాయ్, పనామ్ అనెక వర్గముత్ అముదు నేండుంఙ్ బత్క పుస్తెంద్. 21 దెయ్యమ్నె ఎల్ల పొయ్ నేండుంఙ్ దెలక్ అన్సాంద్, 22 అదుఙి ఇస్వాద్త గిట్టిత్ పూర విస్వాస్ అండెన సత్తెం అనెకా మన్ సాక్సి, కరాబ్ మన్ తన సోయ్ ఎద్దాంద్ మాన్నాడ్ సోయ్ ఎద్దాంద్ ఇరాడ్ ఒట్టెన సరీరాడ్ దెయ్యముంఙ్ సియ్నార్. 23 వాగ్దానం ఇదార్తంద్ నమ్సెటా అదుఙి సియ్సెట నేండుంఙ్ ఆస బదోల్ నెండె ఒప్పెకదుంఙ్ సటీ అన్నార్. 24 అదికార్ ప్రేమ్ కత్తనుఙి, సోయ్త పనిక్ ఇదరెంఙ్ ఒక్కొనెత్ ఒక్కొంద్ ఎడాల్సెట అనేఙ. 25 కొన్సెం మంది సమజముత్ కలయెకాంద్ మద్తేర్, గని నీర్ అనంఙ్ కన్నేర్. ప్రబుంద్ వారెక దినం మెర వరెంఙ్ ఒక్కొనెత్ ఒక్కొద్ ఇమత్ సియుర్.

26 సత్తెం బదోల్ బుద్ది గడుప్తె మల్ల గిన నెడే ఉద్దెసంపూరాయ్ పాప్ కత్తె పాపు కలెకరుంఙ్ ఇంక తనెవి బావ్ మిక్కే. 27 గని అర్రినాడ్ అనెకరుంఙ్ తిర్పుంఙ్ సటీ కైసననెకాది మిక్కూత్ అన్సాద్. అనాయ్ దెయ్యమ్నె సత్రులున్ న్యాయ్ సియ్యెకాద్ జోరత కిస్ అన్సాద్. 28 అరెన మోసే సియ్త నియమ్ సాస్త్రామున్ తిరస్కరం కత్తె ఇద్దరొ ముగ్గురొ ఇడ్త సాక్సమున్ పొయ్ అదవున్ ఎనటది దయ తోసెట అలుంఙ్ సార్. 29 అనంఙ్ అండె దెయ్యమ్నె పోరకున్ తోద్‍ ఇంతె తన్నెద్ ఎరద్? పాపులున్ పవిత్ర కత్ తాద్ కరార్నె నెత్తుర్ రున్ అపవిత్ర లంఙ్ ఇంతె తానెద్ ఎర్సాద్? కృపన్ బరిత ఆత్మాన్ లజ్జంఙ్ కొత్తె తనెద్ ఎర్సాద్? ఇద సిమ్కన కలెకనుంఙ్ ఇంక ఎక్వ సిక్సపడ్సాదో అదికలూర్! 30 “రగ్గున్ సాయేకాద్ అన్నె పని. మలపూత్ సియ్సాతున్” ఇసా, అనాయ్ “ప్రబుంద్ తన్నె మందిన్ వెంటా ఇనంఙ్ న్యాయ్ సియ్తెంద్” ఇసా ఇడ్తంద్ నేండుంఙ్ ఒర్కి. 31 పానం అనెకా దెయ్యమ్నె కెయ్యుత్ అనెకాద్ గూల్ అర్రిత గొట్టి.

32 తే తిరెకా దినలున్ అది కలూర్. నీర్ వెల్ఙున్ అనుబావ్ కత్ తా వెన్కత్ ఎంతె దండి హింసాన్ బదలున్ బరిస్తిరొ అది కలూర్. 33 హింసాలున్, అవమనూ వాలడ్ నీర్ బహిరమాడ్ అప్మన్ గురి ఎత్. మరొక్కొ పకంఙ్ అనట వెదన అనుబావ్ కత్తరుంఙ్ ఔరడ్ నీర్ కలయుత్ అండతీర్. 34 అముదు ఎనంఙ్ ఇంతె, నీర్ కైదిక్ లత్తి తక్లిబ్ పడుత్ కివ్ ఎద్దిర్. నీర్ సియ్త, ఎప్పుడి అంత్ సంపదన అండావిస వారసు సుమ్మసతుమ్ ఇసాఒర్కిలుత్ ఇముంఙ్ ఇనెక ఆస్తి పస్తికున్న సుమ్ముత్ సెరెఙ కుసింఙ్ వరేర్.

35 అనంఙ్ ఎద్దె నిర ఇమ్మతడ్ దవ్డిప్నేర్. దైరమాడ్ అండె అదున్ పలితం దండి బాహుమనం సుమ్మతిర్. 36 దెయ్యమ్నె ఇస్టమున్ ఇదార్త వెన్కత్, అమ్నే వాగ్దానం ఇదార్తవున్ సుమ్మెంఙ్ ఇముంఙ్ సహయం పజే. 37 లెకనముత్ ఇడ్తెత్తి