110
Toteco quimaca tlanahuatili nopa tlanahuatijquetl
1 TOTECO quiilhui nohueyiTeco:
“Ximosehui nica ica nonejmac hasta nimitzmactilis mocualancaitacahua para xiquinnahuati.”
2 TOTECO quichihuas para titlanahuatis tlen altepetl Jerusalén,
huan tiquinnahuatis mocualancaitacahua catli campa hueli itztoque.
3 Huan ipan nopa tonali quema titlahuilanas huan monextis mochicahualis,
momasehualhua hualase campa ta huan mitztlajtlanise caquihuili para tlahuilanase para ta ica miyac paquilistli.
Moyoyontijtose ica ininyoyo catli tlatzejtzeloltic para mitztequipanose,
huan ta tijpiyas yancuic chicahualistli mojmostla,
quen huetzi nopa yancuic ajhuachtli ica ijnaloc.
4 TOTECO tlatestigojquetzqui huan amo moyolpatlas ica catli quiijtojtoc quichihuas.
Quena, yaya quiijtojtoc para ta tielis titotajtzi para nochipa quen Melquisedec.
5 Toteco itztoc campa monejmac para mitzmocuitlahuis.
Ipan nopa tonali quema yaya tlahuel cualanis,
quintzontlamiltis miyac tlanahuatiani.
6 Quintlatzacuiltis miyac masehualme ipan nochi tlalme,
huan quintemitis nopa tlalme ica mijcatzitzi.
Miyac masehualme quintzonxamanis ipan miyac tlalme.
7 Pero ipan ojtli yaya atlis ipan miyac atlajme,