Filemoni

1 Paulo mtabilwa wa kristo Yesu na Nnungu, Timotheo kwa filemoni bwiga litu wa tupanga lyengo pamo. 2 na Afia neno mbwitu, na Akripas asikari nnyitu wa kanisa lyalikwmbana na kaachako. 3 Neema ibe kwinu yaipita kwa Nnungu tate bitu na ngwana Yesu Kristo. 4 Wakati woti nendoshukuru Nnungu nenda kutamwa panilaba. 5 Njoine obelya kwako na upendo na upendo waubilenao kwa ngwana Yesu na kwa banamachi boti. 6 Nduba umope waunogite wa ubelya kwinu kwa kila kikoe kigolou twenga na kristo. 7 Mbile napulaa telebuu kwa kitumbuu cha wenga kubatuliza mioyo banamachi. 8 Nibii nangupu lyoti kwa boti katikaa Kristo ya kukubakia upange chauwecha panga. 9 Lakini kitumbu cha upendo, nenda kuloba nenga na Paulo nng'oi wanitabilwe nambiambi kitumbu cha yesu 10 Nenda kuloba usu mwana wangu Onesmo wanimpapite katika tabilwa kwangu. 11 Hakupwaikeli lakini nambiambino hakupwaika wenga na nenga. 12 Nintumite ywembe ywapamwoyo wangu abuyangane kwako. 13 Napendi akayendelya tama nanee lenga aniya ngate pandu pako panitobilwe kwa kitubu liyagayo. 14 Napendi kupanga kikowe sosate wangali yikilya wenga. 15 Natendika kitumbu likowe linoguu lipangike kwakuwa muli, ila kati mwaupande wa mwane. Kitumbu sabukakasako sai kwalioba paumapa na wa maisa gote. 16 Linga kareaba mmanda kai ila aba mundu yo ngama kati Nnungu ywaapendilwa muna na nenga munomuno na wenga kuyigana katu za bwana. 17 Kati nyo mwamba ndolya nenga mshirika kai mwaupala paga kunipokiya nenga. 18 Lakini mana kukosite likowe l'ol'ote nakulonga kikowe kuroke kachango nee. 19 Nee na'Paulo niandika kwa luboko namwene: nenga na'kulipa. Nikoya kwako kwo-longa mu'maisa g'ako muno. 20 Eelo wanongo, Unileke nipate pula ya'Bwana boka kwako: uutelebuye moyo wango katika Kristo. 21 Bukana na amo niywa nikuahidikya wangali kyanyo panga uliapanga pita ama nikubakia nikuliba. 22 Popo na popo ubike bwiso pandu pa ugonjo wa ageni kwa kitumbu sangu, nindowasa kwopitia amo uniliulya nakutyangila papipiino. 23 Epafra ayuu tatabilwa twatate kitu nibusa kirisitu Yesu endokusalimia. 24 Kati mo panga Marko, Aristariko, Dema, Luka, bababi mulyangopamope na nenga. 25 Ngingi ya Bwana bwitu Yesu Krisitu pamope na mwoyo wako. Amina