Ihubo 47
Kumqondisi wokuhlabela. ElamaDodana kaKhora. Ihubo.
1 Qakezani izandla zenu, zizwe zonke;
hlokomani kuNkulunkulu ngomsindo wokuthokoza.
2 Wesabeka kangakanani uThixo oPhezukonke,
iNkosi enkulu kuwo wonke umhlaba!
3 Wazehlula zonke izizwe zaba ngaphansi kwethu,
abantu babangaphansi kwezinyawo zethu.
4 Wasikhethela ilifa lethu,
igugu likaJakhobe amthandayo.
5 UNkulunkulu usekhuphukile phakathi komsindo wentokozo,
uThixo uphakathi kokukhala kwamacilongo.
6 Hlabelelani indumiso kuNkulunkulu, hlabelelani indumiso;
hlabelelani indumiso eNkosini yethu, hlabelelani indumiso.
7 Ngoba uNkulunkulu uyiNkosi yomhlaba wonke;
hlabelelani kuye ihubo lokudumisa.
8 UNkulunkulu uyazibusa izizwe;
uNkulunkulu uhlezi esihlalweni sakhe sobukhosi esingcwele.
9 Izikhulu zezizwe ziyaqoqana
njengabantu bakaNkulunkulu ka-Abhrahama,
ngoba amakhosi omhlaba angakaNkulunkulu;