Ihubo 115
1 Kakungabi kithi, Oh Thixo, hatshi kithi
kodwa kwelakho ibizo kakube lenkazimulo,
ngenxa yothando lokuthembeka Kwakho.
2 Kungani izizwe zisithi,
“Ungaphi uNkulunkulu wabo na?”
3 UNkulunkulu wethu usezulwini;
wenza loba yini ayithandayo.
4 Kodwa izithombe zabo yisiliva legolide,
zenziwe ngezandla zabantu.
5 Zilemilomo, kodwa kazikhulumi,
amehlo, kodwa kaziboni;
6 zilezindlebe, kodwa kazizwa,
amakhala, kodwa kazinuki lutho;
7 zilezandla, kodwa kazenelisi ukuthinta,
inyawo, kodwa kazihambi;
njalo ngeke nje zenze umsindo ngemphimbo yazo.
8 Labo abazenzayo bazakuba njengazo,
kube njalo lakulabo abathemba kuzo.
9 Oh ndlu ka-Israyeli, methembe uThixo
lusizo lwabo lesihlangu sabo.
10 Oh, ndlu ka-Aroni, methembe uThixo
ulusizo lwabo lesihlangu sabo.
11 Lina elimesabayo, thembani kuThixo
ulusizo lwabo lesihlangu sabo.
12 UThixo uyasikhumbula njalo uzasibusisa:
Uzayibusisa indlu ka-Israyeli,
uzayibusisa indlu ka-Aroni,
13 uzababusisa labo abamesabayo uThixo
abancinyane labakhulu ngokufananayo.
14 Sengathi uThixo angalenza lande,
lonke lina kanye labantwana benu.
15 Sengathi lingabusiswa nguThixo
uMenzi wezulu lomhlaba.
16 NgakaThixo amazulu aphezu kwakho konke,
kodwa umhlaba wawunika abantu.
17 Kakusibo abafileyo abadumisa uThixo,
labo abangena phansi ekuthuleni;
18 yithi esimbabazayo uThixo,
khona manje kanye laphakade.