Mark

35 Wurdamayena nina Djisas wakana baberrawa djawirna. “Ngurrbidjeba kanawa belbaya ngakaliyarra.” 36 Karr-bakorrawa banabawana nina djawirna bakaya Djisas kana kabbala yingawa narr-munga kabbala bakakaya bardayika.

37 Nadjorra wunamirla djaba balbala wunamirla nayaka. Kuka bonganjana kana kabbala. Kabbala mankirdiyana. 38 Djisas yurda kana kabbala bila belbana yurda. Djawirna bakulkiya bawakana liyawa, “Djabba, nangarda njeyaba njeyurda? Njeyaba korla keydjama anjekarkaya nguberrabba. Nguberrabba korlaba ngubumarnkirriya.”

39 Djisas karamarda wakana lorr balbala kuka, “Baddiyana, marawaka!” Kanaba yingawa balbala baddiyana maburlarr nina.

40 Djisas wakana baberrawa djawirna “Nangarda liyawa njeyaba njawarakuma liyawa balbala? Ngarabba ngakadjawiya kendjarra. Korla nganakalewa ngarabba?

41 Bawakana baberrawa kanawa nguyawa “Kara njinka wunakelaya? Nangarda liyawa balbala yingawa baddiyana nguburrkeleya liyawa nakabba?” Baberrabba kunara balilibeyana liyawa bawar-kumada liyawa.

<- Mark 3Mark 5 ->