1 Altepet Jerusalén eltoc ipan nopa tepet tatzejtzeloltic cati iaxca Toteco.

2 Huan TOTECO quiicnelía Jerusalén achi más que nopa sequinoc pilaltepetzitzi ipan tali Israel.

3 Quena, Jerusalén eltoc ialtepe Toteco Dios,

huan quema masehualme quielnamiquij,

camanaltij nelcuajcualtzi ten nopa altepet.

4 Quema tatajco nohuampoyohua niquintocaxtía nopa talme cati inintoca Egipto, Babilonia, Filistea, Tiro huan Etiopía,

itztos se cati mohueyimatis pampa tacatqui ipan se ten nopa talme.

5 Pero ajsis tonali quema masehualme quiselise más hueyi tatepanitacayot pampa tacatque ipan altepet Jerusalén,

pampa Toteco Cati Más Hueyi quitiochihuas ni altepet.

6 Huan TOTECO quiijcuilos inintoca nochi cati itztoque ipan nopa altepet.

Huan nochi cati tacatque nopona quintalilis se tanextili campa ijcuilijtos inintoca.

7 Huan quema ilhuichihuase inijuanti, huicase ica paquilisti huan quiijtose:

“Nochi noyolo nijtalijtoc ipan Jerusalén.”

<- SALMOS 86SALMOS 88 ->