70
Se netatajtili para Toteco ma quipalehuiqui
1 ¡NoTeco Dios, xihuala techmanahuiqui inimaco nocualancaitacahua!
¡Quena, ximoisihuilti, Toteco Dios!
¡Xihuala techpalehuiqui!
2 Inijuanti nentinemij notepotzco huan paquij quema nechtaijyohuiltíaj.
Yeca nimitztajtanía xiquinpinahualti,
huan xiquincuepalti para ayecmo ma nechchihuilica cati amo cuali.
3 Xiquincuepa ica pinahualisti huan ayecmo xiquincahuili ma nechpinajtica.
4 Pero nochi masehualme cati mitztemohuaj,
xiquinmaca miyac paquilisti.
Nochi cati paquij pampa tiquinmaquixtijtoc, ma quiijtoca:
“Ma tijhueyitalica Toteco Dios.”
5 Pero na cati tahuel nitaijyohuía,
nimitztajtanía xihuala nimantzi huan techmanahuiqui,
pampa san ta hueli techpalehuis huan techmaquixtis.