3 Nopa israelitame quistejque ipan altepet Ramesés ipan tali Egipto ipan 14 itequi nopa achtohui metzti ipan nopa israelita calendario*33:3 Ni tonali quemantica huetzi ipan marzo huan quemantica ipan ipejya abril ipan tocalendario ama.. Quinescayotijque nopa ilhuit Pascua huan ica ijnaloc ten nopa seyoc tonali quistejque ica hueyi chicahualisti iniixpa nopa egiptome. 4 Huan quema quistejque, nopa egiptome noja quintaltocayayaj ininconehua cati achtohuime pampa TOTECO quichijtoya ma miquica. Huan TOTECO nojquiya quintamitepejqui nochi inintaixcopincayohua.
5 Huan nopa israelitame quistejque altepet Ramesés huan quiquetzque iniyoyoncalhua ipan Sucot.
6 Quistejque Sucot huan mochihuatoj ipan Etam campa pehua nopa huactoc tali.
7 Quistejque Etam huan mocuetque para quimacase se huelta ica Pi Hahirot cati mocahua ica campa quisa tonati ten Baal Zefón, huan nopona mochijque nechca Migdol.
8 Huan quema quistejque Pi Hahirot, quiixcotonque nopa hueyi at huan ajsitoj campa nopa huactoc tali. Huan nejnentiyajque eyi tonati ipan nopa huactoc tali ten Etam huan mochijque campa Mara.
9 Huan quistejque ipan Mara huan ajsitoj ipan nopa huactoc tali cati itoca Elim campa oncayaya 12 amelme huan 70 apachij cuame, huan mochijque nopona.
10 Teipa quistejque Elim huan mochihuatoj nechca nopa hueyi at cati itoca Chichiltic.
11 Huan quistejque campa nopa Hueyi At Chichiltic huan mochihuatoj ipan nopa huactoc tali cati itoca Sin.
12 Huan quistejque campa nopa huactoc tali Sin huan mochihuatoj ipan Dofca.
13 Huan quistejque Dofca huan mochihuatoj ipan Alús.
14 Teipa quistejque Alús huan mochihuatoj ipan huactoc tali ten Refidim campa amo oncayaya at para quiise.
15 Huan quistejque Refidim huan mochihuatoj ipan nopa huactoc tali Sinaí.
16 Teipa quistejque ipan nopa huactoc tali Sinaí huan mochihuatoj ipan Kibrot Hataava.
17 Huan quistejque Kibrot Hataava huan mochihuatoj ipan Hazerot.
18 Huan quistejque Hazerot huan mochihuatoj ipan Ritma.
19 Teipa quistejque Ritma huan mochihuatoj ipan Rimón Peres.
20 Huan quistejque Rimón Peres huan mochihuatoj ipan Libna.
21 Huan quistejque Libna huan mochihuatoj ipan Rissa.
22 Huan quistejque Rissa huan mochihuatoj ipan Ceelata.
23 Teipa quistejque Ceelata huan mochihuatoj ipan nopa tepet Sefer.
24 Huan quistejque campa nopa tepet Sefer huan mochihuatoj ipan Harada.
25 Huan quistejque Harada huan mochihuatoj ipan Macelot.
26 Teipa quistejque Macelot huan mochihuatoj ipan Tahat.
27 Huan quistejque Tahat huan mochihuatoj ipan Tara.
28 Teipa quistejque Tara huan mochihuatoj ipan Mitca.
29 Huan quistejque Mitca huan mochihuatoj ipan Hasmona.
30 Huan quistejque Hasmona huan mochihuatoj ipan Moserot.
31 Huan quistejque Moserot huan mochihuatoj ipan Bene Jaacán.
32 Huan quistejque Bene Jaacán huan mochihuatoj ipan Hor ipan tali Gidgad.
33 Huan quistejque Hor ipan tali Gidgad huan mochihuatoj ipan Jotbata.
34 Huan quistejque Jotbata huan mochihuatoj ipan Abrona.
35 Huan quistejque Abrona huan mochihuatoj ipan Ezión Geber.
36 Huan quistejque Ezión Geber huan mochihuatoj ipan huactoc tali ten Zin campa Cades.
37 Huan quistejque Cades huan mochihuatoj ipan nopa tepet Hor campa monepantía nopa tali Edom.
38 Huan quej TOTECO quinahuati ma quichihua, tejcoc nopa totajtzi Aarón ipan ne tepet Hor huan nopona mijqui ipan nopa achtohui tonali ten nopa macuilpa metzti ipan nopa israelita calendario†33:38 Ni tonali eltoc ipan julio., quema ya quipiyayaya 40 xihuit para quistoyaj ipan tali Egipto. 39 Huan quema Aarón mijqui ipan nopa tepet Hor, quipiyayaya 123 xihuit.
40 Huan Tanahuatijquet Arad cati itztoya ipan nopa huactoc tali Neguev ipan tali Canaán quicajqui para ajsitihualayayaj nopa israelitame.
41 Huan nopa israelitame quistejque ipan tepet Hor huan mochihuatoj ipan Zalmona.
42 Huan quistejque Zalmona huan mochihuatoj ipan Punón.
43 Huan quistejque Punón huan mochihuatoj ipan Obot.
44 Huan quistejque Obot huan mochihuatoj ipan Ije Abarim campa monepantía ica tali Moab.
45 Huan quistejque Ije Abarim huan mochihuatoj ipan Dibón Gad.
46 Huan quistejque Dibón Gad huan mochihuatoj ipan Almón Diblataim.
47 Huan quistejque Almón Diblataim huan mochihuatoj ipan nopa tepeme ten Abarim cati mocahua más nechca campa quisa tonati ten Nebo.
48 Huan quistejque ipan nopa tepeme ten Abarim huan mochihuatoj ipan nopa tamayamit ipan tali Moab nechca nopa hueyat Jordán, huan iixmelac altepet Jericó cati eltoya ipan seyoc nali. 49 Huan quiquetzque iniyoyoncalhua nechca hueyat Jordán ipan nopa tamayamit ten tali Moab, huan ininchajchaj pejqui campa Bet Jesimot huan ajsic hasta Abel Sitim.
51 “Xiquinilhui nopa israelitame ya ni: Quema anquiixcotonase ni hueyat Jordán huan ancalaquise ipan tali Canaán, 52 xiquinmictica nochi cati itztoque ipan nopa tali. Xiquinsosolhuilica nochi inindioses masque quichijtoque ica tet, o ica teposti tatejtejtzonti. Nochi inintaixcopincayohua huan ininteteyohua xiquinsosolhuilica huan nojquiya xijsosoloca nochi taixpamit campa tacajcahuaj ipan tepeme. 53 Ximocuilica nopa tali huan nopona ximochantica para anitztose, pampa na nimechmactilía para elis amoaxca. 54 Pero monequi ximomajmacaca nopa tali ica sorteo quej imiyaca imasehualhua sesen hueyi familia. Nopa huejhueyi familias ica más miyac tacame quichihuase se sorteo para nopa talme cati achi hueyi, huan nopa huejhueyi familias cati amo quipiya más miyaqui tacame quichihuase sorteo para nopa talme cati amo más hueyi. Huan ijquiyampa, cati nopa sorteo quinextis para elis iaxca se familia, ya nopa elis iaxca.
55 “Pero sinta amo anquintamimictise cati ama itztoque ipan nopa tali, huajca cati mocahuase tahuel amechcuesolmacase quej se cuatejti cati calaqui ipan amoixteyol o quej se huitzti cati calaqui ipan amotacayo. Huan miyac antaijyohuise ipan nopa tali cati nimechmaca. 56 Huan na nimechtatzacuiltis amojuanti quej nimoilhuiyaya niquintatzacuiltis inijuanti.”
<- NÚMEROS 32NÚMEROS 34 ->