1 Kata Jacob ana sawara tupana i yauna ba i tauya ku Egypt. Ba maranai i verakasibau ku Beersheba wai tamana Isaac ana God kurina i puyobunuwa.

2 God pomai kiyakiya ai Jacob kurina i sisiya, “Jacob! Jacob!”

I kaobeyei i wona, “Awaika yauku nina!”

3 Damanina i wona, “Yauku God, tamam ana God, kega ku Egypt naena kuna nagarei. Namai am rakaraka ana wosei dam kaikapona kesana. 4 Yauku yabata tana gakira ku Egypt ba ana urabaimi, tana veramaga mena niko ku kupura. Kom Egypt kamonai kuna rabobo ba Joseph wai gwabimi yai, yaronai matam ina kapu potai.”

5 Damanina ba Jacob Beersheba i sumarei ba natunatuna, ba tamasi Jacob si uwani ba kosi natunatusi, ba kaokaowasi, Pharaoh wagon i porapora tamasi kairavina wai si geru. 6 Asi aba payapaya manamisi ba asi sawara tupana Canaan yai si yauna ba si gakira ku Egypt. Jacob ana rakaraka ereonowasi i yaunisi ba si nae ku Egypt.*Acts 7:15 7 Natunatuna sebasebare ba wawana sebasebare ba natunatuna bibaine ba wawana bibaine ana rakaraka tupana si nae ku Egypt.

28 Matapa si veraverakasibau wai Jacob Judah i porai i nao, kata Joseph iti babai Goshen ketana ita kaobibeyebeyisi. Ba maranai si verakasibau wai, 29 Joseph ana chariot i bobunagi ba i nae ku Goshen ita verabeyisi, ba maranai Joseph tamana Jacob i kinani wai, i rausi ba i tou kana veoroma. 30 Jacob, Joseph kurina i wona, “Karaku mosi nuwapotai ana rabobo, kairavina a kinanim ba a kuiri kata kom wai yawayawasim.”

<- Genesis 45Genesis 47 ->