21 Isaac kaowana kairavina Bada kurina i rupari basuna kaipokina. Bada ana pari i nonori wai i manawa. 22 Ba siyanai wai wawaya ruwa ba siyana kamonai si biratu. Ba i wona, “Awaika kairavina nikona kuriku e tupupuwa?” Wai damanina i nae Bada i toirubai.
23 Ba Bada i wonei i wona,
24 Ba kana nawaravi i yauni wai i tuwa wawaya ruwa sebasebare. 25 I nao i tupuwa wai taratarana ba ere sini korokorona wai si yorei Esau. 26 Muri yai i tupuwa wai Esau kaeketunai i bokikita wai si yorei Jacob[b] kata Isaac kana bodu 60 ba i tuvisi.
29 Mara kesana Jacob i gewagewa ba Esau i yebayebaga yepo, soya i rabobo saki wai i botu. 30 Ba Jacob kurina i wona, “Soya a rabobo saki! Misi nao gewagewa taratarana kuta beriku ata kani!” (Kona kairavina yebo si yorei Edom).[c]
31 Ba i wona, “Am bibadana ke kai beriku ba muri yai kam ana berim.”
32 Esau i wona, “Damanina, bibadana ke yauni ba yau soya a rabobo saki. Kota kam wata ke beriku ana kani.”
33 Jacob i kaobeyei i wona, “Ki suwoniku kata am bibadana tupana kuna beriku.” Damanina Isau kaobiyoyobana maragasina i wosei wai ana bibadana tupana Jacob i berei.[d]
34 Damania ba Jacob bread ba gewagewa Esau i berei i kam ba i toma i kakaba wai i tauya i nae. Ba ana biyaroko bibadana i sinikikiyei wai kega i nosi.
<- Genesis 24Genesis 26 ->