92
Godɨn ziam fer onger akam
Ighiar kam, a Godɨn ziam fer ighiam.
Me Sabatɨn dughiabar ighiar kam gami.
Me Sabatɨn dughiabar ighiar kam gami.
1 Ikiavɨra Itir God, nɨ Godɨn Bar Pɨn Itim,
arazir nɨ mɨnaba ighiabagh amua nɨn ziam fer kam, a dera.
2 Nɨ nan apangkuvir araziba, kɨ mɨzarazibar dar gun mɨkɨmam.
Kɨ dɨmagaribar zurara, nɨ deraghavɨra na gamir arazir kamɨn gun mɨkɨmam.
3 Kɨ gita ko kulele ko boam mɨsoghtɨ da ararer aghuim damu
nɨn ziam fam.
4 Kɨ nɨn ingangarir aghuim gɨnɨghnɨgha ighiam gamua bar akongezɨ,
nan navim dera.
5 Onger Akaba 139:17; Aisaia 28:29; 55:8-9; Rom 11:33-34O Ikiavɨra Itir God, nɨn nɨghnɨzim bar ekevezɨ,
nɨ ingangarir bar ekiabagh ami.
6 Gumazir nɨghnɨzir aghuiba puvatɨgha onganiziba,
me bizir kabagh foghan kogham.
7 Gumazir kuraba dadabar mɨn zuamɨram otivam.
Eghtɨ gumazir arazir kurabagh amiba, me bizir avɨriba inigh deraghvɨra ikɨtɨ,
nɨ bar me gasɨghasigham.
8 Kamaghɨn, Ikiavɨra Itir God,
nɨ uabɨ atrivimɨn ikɨ kamaghɨra ikɨ.
9 E fo, gumazir nɨn apanimɨn itiba me arɨmɨghiregham.
Gumazir arazir kurabagh amiba, nɨ me abɨnightɨ
me tintinibar arɨ mangam.
10 Nɨ na amɨsevegha gavgavir ekiam na ganɨngizɨ, kɨ bar akonge.
Gavgavir kam bulmakaun gavgavim ko magh ghu.
11 Kɨ uan apanibar gari me ikuvigha gɨfa,
ezɨ kɨ gumazir kurabar ararem barasi.
12 Onger Akaba 1:3; 52:8; Aisaia 65:22; Hosea 14:5-6Gumazir Godɨn damazimɨn deraziba, me deragh otivigham.
Me mati iruem dagher aghuiba bata,
egha uaghan Lebanonɨn kantrin itir sidan temer ekiabar mɨn aghungi.
13 Onger Akaba 100:4; 135:2Me mati, temer me Ikiavɨra Itir Godɨn Dɨpenimɨn oparigha gɨvaziba.
Da en Godɨn Dɨpenimɨn aven aghua egha deragha gara iti.
14 Onger Akaba 1:3; Jon 15:2Da ghurizir dughiamɨn, dar dagheba ikiavɨra iti.
Dar dafaribagh arɨghavɨra itima, da gavgavigha mɨdir puvatɨ.
15 Da kamagh amua gumazamizibav gɨa ghaze,
“Ikiavɨra Itir God a bar guizbangɨra, a ifarir puvatɨ.
A dagɨamɨn mɨn itima, kɨ an aven modima a nan akurvasi.
Arazir kuratam an itir pu.