54
God nan Akurvazir Gumazim
Devit ighiar kam osiri.
Gumazir onger akabar faragha zuim, kar an onger akam. Gumazir kam, gumazir gitabav sozibav kemezɨ me ighiam gami.
Sifia ghua Sol mɨgɨa ghaze, Devit men tongɨn modoghav iti. Ezɨ Devit dughiar kamɨn ighiar kam osiri.
Me onger akar kam kamagh a dɨbori, Maskil.
1 1 Samuel 23:19; 26:1O God, nɨ uan ziar gavgavimɨn nan akuragh gumazir kurabar dafaribar ua na inigh.
Nɨ uan gavgavir bar ekiamɨn nan akuraghtɨ, kɨ fɨrighɨrɨka.
2 O God, kɨ nɨ ko mɨgei, nɨ na baragh.
Nɨ kuarim atɨgh nan mɨgɨrɨgɨaba baragh.
3 Nguibar igharazibar gumaziba na mɨsoghasa izegha gɨfa.
Gumazir igharaz darazigh asɨghasɨziba, me na mɨsueghtɨ kɨ aremeghasa.
Gumazir kaba kamaghɨn nɨghnɨsi, God a pura bizim.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
4 Bar guizbangɨra, God uabɨra nan akurvasi.
Ekiam nan akurvazima, kɨ deravɨra ikia, angamɨra ikiavɨra iti.
5 Nan apaniba, God mar mɨzazim me gasɨ.
Egh arazir kurar me na gamiba,
a maghɨra da otevkɨnigh da isɨ me gasegh.
Nɨ mɨkemezɨ moghɨra deragha bizibagh amua, uan nɨghnɨzim gɨghavkɨrir puvatɨ.
Egh kamaghɨra, nɨ bar nan apaniba agɨvagham.
6 O Ikiavɨra Itir God, nɨ bar derazɨ kɨ nɨ mɨnaba.
Kɨ uan ifongiamɨn nɨ bagh ofa damuasa bar ifonge.
7 Onger Akaba 59:10Nɨ nan akurazima, osɨmtɨzir na bativiba,
tam na abɨrazir puvatɨ.