50
God gumazamizibar araziba tuisɨsi
Asap onger akar kam osiri.
1 Godɨn Bar Gavgaviba Itim, a en Ikiavɨra Itir God.
An aruem anadi naghɨn ikegha ghua aruem uaghiri naghɨn itir gumazamiziba bar men dei.
2 God Saionɨn nguibamɨn ikia uan Dɨpenimɨn iti.
Nguibar kam a bar deragha ganganir aghuim gami,
Godɨn angazangarim Saionɨn otiva a gisiragha
nguazir kam bar an ghu.
3 En God a izi, egha a nɨmɨra izir puvatɨ.
Avir ekiam bizir avɨribar isia an faragha izima,
amozim ko amɨnir ekiam a sara izi.
4 An overiam ko nguazimɨn diazɨ,
aning izɨ uaghan ikɨ gantɨ,
a guizɨn arazimɨn gɨn mangɨ uan gumazamizibar araziba tuisɨgham.
5 God ghaze,
“Ia nan gumazamiziba, ia na bagh izɨ.
Ia na ko Akar Dɨkɨrɨzir Gavgavim gamigha gavgavim a danɨngasa, asɨzibav sogha ofa gami.”
6 Onger Akaba 75:7; 97:6Overiam uabɨ ghaze, Godɨn Araziba bar moghɨra dera.
Guizbangɨra, a uabɨ guizɨn arazimɨn gɨn ghua
gumazamizibar araziba tuisɨsi.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
7 God ghaze,
“Nan gumazamiziba, ia oraghtɨ kɨ mɨkɨmam.
Ia Israelia, kɨ kotɨn aven tugh ia gasir akamɨn gun mɨkɨmam.
Kɨ uabɨra God, kɨ guizbangɨra ian God.
8 Kɨ ofan ia amiba bagha ian atarir puvatɨ.
Kɨ ian garima,
ia zurara nan damazimɨn ofa bagha amua avimɨn da tue da bar isia mɨghɨri.
9 Kɨ ian dɨvazibar aven ian bulmakaun apuriba ko memen apuriba inian aghua.
10 Guizbangɨra, ruarimɨn itir asɨzir atiaba bar nana.
Mɨghsɨaba bar dar itir bulmakauba,
da bar vaghvagha nan asɨzibara.
11 Kuarazir mɨghsɨabar itiba, kɨ vaghvagha dagh fo.
Asɨziba ko apizir tuzibar aven aruiba,
da bar nana.
12 Onger Akaba 24:1; 1 Korin 10:26Mɨtiriam nan aghɨtɨ, kɨ dagheba bagh ian azaraghan kogham.
Guizbangɨra, nguazim ko bizir an itiba, da bar nan biziba.
13 Kɨ ti bulmakaun tuziba api, o?
Kɨ ti memen ghuzim api?
Bar puvatɨ.
14 “Kamaghɨn deragham, ia bar God mɨnabagh.
Kamaghɨn garir ofa ia a damu.
Kɨ Godɨn Bar Pɨn Itim, bizir aghuir ia na danɨngasa mɨkemegha gɨvaziba,
ia da isɨ na danɨng.
15 Onger Akaba 91:15; 107:6; 107:13; 107:19; Sekaraia 13:9Osɨmtɨzim ia bativamin dughiamɨn,
ia nan dɨmtɨ kɨ ian akuragham.
Eghtɨ ia nan ziam fam.”
16 God kamaghɨn gumazamizir arazir kurabagh amibav gɨa ghaze,
“Ia tizim bagha nan arazir kɨ ifongeziba pura dar bori?
Ian arazir kam tong ian akurazir puvatɨ.
Egha tizim baghavɨra nan Akar Dɨkɨrɨzir Gavgavim purama a mɨgei?
17 Nehemia 9:26; Rom 2:21-22Kɨ ia akɨr ia mɨkɨman ia aghuagha,
nan akaba gɨrakɨrangɨn ada arɨsi.
18 Ia okɨmakɨar gumazibar gara me ko namakabagh ami.
Egha ia poroghamiba uari bakɨa uari ko akuir gumazamiziba koma arui.
19 “Ia zurara akar kurabav gɨa,
ian mɨzeba ifavarim ataghɨrazir puvatɨ.
20 Ia uan aveghbuaba gɨrakɨrangɨn me mɨgɨa,
me isa kotiabagh arɨsi.
21 Onger Akaba 90:8; Aisaia 55:8-9; 57:11; Rom 2:4Ia bizir kabagh amima, kɨ akam akarigha bizitam mɨgeir puvatɨ.
Ia ghaze, kɨ ti ia ko e magh ghue?
Bar puvatɨ.
Kɨ datɨrɨghɨn ia isɨ kot datɨgh azenara ian guabar ian atarɨva akam ia gasam.
22 “Ia deraghvɨram oragh!
Ia gumazamizir akɨrim ragha na gasaraziba.
Ia kamaghɨn damutɨ, kɨ ia gasɨghasightɨ,
gumazitam ian akuragh ua ia inighan kogham.
23 Onger Akaba 27:6Gumazim a na mɨnabi, mati a na bagha ofa gamua nan ziam fe.
Gumazamizir nan akamɨn gɨn zuiba,