48
Saionɨn nguibam, ziar ekiam ikɨ egh ikɨvɨra ikiam
Kar Koran adarazir onger akam.
Kar Godɨn ziam fer onger akam.
1 Ikiavɨra Itir God, ziar ekiam iti.
E Godɨn mɨghsɨamɨn ghuavanang,
egh an nguibar ekiamɨn aven mangɨ an ziar ekiam pɨrafam.
2 Matyu 5:35Saionɨn Mɨghsɨar kam, an ganganim bar deragha bar pɨn mar iti.
A notɨn amadaghan iti, ezɨ atrivir ekiamɨn nguibam an iti.
Ezɨ nguazimɨn gumazamiziba mɨghsɨar kam bagha bar ifonge.
3 God nguibar kamɨn ikia, mɨdorozibar dughiabar uan gumazamizibagh eghuva men akurvazima,
me deravɨra iti.
4 Atriviba uan mɨdorozir gumaziba ko uari akuva,
Saionɨn nguibam ko mɨsoghasa izi.
5 Me iza nguibamɨn gara atiatim men anadima,
me agoava ara zui.
6 Ua Me Ini 15:15; Hosea 13:13Me nguibamɨn gara nɨghava agoa mɨzazim isi,
mati amizim borim batasa mɨzazim isi.
7 Amɨnir ekiam aruem anadi naghɨn ikegha iza, Tarsisɨn nguibamɨn kuribagh asɨghasɨzi moghɨn,
nɨ me gasɨghasɨkigh.
8 God fomɨra amizir bizibar akaba, e pura da baraki.
E datɨrɨghɨn uan damazibar uan Godɨn Nguibamɨn ikia garima, a bizir kabagh ami.
A Ikiavɨra Itir Godɨn Gavgaviba Bar Itim,
kamaghɨn a uan nguibamɨn gara gavgavim isa a ganɨdima,
a tugh gavgavigh, egh kamaghɨra ikiam.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
9 O God, e nɨn Dɨpenimɨn aven ikia
nɨn apangkuvir arazir kam gɨnɨghnɨghavɨra iti.
10 Nguazir kamɨn gumazamiziba bar fo, nɨ ziar ekiam iti.
Egha me bar nɨn ziam pɨrafi.
Nɨ arazir aghuim gamua gumazamiziba me gativagha men gari.
11 Saionɨn nguibamɨn aven itir gumazamiziba bar akongegh.
Nɨ arazir aghuimra gɨn ghua gumaziba bar men araziba tuisɨsi.
Kamaghɨn Judan aven itir nguibabar gumaziba,
me bar akongegh.
12 Ia Israelia, ia bar izɨ
Saionɨn nguibam avɨnizir dɨvazimɨn azenan daruva, an dɨpenir ruarir gumaziba ikɨ ganamiba meng.
13 Ia Saionɨn nguibam avɨnizir dɨvazim deragh an ganigh nɨghnɨzim inighɨva,
deragh an itir dɨpenir gavgavibar ganigh.
Egh ia gɨn, deraghvɨra gɨn otivamin ovavibagh eghanam.
14 Aisaia 58:11Ia kamagh me mɨkɨm suam,
“Godɨn kam a en God, a zurara ikia kamaghɨra iti.