45
Atrivim amuimɨn ikiamim dughiamɨn onger akam
Kar Koran adarazir onger akam.
Kar, gumazim amizim gifongezir ighiam.
Gumazir onger akar kabar faragha zuim gumazibav gɨa ghaze, me Akɨmarir Aghuibar tiarimɨn gɨn mangɨ, ighiar kam bangɨ.
Me onger akar kam kamagh a dɨbori, Maskil.
1 Mɨgɨrɨgɨar aghuir avɨrir maba nan nɨghnɨzimɨn izi.
Kɨ onger akar kam osirightɨ me atrivim bagh a dɨponam.
Nan mɨzem mati fɨnfɨnim,
a gumazir akɨnafariba osira fofozimɨn mɨn ikia onger akar kam osiri.
2 O atrivim, nɨ gumazir ganganir aghuim gamim.
Gumazir igharazitam nɨn mɨn garir puvatɨ.
Mɨgɨrɨgɨar nɨn akamɨn otiviba bar deravɨra zui.
Ezɨ God deragha nɨ gamua mamaghɨra iti.
3 Nɨ atrivir bar gavgavim.
Nɨ adiarir bar aghuim gamizɨ nɨn ziam bar pɨn mar iti.
Nɨ uan mɨdorozir sabam inigh
uan oghɨriam gikegh mɨsoghsɨ gan.
4 Nɨ atriviba bar dar faragha ghua ziar ekiam iti.
Nɨ guizɨn akam ko arazir aghuim baghavɨra mɨsoghasa,
uan hoziam gaperagha ghua mɨsogha uan apaniba abɨra.
Eghtɨ nɨn mɨdorozir arazim gavgavim sara mangɨtɨ,
gumazir kuraba bar nɨn atiatigham.
5 Nɨn bariba bar ghumigha,
apanibar dɨghoriba okorava aven zui.
Nɨ Kantrin Igharazibar Gumazamizibav sogha me abɨrima,
me nɨn suemningɨn apengan iti.
6 Onger Akaba 93:2; 98:9Hibru 1:8-9Nɨn atrivir dabirabir God nɨ ganɨngizim,
a zurara ikɨ mamaghɨra ikiam.
Eghtɨ nɨ guizɨn arazimɨn uan gumazamizibagh ativagh men ganam.
7 Onger Akaba 11:7Nɨ arazir aghuibara ifuegha, arazir kuraba bar dar aghua.
Kamaghɨn amizɨ, God nɨ amɨsevegha,
nɨ ziar ekiam ikiasa a borem nɨn dapanim ginge.
A kamaghɨn nɨ gamizɨ nɨ bar akonge,
ezɨ nɨ bar akongezir bizir kam, atrivir igharaziba bar me gafira.
8 Mea ko kasia ko alo, dar mughuriar aghuim, nɨn korotiar ruarimɨn ikia mughuriar aghuim zui.
Me elefanɨn ataribar dɨgɨrir igharagha garibar ingarigha,
atrivir dɨpenim asigha nɨ bar akueghasa me gitabagh ikiararai.
9 Atrivibar guivir maba, me nɨn ziaba itir amizibar tongɨn ikia
nɨn dɨpenimɨn aven iti.
Ezɨ amizir igiar nɨn amuimɨn otoghamim, a nɨn agharir guvimɨn tughav iti.
A Ofirɨn kantrin golɨn asɨngizir korotiar aghuim arugha tughav iti.
10 Amizir igiar atrivimɨn ikiasava amim, kɨ datɨrɨghɨn a mɨkɨmasa.
O guivim, nɨ kuarim atɨgh deragh nan mɨgɨrɨgɨaba baragh.
Nɨ uan nguibamɨn gumazamiziba ko, nɨn afeziamɨn dɨpenimɨn itir darazi gɨn amadagh.
11 Nɨ kamaghɨn damuva atrivimɨn damazimɨn ganganir bar aghuim damutɨ,
a nɨn gan nɨ gifuegham.
A nɨn gumazir ekiam,
nɨ an akaba baragh dar gɨn mangɨ.
12 Tairɨn kantrin gumazamiziba nɨ bagh bizir aghuiba inigh izɨtɨ,
dagɨar avɨriba itir gumaziba,
nɨ me gɨnɨghnɨghsɨ me uaghan dagɨaba nɨ danɨngam.
13 Atrivimɨn amuir bar igiam, an akua itir danganimra ikia
ganganiba bar dera.
A korotiar me tret golɨn nuavigha kurkezim aru.
14 Korotiar an aruzir kam dirir bar avɨriba iti,
ezɨ me an akua atrivim bagha zui.
A zuima an namakar amizir igiaba,
me uaghan an akua zui.
15 Men naviba men derazɨ me bar akuegha ghua,
atrivimɨn dɨpenimɨn aven zui.
16 O atrivim, nɨ datɨrɨghɨn otarir avɨriba ikɨtɨ,
me nɨn inazibar danganiba inigh atrivibar ikiam.
Nɨ me damightɨ me ziar ekiam ikɨ,
nguazir kamɨn gumazamiziba bar me gativagh men ganam.
17 Onger Akaba 138:4; Malakai 1:11Kɨ nɨn ziar ekiamɨn gun mɨkɨmtɨ,
gumazamizir gɨn otivamiba nɨ gɨnɨghnɨghvɨra ikiam.
Eghtɨ dughiar gɨn izamiba,