31
Gumazamizir Ikiavɨra Itir Godɨn apengan itiba a deragha men gari
Devit onger akar kam osiri.
An onger akar kabar faragha zuir gumazim gɨnɨghnɨgha onger akam osiri.
1 Onger Akaba 22:5; 71:1; Aisaia 49:23O Ikiavɨra Itir God, kɨ nɨn aven modoghtɨ
nɨ na geghuv deragh nan ganasa, kamaghɨn kɨ nɨ bagha ize.
Nɨ na ateghtɨ nan apaniba na abɨntɨ,
kɨ aghumsɨghan kogham.
Nɨ zurara arazir aghuim gami.
Egh nɨ uan arazir aghuir kamɨn gɨn mangɨ nan akuragh!
2 Onger Akaba 71:2Nɨ nan dɨmdiam baregh zuamɨra nan akuragh!
Nɨ dagɨar ekiamɨn mɨn na modogh.
Nɨ dɨvazir gavgavimɨn mɨn ikɨ na ekɨarughtɨ,
nan apaniba na abɨnan kogham.
3 Onger Akaba 18:2; 23:3; 25:11Guizbangɨra, nɨ uabɨ nan dagɨar ekiamɨn mɨn iti.
Nɨ nan dɨvazir bar gavgavimɨn mɨn ikia deragha na geghufi.
Nɨ uan ziar ekiam bangɨn, nɨ fomɨra mɨkemezɨ moghɨn,
kɨ zui naghɨn, nɨ nan faragh mangɨ nan akua na geghuv.
4 Nɨ nan danganir mogomemɨn mɨn iti.
Nan apaniba modogha na bagha gurazir azuazir kam,
nɨ nan akuraghtɨ a nan suighan kogham.
5 Luk 23:46; Aposel 7:59O Ikiavɨra Itir God, kɨ uan duam nɨn dafarim garɨsi.
Nɨ guizɨn arazibagh amir God,
nɨ nan akuragha ua na inigha gɨfa.
6 Marvir guar gavgaviba puvatɨzibar ziaba fer gumazamiziba,
nɨ bar men aghua.
Ezɨ ko,
kɨ nɨghnɨzir gavgavim nɨn iti.
7 Nɨ zurara nan apangkufi,
kamaghɨn kɨ nɨ bagha bar akonge.
Guizbangɨra, bizir kurar na bativiba, nɨ bar dar gari.
Egha nan navir averiamɨn aven itir osɨmtɨziba,
nɨ bar dagh fo.
8 Onger Akaba 18:19Nɨ nan akurazɨ
kɨ apanibar dafaribar itir puvatɨ.
Nɨ nan akurazɨ kɨ deragha iti.
9 O Ikiavɨra Itir God, kɨ osɨmtɨzir ekiam ikia,
egha azia ghua nan damazimning bezɨ,
nan gavgaviba bar gɨfa.
Kamaghɨn, nɨ nan apangkufigh.
10 Onger Akaba 32:3; 102:3Osɨmtɨzir kam, na gamua nan ikɨrɨmɨrim otefe.
Kɨ aziavɨra iti, egh kamaghɨn kɨ dughiar ruarimɨn ikeghan kogham.
Osɨmtɨzir ekiam nan itima, kɨ gavgaviba puvatɨ.
Nan agharapaniba nan amiraghamɨrasi.
11 Nan apaniba na dɨpova na mɨgei.
Ezɨ nan namakaba nan aghuagha akar kurabar na mɨgei.
Ezɨ nan roroaba uaghan nan atiatia ghaze,
God ivezir kuram a ganɨdi.
Kɨ tuavimɨn zuir dughiabar,
gumaziba nan gara nan ari.
12 Onger Akaba 88:4-5Gumazim aremezɨ gumazamiziba bar a gɨn amadazɨ moghɨn,
me na gɨn amada.
Kɨ mati, nguazir mɨnem bɨghizɨ,
me na makuni.
13 Jeremaia 6:25; 20:3; 20:10; Matyu 27:1Kɨ orazi, apanir avɨriba uari akuva gɨrakɨrangɨn moghɨn aghumra uariv gei.
Me atiatim na danɨngasa uari akuva na gasɨghasɨghasa akam mɨsosi.
Egh na mɨsueghtɨ kɨ aremeghasa uariv gei.
14 O Ikiavɨra Itir God, nɨ nan God,
kɨ nɨghnɨzir gavgavim nɨn iti.
15 Kɨ datɨrɨghɨn itir ikɨrɨmɨrir kam,
kɨ a isa nɨn dafarim gatɨ.
Nɨ nan akuragh
nan apanir nan agɨntɨzibar dafaribar ua na inigh.
16 Dɨboboniba 6:25-26; Onger Akaba 4:6; 67:1Kɨ nɨn ingangarir gumazim, nɨ uan guam na mɨtuazɨ an angazangarim na gisirazɨ moghɨn,
kamaghɨra nɨ bar na gifuegh nan boroghɨra ikɨ.
Nɨ zurara nan apangkuvighavɨra iti.
Kamaghɨn, nɨ nan akurvagh!
17 1 Samuel 2:9; Onger Akaba 25:2; 115:17O Ikiavɨra Itir God, kɨ nɨn azangsɨsi, nɨ nan akuragham.
Nɨ apanibar amamangatɨghtɨ me na abɨraghtɨ kɨ aghumsɨzim inian markɨ.
Gumazir kuraba mar ikuvighɨva aghumsɨgh.
Me mar oveng mangɨ Gumazamizir Oveaghuezibar Nguibamɨn magɨrɨ,
egh akabar kumigh ikɨ.
18 1 Samuel 2:3; Onger Akaba 12:3; Jut 1:15Gumazir kaba uari fa akaba batogha,
gumazir aghuiba dɨpova akar kurabar me mɨgei.
Egha ifavarir akabav gei.
Nɨ me gasɨghasightɨ, me uam akaba akaran kogham.
19 Aisaia 64:4; 1 Korin 2:9Gumazir nɨn atiatia nɨn apengan itiba,
nɨ men akurvaghasa bizir aghuir avɨriba me bagha dagh ami.
Gumazir nɨghnɨzir gavgavim nɨn ikia nɨn aven modiba,
nɨ deravɨra me gami.
Egha gumazamizibar damazibar nɨ zurara men akurvasi.
20 Jop 5:21; Onger Akaba 27:5; 32:7Men apaniba me gasɨghasɨghasa akabar kɨri,
eghtɨ dughiar kamɨn, nɨ me avaragh deraghvɨra me geghuvtɨ
me me gasɨghasɨghan kogham.
Me nɨn dafarimɨn apengan ikɨtɨ,
apanibar akar kuraba me gasɨghasighan kogham.
21 1 Samuel 23:7; Onger Akaba 17:7Ikiavɨra Itir God bar nan apangkufi,
ezɨ kɨ ghaze, kɨ an ziam fam!
Nan apaniba na ekɨarugha na gasɨghasɨghasava amima,
God uan gavgavimɨn nan akurazɨ kɨ deravɨra iti.
22 Aisaia 38:11-12; Jona 2:4Kɨ faragha bar atiatigha kamagh nɨghnɨsi,
Ikiavɨra Itir God, nɨ na batoghezɨ kɨ ua nɨn boroghɨn itir pu
Puvatɨ, nɨ nan ararem baregha nan akura.
23 Ia gumazamizir God baghavɨra itiba,
ia bar moghɨra a gifongegh!
Gumazamizir zurara an gɨn zuiba,
a bar deraghavɨra me geghuva men gari.
Egha gumazir uari fa akaba batoziba,
a ivezir kuram me ganɨdi.
24 Onger Akaba 27:14Ia gumazamizir nɨghnɨzir gavgavim Ikiavɨra Itir Godɨn itiba,
ia uan navibar aven atiatingan kogh,
egh tugh gavgavigh mamaghɨra ikɨ.
<- Onger Akaba 30Onger Akaba 32 ->
31:1: Onger Akaba 22:5; 71:1; Aisaia 49:23
31:2: Onger Akaba 71:2
31:3: Onger Akaba 18:2; 23:3; 25:11
31:5: Luk 23:46; Aposel 7:59
31:8: Onger Akaba 18:19
31:10: Onger Akaba 32:3; 102:3
31:12: Onger Akaba 88:4-5
31:13: Jeremaia 6:25; 20:3; 20:10; Matyu 27:1
31:16: Dɨboboniba 6:25-26; Onger Akaba 4:6; 67:1
31:17: 1 Samuel 2:9; Onger Akaba 25:2; 115:17
31:18: 1 Samuel 2:3; Onger Akaba 12:3; Jut 1:15
31:19: Aisaia 64:4; 1 Korin 2:9
31:20: Jop 5:21; Onger Akaba 27:5; 32:7
31:21: 1 Samuel 23:7; Onger Akaba 17:7
31:22: Aisaia 38:11-12; Jona 2:4
31:24: Onger Akaba 27:14