22
Gumazim osɨmtɨzim ikia akurvazim bagha dia, egha ighiam banga God mɨnabi
Devit ighiar kam osiri.
Gumazir onger akabar faragha zuim gumazamizibav kemezɨ me tiarir kamɨn ighiam bange, “Mɨzarazimɨn asɨzir dian amebam.”
1 Onger Akaba 10:1; Matyu 27:46; Mak 15:34O nan God, nan God,
nɨ tizim bagha na ataki?
Nɨ manmaghsua saghon ikia nan ararem baragha
nan akurvaghan aghua?
2 Onger Akaba 42:3; 88:1O nan God, kɨ aruebar nɨn deima, nɨ na barazir puvatɨ.
Kɨ dɨmagaribar nɨn azangsɨghavɨra ikia tong avughsir puvatɨ.
3 Ezɨ nɨrara bar deragha zuegha, arazir aghuibaram amua,
uan atrivir dabirabim gaperaghav itima, Israelia nɨn ziam fe.
4 Onger Akaba 78:53; 107:6Fomɨra en ovaviba nɨghnɨzir gavgavim nɨn iti.
Me nɨghnɨzir gavgavim nɨn itima,
nɨ men akurazɨ, men apaniba me abɨrazir puvatɨ.
5 Me nɨn diava araima, nɨ men akuragha ua me ini.
Ezɨ nɨghnɨzir gavgavir me nɨn itir kam,
a pura ghuzir puvatɨ.
6 Jop 25:6; Onger Akaba 31:11; Aisaia 41:14; 49:7Ezɨ kɨrara, kɨ gumazim puvatɨ, kɨ pura apizir kuramɨn mɨn iti.
Gumazamiziba bar nan atara na dɨpova na dɨkabɨra, akɨriba igha na gasi.
7 Aisaia 53:3; Matyu 27:39; Mak 15:29; Luk 23:35Gumazamiziba bar nan gara akaba na gasa,
mɨzeba onga na garɨgha uan dapaniba roi.
8 Matyu 27:43Me ghaze, “Nɨ nɨghnɨzir gavgavim Ikiavɨra Itir Godɨn iti.
A manmaghsua nɨn akuragha ua nɨ inizir puvatɨ?
God nɨ gifongegha nɨ bagha bar akonge,
egha manmaghsua a nɨn akurazir puvatɨ?”
9 Onger Akaba 71:5-6O God, nɨ nan amebamɨn navir averiamɨn na inigha azenan na atɨzɨ,
kɨ uan amebamɨn otem apavɨra itima,
nɨ na geghuva deragha nan gari.
10 Aisaia 46:3; 49:1Nan amebam na batezir dughiamɨn iza datɨrɨghɨn, kɨ nɨghnɨzir gavgavim nɨn iti.
Nan amebam na batezir dughiamra, nɨ nan Godɨn iti.
11 2 Atriviba 14:26; Onger Akaba 72:12; Aisaia 63:5Osɨmtɨzim bar nan boroghɨn izegha gɨvazɨ,
nan akurvaghamin gumaziba puvatɨ.
Kamaghɨn amizɨ, nɨ nan saghon ikian markɨ!
12 Nan apanir avɨriba bulmakaun apuribar mɨn na ekɨarugha gɨfa.
Me mati, Distrik Basanɨn bulmakaun gavgaviba.
13 Me, laion uan akam akara asɨzibav sogha dagh asɨghasɨzi moghɨn,
me na gasɨghasɨghasava ami.
14 Onger Akaba 73:26; Daniel 5:6Nan gavgaviba bar gɨfa,
mati me dɨpam nguazim gingezɨ a ghua pura gɨfa.
Nan namnamɨn aghariba bar nan apunapuni.
Kendel purama emɨra uaghiri moghɨn,
nan navir averiam purama amɨragha uaghiri.
15 Onger Akaba 38:10Nan kuarmɨzim mɨner bɨghizir mamɨn mɨn na mɨsɨngi.
Ezɨ nan mɨzem iza nan akatorimɨn aven pura itoroghav iti.
Nɨ na ataghizɨ,
kɨ nguazir mɨnemeniamɨn mɨn irɨghav ikia bar ovengasava ami.
16 Gumazir kuraba bar na ekɨarugha gɨfa,
mati afiaba bar asɨzim okarigha gɨfa.
Me nan suemning ko dafarimning ginivaghasi.
17 Nan aghariba bar azenim girezɨ,
gumazir kaba nan ganigha na dɨpova bar akonge.
18 Matyu 27:35; Mak 15:24; Luk 23:34; Jon 19:24Me nan korotiaba tuiragh uarira uari danɨngasa,
da bagha satu gikararai.
19 Onger Akaba 22:11; 70:5O Ikiavɨra Itir God, nɨ nan saghon ikian markɨ.
Nɨ nan Akurvazir Gumazim,
nɨ zuamɨra izɨ nan akuragh.
20 Nɨ nan akuraghtɨ men mɨdorozir sabam na atughan kogham.
Nɨ nan akuraghtɨ, gumazir afiabar mɨn itir kaba na mɨsueghtɨ kɨ aremeghan kogham.
Kɨ angamɨra ikɨvɨra ikiam.
21 Onger Akaba 34:4; 118:5Laionba asɨzir atiabav sogha da api moghɨn, me na agɨvasa.
Egha bulmakaun atiabar mɨn uan kombar na ginivasa.
Kamaghɨn amizɨ, nɨ nan akuragh
men dafariba da ua na inigh.
22 Onger Akaba 40:10; Hibru 2:12Kɨ uan adarazir tongɨn ikɨ nɨn ziamɨn gun me mɨkɨmam.
Gumazamiziba uari akuvamin danganimɨn,
kɨ men tongɨn ikɨ nɨn ziam fam.
23 Kɨ kamagh mɨkɨm suam,
“Ia Ikiavɨra Itir Godɨn atiatia an apengan iti darasi, ia an ziam fɨ.
Ia Jekopɨn ovavir boriba, ia ziar ekiam a danɨng.
Ia Israelia, ia an damazimɨn tugh an ziam pɨrafɨ.”
24 Onger Akaba 31:22; 69:17; 69:33; Hibru 5:7Gumazamizir onganaraziba,
a men osɨmtɨzibar gara pura da ataghɨrazir puvatɨ.
A kamaghɨn mɨgeir puvatɨ, men osɨmtɨziba pura biziba.
A men saghon itir puvatɨ.
A men azangsɨziba barasi.
25 Onger Akaba 35:18; 40:9-10; 61:8Gumazamiziba uari akuvagh nɨn ziam famin dughiamɨn,
kɨ nɨ amizir biziba bagh nɨn ziamra fam.
Egh gumazamizir nɨn atiatia nɨn apengan itibar damazimɨn,
kɨ fomɨra nɨn ofa damuasa akam akɨrizir biziba,
kɨ nɨ bagh dar damuam.
26 Onger Akaba 40:16; 69:32Gumazamizir onganaraziba,
me damasa ifongezɨ moghɨn, damɨ bar izɨvagh ikiam.
Gumazamizir Ikiavɨra Itir Godɨn boroghɨn zuiba, me an ziam pɨrafɨ.
Men naviba amɨragh deraghvɨra ikɨ mamaghɨra ikiam.
27 Onger Akaba 2:8; 82:8; 86:9Nguazimɨn itir ikɨziba bar,
me Ikiavɨra Itir God gɨnɨghnɨgh,
a bagh izɨ an guamɨn teviba apɨrigh an ziam fam.
28 Onger Akaba 47:7-8; Sekaraia 14:9Me fogh suam,
Ikiavɨra Itir God atrivimɨn ikia,
kantriba bar dar gumazamizibagh gativagha men gari.
29 Onger Akaba 89:48Bar guizbangɨra, gumazamizir uarira uari feba, an guamɨn teviba apɨrigh an ziam fam.
Eghtɨ gumazamizir ovengasava amiba,
me bar Godɨn guamɨn teviba apɨrigh an ziam pɨrafam.
30 Onger Akaba 102:18; 102:28Gumazamizir gɨn otivamiba, Ekiamɨn ingangarim damuam.
Gumazamiziba, uan ovavir borir gɨn otivamiba,
me an akamɨn gun me mɨkɨmam.
31 Onger Akaba 71:18; 78:6Gumazamizir men amebaba tɨghar me batamiba, me gɨn otivightɨ, me me mɨkɨm suam,
“God uabɨ uan gumazamizibar akuragha ua me ini.”
<- Onger Akaba 21Onger Akaba 23 ->
22:1: Onger Akaba 10:1; Matyu 27:46; Mak 15:34
22:2: Onger Akaba 42:3; 88:1
22:4: Onger Akaba 78:53; 107:6
22:6: Jop 25:6; Onger Akaba 31:11; Aisaia 41:14; 49:7
22:7: Aisaia 53:3; Matyu 27:39; Mak 15:29; Luk 23:35
22:8: Matyu 27:43
22:9: Onger Akaba 71:5-6
22:10: Aisaia 46:3; 49:1
22:11: 2 Atriviba 14:26; Onger Akaba 72:12; Aisaia 63:5
22:14: Onger Akaba 73:26; Daniel 5:6
22:15: Onger Akaba 38:10
22:18: Matyu 27:35; Mak 15:24; Luk 23:34; Jon 19:24
22:19: Onger Akaba 22:11; 70:5
22:21: Onger Akaba 34:4; 118:5
22:22: Onger Akaba 40:10; Hibru 2:12
22:24: Onger Akaba 31:22; 69:17; 69:33; Hibru 5:7
22:25: Onger Akaba 35:18; 40:9-10; 61:8
22:26: Onger Akaba 40:16; 69:32
22:27: Onger Akaba 2:8; 82:8; 86:9
22:28: Onger Akaba 47:7-8; Sekaraia 14:9
22:29: Onger Akaba 89:48
22:30: Onger Akaba 102:18; 102:28
22:31: Onger Akaba 71:18; 78:6