1 1 Eghaghaniba 16:34; 2 Eghaghaniba 5:13; 7:3; Esra 3:11; Onger Akaba 100:5; 106:1; 107:1; 118:1; Jeremaia 33:11Ikiavɨra Itir God, bar arazir aghuibar e gami, kamaghɨn e a mɨnabagham.

2 Ikiavɨra Itir God, godɨn ifavaribagh afiragha bar ekefe.

3 Ekiam nguazir kamɨn gumazir ekiaba bar dagh afira.

4 A uabɨra mirakelɨn ekiabagh ami.

5 Jenesis 1:1A uan nɨghnɨzir aghuimɨn overiamɨn ingari.

6 Jenesis 1:2A nguazim isa dɨpabagh isɨn an ingarizɨ an aperaghav iti.

7 Jenesis 1:16An aruem ko iakɨnimɨn ingari.

8 An aruem atɨzɨma an aruemɨn isiragha gari.

9 A iakɨnim ko mɨkoveziba atɨzɨma me dɨmagarimɨn isira.

10 Ua Me Ini 12:29A Isipian otarir ivariabagh soghezɨ me ariaghire.

11 Ua Me Ini 12:51A Israelian gumazamiziba inigha Isipɨn kantri ategha azenan ize.

12 A uan gavgavir ekiamɨn, ua me inigha ize.

13 Ua Me Ini 14:21-29An Ongarir Aghevim gamizɨ a tongɨra biaghɨrɨ.

14 A uan gumazamizibar faragha ghua, ongarir kam biaghirɨzɨ naghɨn, an an tongɨra me inigha azenan ize.

15 A Isipɨn atrivim ko an mɨdorozir gumaziba avigha Ongarir Aghevimɨn me makunizɨ me dɨpam amegha ariaghire.

16 Ua Me Ini 13:18; 15:22A uan gumazamizibar faragha ghua me inigha gumazamiziba puvatɨzir danganimɨn ghuava otifi.

17 An atrivir bar gavgavibav soghezɨ me ariaghire.

18 An atrivir ziaba itibav soghezɨ me ariaghire.

19 Dɨboboniba 21:21-30An Amorian Atrivim Sihon, a mɨsoghezɨ an areme.

20 Dɨboboniba 21:31-35A Basanian Atrivim Ok, a mɨsoghezɨ an areme.

21 An atrivir kabar nguazim isa uan gumazamizibagh anɨngi.

22 A nguazir kam isa uan ingangarir gumazim Israel ganɨngizɨ, nguazir kam men nguazimra mɨn iti.

23 En apaniba e abɨrima an e gɨnɨghnɨghavɨra iti.

24 A en apanibar dafaribar uam e ini.

25 A dagheba isa gumazamiziba ko asɨziba bar me ganɨdi.

26 Bizir kabanang bagh, e Godɨn uan Nguibamɨn itim mɨnamam!