Ikiavɨra Itir God, Jerusalemɨn igiamɨn atrivimɨn ikiam
56
(Sapta 56--66)
Gumazamizir Ikiavɨra Itir Godɨn apengan itiba, an Dɨpenim me bagha kuiaghirɨ
1 Ikiavɨra Itir God kamaghɨn mɨgɨa ghaze:
“Ia nan gumazamiziba, kɨ ian akurvaghamin dughiam, a bar roghɨra ize.
Gumazamiziba gantɨ, kɨ ua ia iniam.
Kamaghɨn amizɨ, nan gumazamiziba, ia nan guizɨn arazibar gɨn mangɨ
arazir aghuibar amu.
2 Aisaia 58:13“Gumazamiziba arazir aghuibar gɨn mangasa gavgavigha,
Sabatɨn araziba deravɨram dar gɨn ghua,
egha arazir kurabagh amir puvatɨ, me bar akongegh.
Kɨ deraghvɨra me damuam.”
3 Kantrin igharazibar gumazamizir Ikiavɨra Itir Godɨn gumazamiziba ko itiba, me kamaghɨn uarira uariv kɨman markɨ,
“Ikiavɨra Itir God e ateghtɨ, e uam an gumazamiziba ko ikian kogham.” Puvatɨ.
Ezɨ gumazir me an mɨkarzir mogomemɨn ovɨzim amɨsevegha gɨvazim,
a kamaghɨn nɨghnɨgham kogham,
“Kɨ boriba puvatɨgh, egh ziam puvatɨgham.
Kɨ mati temer mam mɨsigha gɨfa.”
Puvatɨgham.
4 Ikiavɨra Itir God kamaghɨn mɨgei,
“Gumazir kamaghɨn amiziba, me Sabatɨn arazibar gɨn mangɨ,
egh arazir kɨ ifongezibar gɨn mangɨ,
egh kɨ uan gumazamiziba ko amizir Akar Dɨkɨrɨzir Gavgavimɨn akabar gɨn mangɨtɨ,
5 kɨ men ziam itir ababanitam uan Dɨpenimɨn aven anetɨgham.
Eghtɨ gumazamiziba zuraram an gan me gɨnɨghnɨgham.
Eghtɨ men ziar ekiam, gumazir boriba itibar ziabagh afiragham.
Kɨ men ziam damightɨ a gɨvaghan kogham.”
6 Ikiavɨra Itir God ghaze,
Kantrin Igharazibar Gumazamizir maba,
me Ikiavɨra Itir Godɨn gumazamiziba ko ikiasa ifonge.
Egha na bagha ingara bar na gifuegha, nan gɨn iza nan ziam fa, nan apengan ikia,
Sabatɨn dughiaba deravɨra dar gɨn zui.
Egha kɨ Akar Dɨkɨrɨzir Gavgavir uan gumazamiziba ko amizim,
me deravɨra an suiragha an gɨn zui.
7 Matyu 21:13; Mak 11:17; Luk 19:46Ezɨ gumazamizir kaba, kɨ me inigh uan Mɨghsɨamɨn mavanangam.
Me nan Dɨpenir na ko mɨgeimɨn ikɨtɨ, kɨ me damutɨ me bar akuegham.
Me nan ofa gamir dakozim izɨ, asɨzim tuaghtɨ a bar isi mɨghɨrighamin ofa ko, ofan igharaziba na danɨngtɨ,
kɨ da iniam.
Guizbangɨra, nan Dɨpenimɨn ingangarimɨn mɨngarim kamakɨn,
kar Nguaziba Bar Men Gumazamiziba na ko Mɨgeir Dɨpenim.
8 Kɨ Ikiavɨra Itir God, ian Ekiam ghaze,
Kɨ Israelian gumazamizir apaniba inigha kalabus gatɨziba, kɨ uamategh me inigh izam.
Egh gumazamizir kɨ kalabusɨn inigha iza akuvaziba,
kɨ ua gumazamizir igharazir taba inigh me gɨfuragham.
God Israelian gumazir dapanibar atari
9-10 Israelian gumazir dapaniba, deragha gumazamizibar garir puvatɨzɨ, God akar kam gami,
“Apaniba ia datɨrɨghɨn izɨ.
Ia ruariba ko mɨghsɨabar asɨzir atiabar mɨn izɨ.
Ia izɨ Israelian gumazir dapanibagh asɨghasɨgh.
Gumazir dapanir kaba, bizir kurar izɨ kantri gasɨghasɨghamibar gun gumazamizibav kɨmamin ingangarim iti.
Egha me deragha uan ingangarim gamir pu. Puvatɨ.
Me mati gumazir damazir okavɨrɨziba, apaniba bagha gara ikia bizitamɨn garir puvatɨ.
Egha me mati afiar dapurir puvatɨziba,
me okɨmakɨar gumazimɨn ganigh, a dapuran kogham.
Fofozir muziaritam men dapanimɨn itir puvatɨ.
Me dakuasavɨra gara, irebar igharagha garibar ganasa bar ifonge.
11 Me afiabar mɨn daghem bagha bar ikufi, egha tong izɨvazir puvatɨ.
Me mati sipsipbar garir gumazim uan ingangarim gɨfozir puvatɨ.
Me vaghvagha uan ifongiabar gɨntɨsi.
Me uarira uarigh nɨghnɨgha bizibagh amua uarira uarir akurvasi.
12 Me uari akuvazir dughiamɨn, me vaghvagha kamaghɨn uariv gɨa ghaze,
‘Aria, ia izɨ, kɨ wainɨn dɨpam inigh,
e anemɨ mangɨ e uan ifongiaba agɨvaka.
Egh e, gurumzaraghan uam uari akuvagh