26
God uan gumazamizibar amutɨ me uan apaniba dɨkabɨragham
1 Dughiatam gɨn otoghtɨ, Judan nguazimɨn itir gumazamiziba ighiar kam damuam:
En nguibar ekiaba bar gavgafi!
Ikiavɨra Itir God, a uabɨ en dɨvazir bar mɨtiar gavgavimɨn mɨn iti.
An en akurvazima,
e uan apaniba dɨkabɨri.
2 Aisaia 45:25; 60:11; 60:18; 60:21; 62:1-2Ia nguibar ekiamɨn tiar akar ekiaba kuigh,
eghtɨ Godɨn damazimɨn derazir gumazamiziba aven izam.
Gumazamizir kaba zurara Ikiavɨra Itir Godɨn apengan ikia,
nɨghnɨzir gavgavim an iti.
3 Aisaia 27:5; 57:19; 66:12O Ikiavɨra Itir God, gumazamizir nɨn apengan itiba,
me zurara nɨ baghavɨra iti.
Kamaghɨn amizɨ, nɨ me gamima,
navir amɨrizimɨn arazim me gizɨfa.
4 Ikiavɨra Itir God, en God, a en mogomer danganir gavgavim,
mati dagɨar gavgavir ekiam.
Egh a zurara kamaghɨra ikiam.
Kamaghɨn e guizbangɨra nɨghnɨzir gavgavim Ikiavɨra Itir Godɨn ikɨva,
zuraram an apengan ikiam.
5 Gumazamizir ziar ekiar bar pɨn itiba,
Ikiavɨra Itir God me dɨkabɨri.
Egha a nguibar ekiar gavgaviba akaragharɨghizɨma,
da bar nguazim gire.
6 Nguibar nguazim girezir kaba,
gumazir onganaraziba ko gumazamizir gavgaviba puvatɨziba,
datɨrɨghɨn iza uan suebar me dɨkabɨra me gisɨn arui.
7 Onger Akaba 27:11; Aisaia 42:16; 57:2O God, gumazamizir nɨn damazimɨn deraziba,
nɨ me zuir tuavim akɨrizɨ, a voroghɨra iti.
Ikiavɨra Itir God, nɨn damazimɨn derazir gumazamiziba,
nɨ me bagha tuavim akɨrizɨ a dera.
8 O Ikiavɨra Itir God, e nɨn Akar Gavgavibar gɨn zui,
egha e nɨ baghavɨra gara,
nɨrara mɨzua iti.
Egha uan navir averiabar aven nɨn ziar ekiam bar a gifongegha ghaze,
gumazamiziba bar nɨ gɨfogh
zurara nɨ gɨnɨghnɨgham.
9 Onger Akaba 63:1; 63:5-6; Aisaia 55:6; Luk 6:12Dɨmagaribar mɨtiriam nan azi moghɨn,
nan nɨghnɨzim nɨrara iti.
Egha mɨzarazibar, kɨ uan navir averiamɨn aven
nɨ ko ikiasa bar ifonge.
Kɨ fo, nɨ nguazir kamɨn itir gumazamizibar araziba tuisɨsi,
eghtɨ me ganɨva guizɨn nɨn araziba deraghvɨra dagh fogham.
10 Eghtɨ nɨ gumazamizibar araziba tuisɨgh gumazamizir kurabar apangkuvightɨ,
me ti nɨn arazir derazibar fofozim inighan kogham.
Egh me gumazamizir nɨn damazimɨn derazibar nguazimɨn ikɨva,
me arazir kurar kabar amu mamaghɨra ikiam.
Egh me Ikiavɨra Itir Godɨn ziar ekiam ko gavgavim gɨnɨghnɨghan koghɨva,
an apengan ikian kogham.
11 Hibru 10:27O Ikiavɨra Itir God, nɨ gumazamizir kurabagh asɨghasɨghasa
uan agharim ghufegha gɨfa.
Ezɨ me an ganizir puvatɨ.
Egh nɨ me ateghtɨ, me an gan fogh suam,
nɨ uan gumazamizibar akurvaghasa bar ifonge.
Eghtɨ gumazir kurar kaba bar aghumsigham.
Eghtɨ nɨ uan apaniba bagha atɨzir avir kam,
bar me dapongtɨ me isigh.
12 O Ikiavɨra Itir God, nɨ en ingangariba akɨrmigha dagh amizɨ,
da deravɨram otifi.
Kamaghɨn amizɨ, nɨ dabirabir aghuim ko navir amɨrizim isɨ
e danɨngigh.
13 O Ikiavɨra Itir God, en God,
gumazir ekiar igharaziba fomɨra e gativaghava en gari.
Ezɨ e ziar ekiam nɨraram anɨdi.
14 Gumazir ekiar kaba datɨrɨghɨn ariaghiregha gɨfa.
Me ua itir puvatɨ, egh me ua dɨkavan kogham.
Nɨ men gavgavim dɨkabɨragha, me gasɨghasɨghizɨma, me bar ikuvigha gɨfa.
Ezɨ gumazamiziba ua men ziabagh nɨghnɨzir puvatɨ.
15 O Ikiavɨra Itir God, nɨ en kantri gamima, a bar ekefe.
Nɨ en kantrin gumazamizibagh amizɨ, men dɨbobonim bar ghuavanabo.
Nɨ en nguazimɨn mɨtaghniaba aruegha bar dagh isɨfa.
Ezɨ bizir kam bangɨn, nɨn ziar ekiam ghua bar ekefe.
16 O Ikiavɨra Itir God, nɨ uan gumazamiziba puv me gamima,
men gavgaviba gɨfa.
Egha me osɨmtɨzibar tongɨn ikia nɨ bagha iza osɨmtɨzir dafam sara
sighsirir akabar nɨ ko mɨgei.
17 O Ikiavɨra Itir God,
e mati amizim borim batasa mɨzazim isa pamtemɨn arai moghɨn,
e nɨn damazimɨn mɨzazim isi.
18 E, mati amizim borim batasa,
osɨmtɨzir dafam atera, egha mɨzazir dafam isa
nɨghnɨgha ghaze, bizir aghuitam ti otivam.
Ezɨ puvatɨ. E bizitam gamizɨ an otozir puvatɨ.
E mati, amizim boritam batezir puvatɨ,
a pura amɨnir kɨnim bate.
Guizbangɨra, e uan nguazimɨn itir apaniba dɨkabɨnamin gavgaviba puvatɨ,
egha uan nguazimɨn dabirabir aghuitam gamizir puvatɨ.
Egha e nguazir kamɨn ikiasa borir avɨritaba batezir puvatɨ.*Hibrun akam vezɨn kamɨn mɨngarim deragha bigha mɨkemezir puvatɨ.
19 O Ikiavɨra Itir God, nɨ uan gumazamizir oveaghuezibar amutɨ, me ua dɨkavigham.
Nɨ uan gumazamizir ovengezibar kuabar amutɨ, me gɨn ua angamɨra ikiam.
Ia mozimɨn itir kuaba,
ia ua osegh dɨmɨva bar akuegh ighiabar amuam!
O Ikiavɨra Itir God, nɨ mati dɨmagarimɨn ghuariam nguazir mɨsɨngizim girima,
oghevsevir igiaba a bativi moghɨn,
nɨ gumazamizir oveaghuezibar amutɨ,
me nguazim ategh ua dɨkavam.
Ikiavɨra Itir God, ivezir kuram isɨ uan gumazamizibar anɨngam,
eghtɨ me gɨn deraghvɨra ikiam
eghtɨ me gɨn deraghvɨra ikiam
20 Ia nan gumazamiziba, ia uan dɨpenibar aven mangɨ uan tiaba asegh.
Ia dughiar otevimra muegh ikɨtɨ,
Ekiamɨn anɨngagharim gɨvaka.
21 Ia gan! Ikiavɨra Itir God uan Nguibam ategha izaghiri,
egh nguazir kamɨn itir gumazamizibar arazir kurabar ikarvaghamin ivezim me danɨngam.
Eghtɨ gumazir igharazir darazi me mɨsoghezɨ me ariaghireziba,
nguazim uabɨ ovengezir gumazir kabar ghuziba mongan iburagham.
Bar puvatɨgham.
A gumazamiziba amizir arazir kurar kaba bar da azenim datɨgham.