Pol Korinɨn itir gumazamizibar nɨghnɨzir gavgavimɨn mɨgei
1[~1~]1 Korin 1:17Nan adarasi, kɨ ia bagha izezir dughiamɨn, kɨ Godɨn akar mogomemɨn ia mɨgɨa, fofozir gumazamizibar mɨn akar ekiar guar avɨritabar ia mɨkemezir puvatɨ. 2[~3~]Galesia 6:14; Filipai 3:8Kɨ faraghavɨra kamaghɨn nɨghnɨki, kɨ ian tongɨn ikiamin dughiamɨn, kɨ bizir igharazitam gɨnɨghnɨghan kogham. Puvatɨgham. Kɨ Krais Iesusra nɨghnɨghɨva, a ter ighuvimɨn aremezir ovevem uaghan a gɨnɨghnɨgham. 3[~5~]Aposel 18:9; 2 Korin 10:1Kɨ ia ko itir dughiamɨn, kɨ guizbangɨra gavgaviba puvatɨ. Kɨ atiatiava, mɨghɨghavɨra agoi. 4[~7~]Rom 15:19; 1 Korin 1:17; 1 Tesalonika 1:5; 2 Pita 1:16Ezɨ akar kɨ mɨkemezim ko Akar Aghuir kɨ kunizim, kɨ nguazir kamɨn itir fofozim o nɨghnɨzibagh etuir akam, ia mɨkemezir pu. Puvatɨ. God uan Duamɨn gavgavim, ian akazɨ, ia fo, kɨ mɨgeir akaba da guizbangɨra. 5[~9~]2 Korin 4:7; 6:7Guizbangɨra, kɨ kamaghsua, ian nɨghnɨzir gavgavim nguazir kamɨn itir fofozim gisɨn ikian kogham. Puvatɨ. Ian nɨghnɨzir gavgavim, Godɨn gavgavimra, a gisɨn tugham.
Godɨn Duam nɨghnɨzir aghuim ko fofozim e ganɨdi
6[~11~]1 Korin 1:28; Efesus 4:13; Filipai 3:15; Hibru 5:14Guizbangɨra, gumazamizir gavgavigha Godɨn Arazibar gɨn zuiba, e fofozir aghuim me ganɨdi. Ezɨ fofozir me inizir kam, a nguazir kamɨn itir fofozim puvatɨ. Egha uaghan a nguazir kamɨn gumazir dapanibar fofozim puvatɨ, kar gumazir ovengasava amiba. 7[~13~]Rom 16:25-26; Efesus 3:5; 3:9; Kolosi 1:26; 2 Timoti 1:9Fofozir aghuir e ia ganɨdir kam, a Godɨn nɨghnɨzir mogomem. Fomɨra, God tɨghar nguazimɨn ingaramin dughiamɨn, a uan fofozir aghuimɨn a kamaghɨn ifonge, e an Nguibamɨn ikɨ, ziar ekiam ko dabirabir aghuim a ko a iniam. Ezɨ dughiar kamɨn ikegha iza datɨrɨghɨn an fofozir aghuir kam en modo. 8[~15~]Luk 23:34; Jon 7:48; Aposel 13:27; 2 Korin 3:14Ezɨ, nguazir kamɨn gumazir dapanitam a gɨfozir pu. Puvatɨ. Me ti foghava, ziar ekiam itir Ekiam isa ter ighuvim gafughan koghai. 9[~17~]Aisaia 64:4Ezɨ e Godɨn Akɨnafarimɨn itir akamɨn mɨgɨrɨgɨar kam mɨgei, a kamakɨn:
“Bizir gumazitam o amizitam faragha uan damazimɨn ganizir puvatɨziba,
ko akar gumazitam o amizitam faragha oraghizir puvatɨziba,
ko bizir gumazitam o amizitamɨn nɨghnɨzimɨn itir puvatɨziba,
bizir bar aghuir kaba,
God gumazamizir a gifongeziba baghavɨra da akɨri.”
10[~19~]Matyu 13:11; 16:17; Jon 14:26; 1 Jon 2:27Bizir kabar mɨgɨrɨgɨam fomɨra modo, ezɨ Godɨn Duamɨn ingangarimɨn God da azenim gatɨzɨ, e dar gari. Godɨn Duam biziba bar deravɨra dar gara, uaghan Godɨn nɨghnɨzir mogomebar gara fo. 11[~21~]Aghuzir Akaba 20:27; Jeremaia 17:9; Rom 11:33-34Tav gumazamizir igharazibar nɨghnɨzibagh foghan kogham. Puvatɨ. Gumazimɨn duar an aven itimra fo. Kamaghɨra, gumazitam o amizitam Godɨn nɨghnɨzim gɨfoghan kogham. Godɨn Duam, a uabɨra fo. 12[~23~]Jon 16:13-14E nguazir kamɨn duam inizir pu. Puvatɨ. E God amadazir Duam ini. Eghtɨ tuavir kamɨn, e bizir aghuir God e ganɨngiziba, e deraghvɨra dagh fogham. 13[~25~]1 Korin 1:17; 2:4; 2 Pita 1:16E bizir aghuir kabav geima, en mɨgɨrɨgɨaba nguazimɨn itir fofozimɨn tuavimɨn otozir pu. Puvatɨ. Godɨn Duam uabɨ en sure gamima, e akar kabagh ami. E Godɨn Duamɨn akaba isa, Godɨn Duam itir gumazamiziba akar kaba bɨgha me geghari. 14[~27~]Matyu 16:23; Jon 8:47; 14:17; Rom 8:5-7; 1 Korin 1:18; 1:23Ezɨ gumazamizir Godɨn Duam puvatɨziba, me Godɨn Duamɨn bizir aghuiba inighan kogham. Guizbangɨra, me kamaghɨn nɨghnɨgha ghaze, da bizir onganiba, egha mɨngariba puvatɨ. Bizir aghuir kaba, da Godɨn Duamɨn otifi. Kamaghɨn, gumazamizir Godɨn Duam itiba, merara Godɨn Duamɨn bizir aghuir kaba tuisɨghamin fofozim iti. 15[~29~]1 Tesalonika 5:21; 1 Jon 2:20; 4:1Gumazamizir Godɨn Duam itiba, me biziba bar da tuisɨsi. Eghtɨ gumazitam o amizitam, Godɨn Duam itir gumazamizibar araziba tuisɨghɨva avegham. 16[~31~]Jop 15:8; Aisaia 40:13; Jeremaia 23:18; Jon 15:15; Rom 11:34Godɨn Akɨnafarim kamaghɨn mɨgei:
