1 Yehoba Togasisi Hot i ba, “He lan o i nenem. Lahi toto na ginol lan o ni ola hiwo kalakalasina hot, yaka tohanaha gegewel ge nak ana toginol gegewel nihi ola mwawin kekevana. Inoke lan o no lahi ni ton olagil, he nige ewahililiya etega o ebo nuwaliya etega ni mimina. 2 Yaa bolo ku lovakunagau, he toto sapu ni pwatanim ni ha ni ola sabwelu kaiwemiu,[a] yaka ni pwamolomiu ni ola sabwelu i yanemiu. Yaka komiu nuku tagil ge alona wami yaliyaya nuku susupeni ni ola bulumwakau natunau bolo hi sokalil ali gana kekeisi elana. 3 Yaka toginol naknak nuku potil lowagil. Lan toto na tuwalali gamagalau na payatalal, heliya nihi ola papakova aemiu gabulanaa.” He Yehoba Togasisi Hot wana baaba i ola to.
5 “He mulaa abwe no lan bwabwatana ge lolovakunina ni vin, palopita Ilaitiya ga na patuna eliyamiu. 6 Iya tamataman aloliyau ge natuliyau ni ahel maniniliya ni abubun.[b] Ebo nigeya, yaka na nem ge wami panuwa na apapanak-an hoti.”
<- MALAKAI 3- a toto sapu ni pwatanim ni ha ni ola sabwelu kaiwemiu Baaba ya ana talisi eluwa. Etegana Yehoba wana lan bana. Lan o wana vin sapu ge pwamwal ni pwatanim tosasapol kaiweliya ni ola sabwelu mwananal i pwapwatanim. Eluwana Mesaiya bana. Wana nem ni ola sabwelu wana ha, yaka iya sapu ge pwamwal ni pek elal.
- b He Mat 11:13-14; 17:10-13 ge Luke 1:16-17 nu kitel.