1 Te Judago hani sibi deli deligo te hanude tǫ sainu, te tiwai po augwaligo po miani: te tǫ dąį pali te Idom tǫ pedai bogo badu saboligi pali, tama pelama, te masigi kemi tǫ te augwaligo Sin nogi yali, te sesege bogo badu mu dąį iligi pali. 2 Te dąį pali te Isai Tamu Ąį te badu dąį igi pelama, 3 tama pali te bulu du Akrabim, te bulu nogi Sinba pedaligi pali. Tama Negevdu dąį pali, te Kades Barneaba sabolama, tama Hesron ela soayu, tama pelama, te Adarba sabolali. Tama nosali begelama, te Karkaba sabolama, 4 tama pelama, te Asmonba sabolama, tama te Isip dąį badu te dwasianu wę wali peyu, tama te wę nogi Mediterenian Tamu Ąį teba dąį igi pali. Te Judago tǫ dąį yali te saut badu siligi pai dao.

5 Te giliga pedalubo badu dąį te Isai Tamu Ąįde elama, tama pelama, te Jordan pabo wę te Isai Tamu Ąįba sabalobo madiba sabolali. Tama te pedai a badu te badu gagalama, dąį yali, 6 tama pelama, te Bethokla sabolama, tama pelama, te Betaraba te a badu ma sabolali. Tama palima, te Bohango genuai masigi elalubo teba saboligi pali, te Rubengo ogwa dao. 7 Tialima, te odogo tǫ Akor tede dąį palima, te Debir teba sabolama, tama nosali te not a badu palima, tama begelalima, te Gilgal teba pali. Te bulu Gilgal tedu te Adumim te malu tǫ bulu du te ogwa badu suali. Tama pidubadi, te wę Ensemes sabolama, tama palima, te Enrogelba dąį igi pali, 8 tama te Hinomgo ogwago te odogo tǫ tedu wali pelama, te Jebusgo bulu du te a badu sabolali. Te Jerusalem te badu elaluali. Tama dąį pidubadi geanima, te bulu duba sabolali, tama te giliga dega sigi pabo badu te Hinomgo malu elaluali, te badu dąį igi pali. Te dąį yali te Refaim dabego te tǫ odogo sesege badu tede elaluali. 9 Tama te bulu du bageba holama, tama palima, te Neptoa dabego te ulu węba sabolama, tama te Efrongo hanu dabe pąde te bulu duba pedelama, dąį igi pai. Te pedai badu te dąį begelama, te Bala te badu pali, te gasa nogi me elaluali te Kiriat Jearim dao. 10 Te Bala te badu te dąį yali te giliga dega sigi pabo badu palima, te Idomgo Bulu Du dabe elaluboba pedelali, tama palima, te bulu du Jearimba sabolali, te gasa nogi me elaluali Kesalon, te not badu tama pelama, te Betsemes teba dulalima, tama peyu, te Timna te bulu taga pali. 11 Tialima, te dąį te bulu du sao badu te Ekron te not badu wali palima, tama begelalima, te Sikeronba sabolama, tama te Bala bulu du taga peyu, tama te Japnelba sabolali. Tama te dąį pali, te Mediterenian Tamu Ąį teba siligi pai.

12 Te giliga dega sigi pabo badu te dąį igi pali, te Mediterenian Tamu Ąį sesege te tama dao. Te tǫ dąį ilama, bagulali, te Judago hani bage naga bidabo digi nigilali.

13 Polobadu Genuai Bidigo te Josuabolo po mayu, te augwaligo Juda dabego hanu tǫ me deli te Kalepbolo mao po wali, te Jefunego ogwabolo. Tialima, Josuago tama tiali. Tama te tǫ pedai Hebron, te Arbago hanu, te Anakgo aya dao. 14 Kalepgo te Anakgo hani bidi sela ela gudulali, Sesai, me Ahiman, me Talmai. [a] 15 Nosali Kalepgo te bulu taga peyu, te pelama, te Debirde bidalubo hani bage dali boi hwįgi pali. Polobadu augwaligo te hanu nogi te Kiriat Sefer nogi yali. 16 Tialima, Kalepgo te po wali, “Te niwai bidigo te Kiriat Sefer teba boi hwįgi pelama, tama te hanude bidibo bage te aiyaba elalubaso da, teda agai te eno wegi Aksa somainogo yaibao,” wali.

17 Tama Otniel, te Kenasgo ogwa, te Kalepgo amago ogwa, te hanuba hwįgi pelama, te bulu bidi dabe aiyaba elaluama, te hanu sali, tama Kalepgo wegi Aksa te agaba menama, tama agai sali.

18 Tama te we Otnielba asobadi te sogo, Otnielgo bomo elama, te wego te aga ayabolo te tǫ me deli momainogo hanalu wao po olama, bomo yali. Tama te we te Kalep bidiboba pelama, tama aga donki kibu daide dulaluali tagalama, aiyaba samonani, tama Kalepgo agabolo hanalu wali, “Nago magi nai godolo ebasowe?”

19 Tialima, wego te po wali, “Eno homugo te nago ena wiegi yai homu yabo nai me deli mao. Nago te Negev hanu tǫ enaba mani, te tǫde wę menio. Tama nago enabolo te ulu wę meba mao,” wali. Tialima, Kalepgo te wę ulu ugwadu elalubo me aiyadu me mani.

20 Te tǫ dabe te Judago ogwa hani sibigo te augwa tǫ da olama, sesa pali. 21 Te Juda dabego hanu dabe te saut teba polobadu te Idom dabego tǫ sesege pąde elaluali, te hanu dabe augwali nogi te e dao, Kapsel, Eder, Jagur, 22 Kina, Dimona, Adada, 23 Kedes, Hasor, Itnan, 24 Sif, Telem, Bealot, 25 Hasor, Hadatat, Keriot Hesron, te gasa nogi me Hasor elaluali, 26 Amam, Sema, Molada, 27 Hasargada, Hesmon, Betpelet, 28 Hasarsual, Berseba, Bisiotia, 29 Bala, Im, Esem, 30 Eltolat, Kesil, Horma, 31 Siklak, Matmana, Sansana, 32 Lebaot, Silhim, Ain, Rimon. Te bidi sese deli olama, te nogo a naga me si me si, te 29, te tama hanu dabe badi, tama te hanu dabe pąde te dwasianu bulu dabe, te Juda hani sibigo elaluali.

33 Te dwasianu bulu du elalubo tǫde te giliga dega sigi pabo badude, e tama hanu dabe elaluali, te Estaol, Sora, Asna, 34 Sanoa, Enganim, Tapua, Enam, 35 Jarmut, Adulam, Soko, Aseka, 36 Saraim, Aditaim, Gedera, te gasa nogi me Gederotaim, te elaluali. Te nogo si olama, sągągo me si me si hanu badi, te tama tigidali bulu dabe dali te pąde elaluali.

37 Te e tama hanu dabe me elaluali, te Senan, Hadasa, Mikdalgat, 38 Dilean, Mispa, Joktel, 39 Lakis, Boskat, Eklon, 40 Kabon, Lamon, Kitlis, 41 Gederot, Betdagon, Nama, Makeda. Te 16 tama hani dali, te pąde elalubo dwasianu bulu dabe dali, te Juda dabego elaluali.

42 Te e tama hanu dabe me elaluali, Lipna, Eter, Asan, 43 Ipta, Asna, Nesip, 44 Keila, Aksip, Maresa, te tama hanu elaluali. Te 9 hanu te dwasianu bulu dabe meba augwali pąde elalua pali.

45 Te e tama hanu me elaluai, Ekron hanu me te dwasianu bulu dabe dali, 46 me tama tigidali hanu me bulu te Asdot pąde elaluali, te Ekron me te Mediterenian Tamu Ąį tomode elaluali. 47 Asdot me Gasa tede te hanu me te bulu dabe dali elaluali, te Isip dwasianu wę sesegede, me te Mediterenian Tamu Ąį te wę si pąde elalua pali.

48 Te bulu du bagede te e tama hanu dabe elaluali, Samir, Jatir, Soko, 49 Dana, Kiriat Sefer, te gasa nogi me Debir elaluali, 50 Anap, Estemo, Anim, 51 Gosen, Holon, Gilo, te tama hanu elaluai. Te 11 hanu dali, te augwali pąde elalubo dwasianu bulu dabe dali, te Juda dabego elaluai.

52 Te e tama hanu dabe me elaluali, Arap, Duma, Esan, 53 Janim, Bet Tapua, Afeka, 54 Humta, Kiriat Arba, te gasa nogi Hebron wabo, tama Sior, te tama hanu elaluali. Te 9 hanu dabe, me te augwali pąde elalubo dwasianu bulu dabe dali, te Juda dabego elaluali.

55 Te e tama hanu dabe me elaluai, Maon, Karmel, Sif, Juta, 56 Jesril, Jokdeam, Sanoa, 57 Kain, Gibea, Timna, te e tama hanu elaluali. Te nogo si hanu dali, te augwali pąde elalubo dwasianu bulu dabe dali, te Juda hani sibi dabego selama, elaluali.

58 Te e tama hanu dabe me elaluai, te Halhul, Betsur, Gedor, 59 Marat, Betanot, Eltekon, te e tama hanu elaluali. Te hanu 6 dali, te augwali pąde elalubo dwasianu bulu dabe dali, elalua pali.

60 Te e tama moni hanu si elaluali, Kiriat Bal, te gasa nogi wabo me te Kiriat Jearim, me Raba, te moni hanu si elaluai. Te hanu si pąde te dwasianu hanu dabe me elaluali.

61 Te masigi kemi olo tǫde te e tama bulu elaluali, Betaraba, Midin, Sekaka, elalubadi yali, 62 Nipsan, me te tǫde tamu elalubo hanu me elaluali, Engedi hanu me elaluali. Te hanu 6 dali, te augwali pąde elalubo dwasianu bulu dabe me, te Juda dabego dobayali.

63 Tiali goli, te Juda dabego te Jebus dabe te Jerusalemde bidalubo te augwali me sela sąyu, te me ela gudulubeo. Tama tibaso, te Jebus dabe te Juda dabe dali te Jerusalemde bidali, te megi e po asębo sogoba usu nagasali. [b]

<- Hetman Josuago Po Elalubo Buku 14Hetman Josuago Po Elalubo Buku 16 ->