1 Te ede nogi elalubo te Israel hani sibi dabede bidali tobolu bidi dabe nogi da, tama te polalubo bidi dabe badi te gavman ami sę tonalubo sęde bidali ofisa dabe da. Te tobolu bidi dabe augwaligo te 12 te genuai hani bidi te sę ebo tonaluai. Te deli deli hanigo te polua deli deli dabede te sę yali, tama te deli deli hanide te bidi sese umabo 24,000 bidi tonalubo sę elaluai. Te tobolu bidi dabego nogi e tiwai tama elalualio.

2 Jasobeam te Sapdielgo ogwago te bidi sese umabo 24,000 bidi te polua delide sę ebo tonaluai dao. 3 Tama me, agai te ami ofisa tigidali tonalubo sę me yai. Aga te Peres hani bidi me deli dao.

4 Dodai te Ahohi hani bidigo te bidi sese umabo 24,000 bidi te namba tu poluade te bidi dabe augwali te sę ebo tonaluali. Miklot aga tudi badu daganalubo si wali bidi bidali.

5 Benaia te pris Jehoiadago ogwago te bidi sese umabo 24,000 bidi dabe augwali te namba 3 sela wali poluade sę ebo tonaluali bidi dao. 6 Aga te Devitgo bomai ami bidi dabe te 30 wali bidi dabede te bidi me deli wali aga da, tama aga te ami bidi dabede polalubo bidi bidali. Te Amisabat, aga ogwa, te aga tudi badu daganalubo si wali bidi bidai.

7 Asahel te Joapgo amago te namba 4 ene nanobo poluade te bidi sese umabo mu te 24,000 bidi te sę ebo tonaluali. Nosali aga ogwa te aga tudi badu daganalubo si wali bidi bidalio.

8 Samhut te Ishar hani bidigo te bidi sese umabo 24,000 bidi te namba 5 wali poluade sę ebo tonalubo bidi bidai dao.

9 Ira te Tekoa taun bidi Ikesgo ogwago te 6 wagi soabo poluade te bidi sese umabo mu te 24,000 bidi te sę ebo tonalubo sę yali.

10 Heles te Pelon bidigo te bidi sese hauwa umabo 24,000 bidi te namba 7 poluade te sę ebo tonaluai. Heles te Efraim hani bidi dao.

11 Sibekai te Husa bulu bidigo te bidi sese umabo 24,000 bidi te namba 8 wabo poluade te sę ebo tonalubo sę yali. Sibekai aga te Sera hani bidi dao.

12 Abieser te Anatot taun bidigo te bidi sese umabo 24,000 bidi dabe te 9 poluade augwali sę ebo tonaluai. Abieser te Benjamin hani bidi dao.

13 Maharai te Netofa taun bidigo te bidi sese umabo 24,000 bidi te namba 10 poluade te augwali sę ebo tonaluai dao. Maharai te Sera hani bidi dao.

14 Benaia te Piraton taun bidigo te bidi sese umabo 24,000 bidi te 11 wabo poluade te bidi dabe augwali sę ebo tonaluali. Benaia te Efraim hani bidi dao.

15 Heldai te Netofa taun bidigo te bidi sese umabo 24,000 bidi augwali te 12 wagi soabo poluade te sę ebo bidi dabe tonalualio. Heldai te Otniel hani bidi dao.

16 Te Israel hani dabe augwali tonaluali gavman ofisa bidi dabe nogi e tiwai elalubao. Elieser, te Sikrigo ogwago, te Rubengo hani tonalualio. Tama Sefatia, te Makago ogwago, te Simeongo hani tonaluai dao. 17 Te Hasabia, te Kemuelgo ogwago, te Livai hani tonaluai. Tama Sadokgo te Arongo hani tonaluai.

18 Te Elihu, te Devitgo ama me deligo, te Juda hani tonalualio. Tama Omri, te Maikelgo ogwago, te Isakar hani tonaluai dao. 19 Te Ismaia, te Obadiago ogwago, te Sebulun hani tonaluali. Te Jeremot, te Asrielgo ogwago, te Naptali hani tonaluai dao.

20 Tama Hosia, te Asaiago ogwago, te Efraimgo hani dabe tonaluai. Te Joel, te Pedaiago ogwago, te Manasego hani pedai me deli tonaluai. 21 Te Ido, te Sekaraiago ogwago, te Manase gasa hani pedai te Gileat tǫ badu bidali hani tonaluali. Tama Jasiel, te Apnergo ogwago, te Benjamin hani tonaluai dao. 22 Tama Asarel, te Jerohamgo ogwago, te Dango hani tonaluai. Teda te ofisa dabego te Israel hani deli deli augwali tonalubo sę yai dao.

23 King Devitgo te megi tama holobo gesi ogwa bidi augwaligo kibu be te bidi sese deliba usu nisąbo bidi dabego kibu be isąwai bidi augwali nedebeo, magi baso meni, Genuai Bidigo te Israel we bidi augwaligo namba ugwaba igulama, te hauwa mu te dagalude elalubo hǫ dabe tiwai pedalumainu hagede te Genuai Bidigo dąų wali bomai po wali peyu te tama tiai dao. [a] 24 Joap, te Seruiago ogwago, te tobage bidi nedebo sę gagalali, tialima agai te sę yali simanobeo. Augwaligo te bidi hani nedebo sę ebaso, Godigo wiegi yai homu pemene isąwani, tama tialima te Israel augwaliba dene mabo sę yalio. Te sę yali pagede naga tama augwaligo te bidi dabego namba te bukude asęsąma, te king Devitgo yali sę po elalubo bukude me asęai menio. [b]

25 Te bidi Asmavet, te Adielgo ogwago, te kingo mone me doado bage tonalubo bidi bidali. Te Jonatan, te Usiago ogwago, te tigidali tǫ kantride elalua pabo moni nai mubo genuai bakstua dabe tonalubo bidi bidali, te taun dabede, me te bidibo bulu dabede, me te hwįabo bomai bulu pesage dabede te moni bakstua elalua palio. 26 Esri, te Kelupgo ogwago, te gi sę ebo bidi dabe augwali tonalubo sę yalio. 27 Tama Simei, te Rama taun bidi, aga te kingo wain gi dabe tonalubo bidi bidai. Tama Sapdi te Sefam bulu bidi te wain mubo be habu dabe tonalubo bidi bidai dao. 28 Balhanan te Geder taun bidi te oliv ni du tonalubo bidi bidali, te sikomor ni dabe te giliga dega sabo badu te dwasianu bulu du dabe elalubo pedai badu elaluali me agai tonalubo sę yalio. Tama Joas te oliv wel mubo pesage tonalubo sę yai dao. 29 Sitrai, te odogo bulu Saron bidi, agai te odogo bulu Saronde bidalubo bulmakau dabe tonalubo bidi bidali. Tama Safat, te Atlaigo ogwa, agai te gasa odogo bulude bidibo bulmakau dabe tonalubo bidi bidali. 30 Obil te Ismael hani bidi te kingo kamel dabe tonalubo bidi bidali. Tama Jedea te Meronot bulu bidi aga te donki dabe tonalubo bidi bidali. Te Jasis te Hagar hani bidigo te kibu sipsip dabe meme dabe me tonalubo bidi bidai dao. 31 Te tigidali bidigo te king Devitgo nai doado bage tonalubo bidi dabe bidai dao.

32 Te Jonatan, te Devitgo aga aya sabi bidi da, agai te kingba wiegi yai homu kolesaga mani bidi da, magi baso meni, agai te bomai po bugagia koneama, te wiegi yai kolesaga hauwa koneai mu elaluai. Aga me Jehiel dali si, te Hakmonigo ogwa, augwali sigo te kingo ogwa dabe ola mabo sę elaluai dao.

33 Te Ahitofel aga te kingba wiegi yai homu kolesaga mabo polalubo bidi bidali, tama Husai te Arka bulu bidi aga te kingo wiegi yai abagi mu dao. 34 Nosali te Ahitofel isibo si da, Abiatar me Jehoiada, te Benaiago ogwago, te Ahitofelgo sę yali pesage hasegelalio. Tama Joap te kingo ami bidi dabego polalubo ami ofisa bidi bidai dao.

<- Tuni Bidi Dabego Po Elalubo Buku Deli 26Tuni Bidi Dabego Po Elalubo Buku Deli 28 ->