Acts

8 Pata awarrangung-rtil wiyu nuyu ja Arrkingan iminy nuwurri ja nyunyuk iyarlmu kurrungpannyun ta wutkut. Kutpana kurrungpaka ngartuk ngaralk wu arrarrkpi ta ngapi. Nuwurri kutpana Jerusalem kapa Judea la Samaria kunak wakapa kutpana wugarrayirrk kunak la kurrungpanuma wu ta ngarrunpanimonmon ngapi.”

9 Ja Arrkingan iminy pu yirrk pata awurrangung-rtil. Parangapa God inimajpunguny parak yurrng kunak. Pata awarrangung-rtil iwayantung irrirri yarrangung parak yurrng. Kayirrk la kuynu awurrunka ingalakpuyawng ja Arrkingan, la pata awarrangung-rtil marrik iwayanti muj. 10 Wenat angkat awukengang tuka kuynu, La wakapa ngarrkarrk arrarrkpi awuyarning ja kiwarlkparran ja manpurra la awularrajpany wanji wu pata awarrangung-rtil. 11 Wenat aminy, “Nuwurri arrarrkpi ta nuwutpuran Galilee, kunuka angkat kurruken yurrng? Ja Arrunimalkpany inimany parak ja Jesus kapa yurrng kunak malany yanat iwamurnanganinga malanypi. Wakapa ta yuran yurrng kunak la kayirrk, kurriwayan akutju iwalatpaga.”