1 Leeme Silok neni Loorong Silok! Lavatkangka, unak lek! Nemi levesoxan kantubu at laras, mina sosoro! 2 Lengkon takabu mi lubuxumin dung kan i. Neni im gomgonga limixin mi levelinga manmanton la lodoxoma avukat. 3 Laxao im gomgonga i la i kotos kepe limixin munepen min mo dik lok kangkan i. 4 Neni ik lox asu lavanga i mam la i soosoo axasep lavatbung menemen. La lavatkangka i reven i la ira dede. 5 Lengkong kaana di xadan ngan levelumlut misiu ro melamgo at Leeme Silok, go melamgo at Leeme Silok at lavatbung menemen axap. 6 La laxalibet i lox asuusu i do Leeme Silok ni laradi manmanton la larabung mixin axap di reven lisisinang teren.

7 Ik lox amangan nedi axap no di lotu saparap laxampoovo vanga. Laxanmoroa xaxarang axap dit kis tintiding to melamgo at Leeme Silok. 8 O Leeme Silok, limixin me Saion dik lek, la laramenemen silok at leme Juda di sosoro atla u tong asu lavapaase ramtaba ina ram mi lodoxoma mokmokso. 9 Leeme Silok Lanaraavuk, nenu lamgomgo at lavatbung menemen axap. Nenu u silok tinotno rinedi axap levenmoroa xaxarang.

10 Leeme Silok i balamu nedi di belengatngas ti laxapmek. Neni ik lok tatao lorooro at limixin teren. Neni ik lox asepmus di basinge lolos at limixin dik lok lengkakapmek. 11 Leveloklox anarong i ngan laxasep i soosoo mavana atnedi limixin manmanton. La leklek ik lok atnedi luvuttadi avukat. 12 Nemi limixin manmanton minak lek ap mo lempanga Leeme Silok gara lok pam i! Mina doxoma aklen ti mo lempanga ne Moroa Melemelengan gara lok pam i rinimi, la mina tong avukat tin.

<- Sam 96Sam 98 ->