Iwarakha yo neraru i
Nayohana Malhove o uholhelha Iwarakha yo neraru i Nayohana yaalhepiye ni akarumiya Nayohana iyaakha yo 90 baada yo uyaria wa Kuristo. Nayohana khaneechuwaniha wiira phi ayo alhempe, nansho aneechihana o wulhuvalha (1:1). Aheera chiicho mu iwarakha yo nayelhi i Nayohana (1:1). Ni vavawo inorumelhelhiya wiira Nayohana phi lhepilhe ikitabu yo Malhove Orera a Yesu Kuristo thoko chilhepiye aya ni Nayohana ni iwarakha cho yo upachera, yo nayelhi ni yo neraru vaari aya akhalhaka Uefeso. Nayohana aalhempe ilha iwarakha ilha waarwehelha akarumiya munlhokoni mwa attu anrumelhenlhe Kuristo eehaniya Nagayo, anaaromolha aya ukhalha ampwana aya ni waavaha malhove o waalhaka wiira akhalhe ni nrima woombone wo waapochera rata attu anrumelhenlhe Kuristo nanaya aneeta mmikwahani ilhapo yonkhaye. Chiri nhina Nayohana anochokholha wo waashikuria Nagayo (1:1). Anowaahelha nrima Nagayo ni waalhehera wiira yoonihe nrima woombone wo waapochera attu anrumelhenlhe Kuristo (1:2-8). Tho, anowulhumacha mwaha unaacha attu elhi, Nadiotrefe ni Nademetriyo (1:9-12). Anoomalhiha iwarakha aya (1:13-14).
1 Mii kiri o wulhuvalha va,
Kinolhepa iwarakha iwe uwaninyu Nagayo ampwana aka kinaattuna aka we ikekhiaye. 2 Ampwana kinaattuna aka, kinoulhapelhelhani chinene wiira chittu chonkhaye chuukhalhelhe rata ni ukumi awo wo iruttu ukhalhe rata thoko chikhanlhe aya munnepani mwao. 3 Ukhalhawaya kahoteelhiya chinene weewa ashilhoko ihu akina yaawachilhe vaa, nkayaahimiechesha ukhulhuvelhiya wao nhina ikeekhene, ni chineera awo wo ukhalha uvarelhelhaka ikeekhene. 4 Khiiwo ittu inokiteelhiha nrima chinene upwaha vaneewa aka wiira achishaana aka anokhalha mu ikeekheneni. Waalhoha attu akina 5 Mpwana, mitheko choombone chinaapangelha awo ashilhoko ihu anrumelhenlhe Kuristo chiri cho ukhulhuvelhiya ata akina ayo anakhalhaka alheto. 6 Yayo manyaattu ayo ahohimiechesha wa attu anrumelhenlhe Kuristo o va, chinre inyu wo uvahiya nrima woombone wo waattuna attu. Uthepeke etu waakavihera wo iphiro inonteelhiha Nlhuku vanorwaa aya munkwahani mwaya. 7 Ukhalhawaya ahochokholha mikwaha cho uvara mitheko cho uhimiacha nchina na Kuristo wo uhipochera ittu iriyoothe ukhuma wa attu ahinchuwenlhe Nlhuku. 8 Phi chiichammo etu chinothananiya ihu waakavihera attu thoko yayo wiira ni hii naakavihere munthekoni mwaya mwo uhimiacha ikeekhene. Ashinna Diotrefe ni Nademetriyo 9 Kaholhepa iwarakha urweeha wa yoyo Nlhoko wa attu anrumelhenlhe Kuristo uyo, nansho Diotrefe ntu naavia chinene ukhalha nholhelhi munlhokoni mwaya, khanottuna ukiiwelhelha. 10 Paahi etu vanohalha aka uwa vawo, kinoowa kaahumbukulha mitheko chonkhaye chinopanga awe. Kinoowa kaahimiacha malhove o unanara anohimiacha awe ni unootheria. Khamanlhe, nansho haakhota waapochera ashilhoko ihu ari munkwahani ayo. Haachiichiha attu akina yaathanana waapochera, tho heerelha wiira nowoomolha munlhokoni mwa attu anrumelhenlhe Kuristo mmo.11 Alhoko aka, nhittwarihe mitheko cho uhilhoka nansho utwareke chittu choombone. Kila ntu nopanga chittu choombone yoyo phi a Nlhuku nansho ntu riyoothe nopanga chittu cho uhilhoka yoyo khananchuwelha Nlhuku.
12 Kila ntu haatotopelha Nademetriyo, eiyo ikeekhene inene phi naatotopelha. Ni hii ninowaahimiechesha uno ni inyuva nchuwelhaka wiira ikeekhene inooniha chiicho.
Isalamu cho umalhihera 13 Kihanaa malhove menchi o uhimeriani nansho khinochiva ulhepa muwarakhani. 14 Ukhalhawaya kihokhulhuvelha uwoonani phiyaru, vavawo etu ninowa nolhumacha ni woopa mwaha noonanaka wo miitho.15 Kinoulhapelhelhani wiira mpuha ukhalhe vamoka ni inyu.
Mpochereke isalamu cha manyaampwana inyu. Isalamu chikina mwaavaheke manyaampwana ihu mmokammoka.
1 Mii kiri o wulhuvalha va,
11 Alhoko aka, nhittwarihe mitheko cho uhilhoka nansho utwareke chittu choombone. Kila ntu nopanga chittu choombone yoyo phi a Nlhuku nansho ntu riyoothe nopanga chittu cho uhilhoka yoyo khananchuwelha Nlhuku.
12 Kila ntu haatotopelha Nademetriyo, eiyo ikeekhene inene phi naatotopelha. Ni hii ninowaahimiechesha uno ni inyuva nchuwelhaka wiira ikeekhene inooniha chiicho.
15 Kinoulhapelhelhani wiira mpuha ukhalhe vamoka ni inyu.