1 Pettii pettii qeesitay halaqa asay ganccepp maraxinttii, Xoossar helthiza baza asay gishos imotarannee nagara yarshsho yarshshodayis shuuminttiza. 2 E fa ommas daabura maaqqeez gishos erozitayisinnee balinttizitayis qadhinttodayis danda7iza. 3 E fa nagara gishonnee as ubba nagara gishos yarshsho yarshshodayis beezizay yeyisii.[a]
4 Oonkka yha bonchcha paas ekkodayis danda7oowa, zin Aaroona qeesitay halaqa maaqqodayis xeegintteezay garkk Xoossar xeeginttodayis beeziza.[b] 5 Yey garkkekka, Kiristtoosa qeesitay halaqa maaqqith bonchcha taas beeziza gi fa ommas ekkekkaya. Zini Xoossii eza,
7 Yesuusa as maaqqii yha alamel yez wode fana yhayiqoppe ashshodayis danda7iza Xoossa gaame yeeforannee aafuthar woosseeza. E, eza bonchchii kiitintteez gishos Xoossii e woosa si7eeza.[e] 8 Yesuusa Xooss Na7a maaqqikokka fa waayintteez waayayid kiitintta tamaareeza. 9 Yeyidakka, Yesuusa folo maaqqeezaypp guye paas kiitinttiza ubbay medhina atotitha denggoday garkk oge maaqqeeza. 10 Xoossii Malkkexaadiqe qeesetithis shuumeezay garkk qeesitay halaqa udii eza shuumeeza.