1 አሳይ ጋደ አቅስዝታይስኔ፥ ማዉተር የዝታይስ ሞድንቶድ ጋርክ፥ ሃዮትꬃር ኪትንቶዳይስኔ ሎኦ ኦሶ ኡባ ኦꬆዳይስ ጊግንቴዝታ ማቆዳይ ጋርክ ቆፕሶባ። 2 ማ ኡንቲ ኦላካ ኢታ ኦድንታማይ ጋርክ፥ ሳሮ አስ ማቃዳይ ጋርክ፥ አሽክታኔ አስ ኡባይስ ኬህዝታ ማቃዳይ ጋርክ ዞሮባ። 3 ኑኒ ቲና ቦዝታ፥ ኪትንቶዝታ፥ ባልንቴዝታ፥ ዱማ ዱማ አሾ ኡፋይስስኔ አሞስ አይልቴዝታ። ኑኒ ኢታትꬃራኔ ቅናተር ኩሜዝታ፤ ኑ አስ እጽዝታ፥ አስካ ኑና እጽዝታ። 4 ዝን ꬋለ ማቄዝ ጾስ ኬሄትꬃኔ ሲቃይ ቆንጬዝ ዎደ 5 ኑ ኦꬄዝ ጌሽ ኦሳይ ግሾስ ባዝን ፋ ማሮትꬃይ ግሾስ ኑና አሼዛ። ኤ ኑና አሼዛይ፥ ናምአንꬆ የልንቶ ሜቻራኔ ጌሻ አያና ባጋር እንጌዝ ኦሮꬅ የሳራ። 6 የ አያና፥ ጾሲ ኑና አሽዛ የሱስ ክርስቶሳ ባጋር ኑል አፋ ጋንꬂ ጎግሴዛ። 7 ፋ ኣꬎ ኬሄትꬃይ ባጋር ኑና ጽልሲ መꬍና ደኦ ላታ ኡፋያሳ ኤኮድ ጋርክ የያ ኦꬄዛ። 8 Ꮊ ቃላይ አማንንቴዛያ። ጾስ አማንዝታይ ሎኦ ኦሶ ኦꬆዳይስ ጊጌዝታ ማቃዳይ ጋርክ ነ Ꮊ ቃላ ሚንꬂ ኦዶድ ጋርክ ታ ኮይዛ። የይትታይ አስ ኡባይስ ሎኦኔ ማድዝታ። 9 ዝን ቦዝታይ ፓላማይፐ፥ ኮቼ ታይቦፕ፥ ካቻፐኔ ህገፕ ደንዴዛይድ ደንድዛ ጫቻፕ ናግንቶባ። የይ ማዶዋ ዎ ባ ባዝ። 10 ጳልቂꬅ መꬍዛ አꬃ ፐቲ ቶኬ ዎይ ናምኢ ቶኬ ዞሪ የይፕ ጉየ የይ ጋርክ አꬃይፕ ሃኮባ። 11 የይ ጋርክ አስ ዡጫኔ ናጋራንቾ፤ ኤ ፋል አፋ ፕርዴዛና ኤሮባ።

12 ታኒ ባልጎ ኤዛይድ ሻጮዳይስ ቆፔዝ ግሾስ አርጸማሳ ዎይ ትክቆሳ ኔኮ ኪትዛ ዎደ ነ ታኮ ንቆጲሎና የኦዳይስ ምንጎባ። [a] 13 ህገ ኤርዝ ዜናሳኔ አጵሎሳ ኦገ Ꮊንጎዳር ኡንትስ ኮሽዛ ባዝ ፓጫማይ ጋርክ ኡንታን ማዶባ። [b] 14 ኑ አሳይካ ፓꬆዋ አስ ማቂ አታማይ ጋርክ ፓስ ቤዝዛ ባዝ ደንጎዳይ ጋርክ ሎኦ ኦሶ ኦꬆዳይስ ሚንጊ ታማሮ።

15 ታራ የዝ ኡባይ ነና ሳሮ ግዛ፤ አማኖር ኑና ሲቅዛ አስታ ሳሮ ጎባ።

ጾስ ኣꬎ ኬሃትꬃይ ይ ኡባይራ ማቆ። አምንኤ።

<- ትቶ 2