3 ማ ዱራይ ናምእንꬆ ማታማ ዶዬዝ ዎደ ናምእንꬃ መትꬃይ፥ «Ꮊና የኦባ!» ዬጎዳር ስኤዛ። 4 ማ ሀራ ስሃ ዞቆ ፋራ ከዜዝ። የ ፋራ ቶጌዛይስ ቢታላፕ ሳሮ ꬋብሶዳይ ጋርከኔ አሳይ ዎል ዉርሶዳይ ጋርክ ማዉተኔ ግታ ማሻ እንግንቴዛ። [b]
5 ዱራይ ሀይꬒንꬃ ማታማ ዶዬዝ ዎደ ሃይꬒንꬃ መትꬃይ፥ «Ꮊና የኦባ!» ዬጎዳር ታ ስኤዛ። የይፕ ካርꬅ ፋራ ታ በኤዛ፤ ፓራይል በቴዛይ ፋ ኩጬ ምዛነ አይኬዛ [c]። 6 ኦይዲ መትꬅታይ ጋንጨፕ ከዜዝ ጊርꬅ፥ «ባጋ ክሎ ግስተ፤ ፐቲ ድናረ፥ ማካ ፐቲ ክሎኔ ባጋ ባንጋ ፐቲ ድናረ ማቆ። ዝን ዛይተኔ ዎይነ ቆህፐ» ዬጎዳር ስኤዛ።
7 ዱራይ ኦይድንꬆ ማታማ ዶዬዝ ዎደ ኦይድንꬆ መትꬃይ፥ «Ꮊና የኦባ!» ዬጎዳር ስኤዛ። 8 የይፕ ጫምፓ ፋራ ታ በኤዛ። የ ፋራ ቶጌዛይ ሱንꬃይ Ꮊይቆ፤ ኤ ላሳ ስኦለ ካልዛ። ኡንትስ አላማይስ ስካ ኦላ፥ ናየ፥ ጋዶራኔ ዶአር ዎꬍሶዳይ ጋርክ ማዉተ እንግንቴዛ። [d]
9 ዱራይ እችንꬃ ማታማ ዶዬዝ ዎደ ኡንቲ ጾስ ቃላ ኦዴዝ ግሾኔ ፋ ማርካትꬃይር አማንንቴዝ ግሾስ ሹክንቴዝ አሳይ ሸምፕታይ ያርሾ አቆፕ ኦሞ የዛና ታ በኤዛ። 10 ኡንቲ ፋ ቃላ ꬎቅ ኡዲ፥ «ኡባ ሞድዝ ጎዳዮ፥ ጌሻዮ፥ ቱማንቻዮ፥ ሳአ የዝ አሳይል አፋ ነ ፕርዶዳይኔ ኑ ሱꬃይ ግሾስ ኩሸ ከሶዳይ አይዴ?» ዬጌዛ። 11 ኡንትስ ፐታይስ ፐታይስ ቦꬅ አዱስ ማኦ እንግንቴዛ። ኡ ጋርክ ሀኒ Ꮊይቆዳይስ ቤዝዛ ኡ አይልታይ ዣምታይኔ እሽታይ ታይባይ ኩሞድ ሄሎዳይስ ጽቃ ዎደ ሸምፖዳይ ጋርክ ኡንትስ ኦድንቴዛ።
12 ዱራይ ኡሱፑንꬃ ማታማ ዶዬዝ ዎደ ታ በኤዛ፤ ቢታ ዎልቃማ ኤንኦ ኤንኤዛ። አዋ ኣፋይ ካርቲ ካያ አፍላ ኣዝዛ። አግናይካ ዞቂ ሱꬅ ማቄዛ። [e] 13 ዎልቃማ ጫርኮ ጫርኪ ባላሰ ምꬅ ኤንእስን ቃምኤ ኣፋይ ጉፍዛይ ጋርክ ሳሎ ጾልንትታይ ሳአል ጉፌዛ። [f] 14 ሳላይ ጻꬅ ማጻፈ ጋርክ ጻጽንቲ ኣꬌዛ፤ አምብታይኔ ሃꬃር ማርንቴዝ ቢትታይ ፋ አቃይፕ ꬋቤዛ።[g] 15 ጋደ ካትታይ፥ ጋደ ሀርዝታይ፥ ኦላ ካልꬅዝታይ፥ ዱርታይ፥ ዎልቃምታይ፥ አይልታይኔ፥ ዎማንታይ ኮምእታይዳኔ አምባል አፋ የዝ ዛልታይ ጋንጨ ቆስንቴዛ። [h] 16 ኡንትካ አምብታይኮኔ ዛልታይኮ፥ «ኑል አፋ ዎꬎይታ፤ ኑና ቆሶይታ፤ ዙፋነል አፋ በቴዛይ አፋይፐኔ ዱራይ ካቻይፕ ኑና ገንꬆይታ።[i] 17 ኡ ግታ ካቺ ጋላሳይ የኤዛ፤ ኦኖ ዳንዳኢ ኤቆዳይ?» ኡ ዬጌዛ። [j]
<- ዋንሳ ቆንጭꬃ 5ዋንሳ ቆንጭꬃ 7 ->