1 የይፕ ጉየ፥ ታኒ በኤዛ፥ ሳሎ ዶይንቴዝ ፐንገ የዛ። ማ ታ ቲና ስኤዝ ቱልቱሎ ግርስ ጋርከዛይ ታኮ፥ «Ꮊንካ ከዞባ፤ Ꮊይፕ ጉየ፥ ሀኖዳይስ የዛ ባዝ ታ ነና ቤዞዳ» ዬጌዛ። 2 የ ዎደ ታ አያናር ኩሚ የዛ። ይኬ፥ ሳሎ ዙፋነ ታ በኤዛ ዙፋናይል አፋ ፐታ በቴዛና በኤዛ። [a] 3 የ በቴዛይ ማላይ እያስጰደኔ ሳርድዮና ግዝ አልኦ ሹቻይጋርከ። ኤ ዙፋናይ ዩሻይድ አልኦ መርገደ ሹች ኣዝዝ ዙላይ የዛ። 4 የ ዙፋናይ ዩሻይድ ላታማኔ ኦይዲ ዙፋንታይ የዛ፤ ኡንታል አፋ ቦꬅ ማኦ ማኢ፥ ኦማል ዎርቃ ዛዉደ ጋዴዝ ላታማኔ ኦይዲ ጭምታይ በቴዛ። 5 ዙፋናይፕ ዜልንꬅ፥ ዳዳ ጉምꬅኔ ሳርꬃ ከዝዛ። ዙፋነ ቲና ላፑን ፖእዛ ታማ ጾምፕታይ የዛ፤ ኡንቲ ላፑን ጾስ አያንታ። [b] 6 ዙፋናይ ቲና ብርለ ኣዝዛ ፎጭዝ ቡርጩኮ አባይ የዛ። [c]

ቲናራኔ ጉየር ኣፈ ኩሜዝ ሸምፖር የዝ ኦይዲ መትꬅታይ ዙፋናይ ዩሻይራኔ ዙፋናይ ጋንጨ የዛ። 7 ቲና መትꬃይ ጋሞ ኣዝዛ፤ ናምእንꬃይ ገማተ ኣዝዛ፤ ሃይꬓንꬃይ ቲናይር አስ ኣዝዛ፤ ማ ኦይድንꬃይ ፕራꬍዛ አንኮ ኣዝዛ። 8 ኦይዲ መተꬅታይ ፐታይስ ፐታይስ ኡሱፑን ቀፍታይ የዛ፤ የ ቀፍታይ አፋ ባጋራኔ ኦሞ ባጋር ኣፈ ኩሜዛ። [d]ኡንቲ ቃማኔ ጋላስ ጋቼካዛር፥