1 የይፕ ጉየ፥ ኪታንቻይ ታና ጾስ ዙፋናይፐኔ ዱራይ ዙፋናይፕ ጎግዝ ቡርጩኮ ጋርክ ፖጭዝ ግታ ደኦ ሃꬅ ታና ቤዜዛ። [a] 2 የ ሃꬃታ የ ካታምቲ ዋና ጎሳ ቆኢ ኣꬍዛ። የ ሃꬃትስ ኡሻች ባጋራኔ ሀድርስ ባጋር ላይꬃ ታጶ ናምኢ ቶኬ አግናር አግናር ኣፍዝ ደኦ ምꬂ የዛ። የ ምꬃቲ ሀይታይ ዎያ ፓꬅዛ።[b][c]

3 Ꮊንፕ ጉየ አባ ባድꬂ የዛሚ። ጾስ ዙፋናይኔ ዱራይ ዙፋናይ የ ካታማይድ የዞዳ። ኤ አይልታይ ኤዛ ጎይኖዳ። [d] 4 ኡንቲ ኤ ኣፋ በአዳ፤ ኤ ሱንꬃይ ኡ ስኖል ጻፍንቶዳ። 5 ይከፕ ጉየ ቃማ ባያ፤ ጎዳይ ጾሳይ ኡንትስ ፖእዛ ማቄዝ ግሾስ ኡንትስ ጾምፐ ዎይ አዋ ፖኦ ኮሾያ። ኡንቲ መꬊ መꬍናስ ካዉቶዳ። [e]

6 የይፕ ጉየ ኪታንቻይ ታኮ፥ «Ꮊ ታ ኦድዛ ቃላይ አማንቴዝታኔ ቱምታ። ጎዳ ጾሳይ፥ ናብታይስ ፋ አያናር እንግዛይ፥ ኡከር አተካ ሀኖድ ባዝ ፋ አይልታ ቤሳዳይስ ፋ ኪታንቻ ኪቴዛ» ዬጌዛ።

7 የሱሳካ፥ «ዬዛኮ ታ ኤለር የኦዳ፤ Ꮊ ማጻፋይድ የዝ ትንቢተ ቃላ ናግዛ ኦንካ አንጅንቴዛያ» ዬጌዛ።

8 ታ፥ ዋንሳ፥ የ ኡባባዛ ስኤዛኔ በኤዛ። ታኒ የያ ስኤዝ ዎደኔ በኤዝ ዎደ የያ ታና ቤዜዝ ኪታንቻ ጎይኖዳይስ ኤ ቶከል አፋ ጉጲንጌዛ። 9 ዝን ኪታንቻይ ታኮ፥ «አሾባ! የያ ኦꬅፐ! ታኒ ነጋርከ፥ ነ እሽታይ ናብታይጋርከኔ Ꮊ ማጻፋይድ የዝ ኡባ ኪትንትዛ አይልታይ ጋርከ፤ ጾስስ ጎይኖባ» ዬጌዛ።

10 Ꮊይፕ ጉየ ኪታንቻይ ማሂ፥ «Ꮊ ኡባይ ፖልንትዛ ዎዳይ ኡኬዝ ግሾስ Ꮊ ማጻፋይድ ጻፍንቴዝ ትንቢተ ቃላ ማታመር ጎርድፐ። 11 ኢታ ኦꬅዛይ ጉጂ ኢታ ኦꬆ፤ ቱናይካ ጉጂ ቱኖ። ጽላይክ ጉጂ ጽሎ፤ ጌዥዛይ ጉጂ ጌዦ» ዬጌዛ። [f]

12 የሱሳ፥ «ዬዛኮ፥ ታኒ ኤልሲ የኦዳ። ፐታይስ ፐታይስ ኤ ኦሳይ ጋርክ እማድ ዎይታይ ታር የዛ። [g] 13 ታኒ አልፋኔ ኦመጋ፤ ቲናኔ ጉያ፤ ደንዶኔ ዉርስꬃ።[h]

14 «ፋ ማአ ሜጪ ጌሼዝታይ አንጅንቴዝታ። ደኦ ምꬅ ኣፋ ማዳይስኔ ካታምት ፐንግታይር ገሎዳይስ ኡንትስ ማዉተ እንግቴዛ። [i] 15 ዝን ካንታይ፥ ብትዝታይ፥ ላግትዝታይ፥ ሸምፖ ዎꬍዝታይ፥ ኤቃ ጎይንዝታይ፥ ዎርዶ ዶስዝታይኔ ኦꬅዝታይ ባለር የዛ።

16 «ታ፥ የሱሳ፥ Ꮊ ማርካትꬃ ይንትስ፥ ዎሳ ኬꬅታይስ ኦዶዳይ ጋርክ ታ ኪታንቻ ኪቴዛ። ታኒ ዳዉተ ሼሽኔ ዘረꬅ። ታኒ ፖእዛ ጉራ ባካላ ጾልንቶ» ዬጌዛ። [j]

17 አያናይኔ ገሎዳይስ ጊጌዝ ማቻት፥ «Ꮊና የኦባ» ዬግዛ። ማ Ꮊያ ስእዝ ኦንካ፥ «Ꮊና የኦባ» ዬጎ። ሳምንቴዝ ኦንካ Ꮊና የኦ፤ ደኦ ሃꬅ ኮይዝ ኦንካ ጭጋ ባይꬅ ጨር ኤኪ ኡዦ። [k]

18 ታኒ Ꮊ ማጻፋይድ ጻፍንቴዝ ትንቢተ ቃላ ስእዝ ኦናካ ናግንቶዳይ ጋርክ ማርካትዛ። ኦንካ Ꮊ ቃላይል አፋ ፐትባዝ ጉጅኮ፥ ጾꬂ Ꮊ ማጻፋይድ ጻፍንቴዝ ቦሻ ኤዛል አፋ ጉጆዳ። [l] 19 ኦንካ ማጻፋይድ የዝ ትንቢተ ቃላይፕ ፐትባዝ ፓጭንችኮ፥ ጾꬂ Ꮊ ማጻፋይድ ጻፍንቴዝ ደኦ ምꬅ ኣፈፐኔ ጌሽ ካታምትፕ ኤ አንጃ ፓጭንꬆዳ።

20 Ꮊ ኡባ ማርካትዛይ፥ «ቱማ፥ ታኒ ኤልሲ የኦዳ» ዬግዛ።

አምንኤ፤ ጎዳ የሱሳ፥ የኦባ።

21 ጎዳ የሱሳ ኣꬎ ኬሃትꬃይ ኑ ኡባይር ማቆ። አምንኤ።

<- ዋንሳ ቆንጭꬃ 21