1 የይፕ ጉየ፥ ጎዳይ ሀራ ላፑን ታማኔ ናምኢ [a] አስታ ዶሬዛ። ኤ Ꮊማዳይስ ቆፔዝ ካታማኔ ሄራ ኡባ ቲናቲ Ꮊማድ ጋርክ ናምኤ ናምኤ ኡዲ ኪቴዛ። 2 የሱሳ ኡንትኮ፥ «ይኬ ሺቆድ ቶርቼ ካꬃይ ጋመ ዝን ቶርቼ ኦሶ አሳይ ጽቃ። ዬዬዝ ግሾስ፥ ቶርቼ ካꬃ ጎዳይ ኦሶ አስታ ኪቶዳ ጋርክ ዎሶይታ። [b] 3 ይኬ፥ Ꮊንጎይታ፥ ዱርታይ ጋርክ ፉግታይ ጋንጨ ይንታን ታ ዳኮዳ። [c] 4 ይ Ꮊንግታር ኦገስ Ꮊይትታ አይክፓተ፥ ሚሸ ማቅን ካꬃ ማቅን ጫማ አይክፓተ። ኦገል አፋ ኦናካ ሳሮꬅታር ዎዴ ኣꬅፓተ።[d] 5 ይ ገልዛ ኬꬃ ኡባ ቲናቲ፥ ‹ሳሮ Ꮊ ኬꬃይስ ማቆ› ዬጎይታ። 6 ሳሮ ቃꬍዛ አስ የ አቃይድ የዝኮ፥ ይ ሳራይ ኤዛይድ አቆዳ፤ እጽኮ ይ ሳራይ ይንትስ ማቆዳ። 7 ኦሶ አስስ ዳሞዘ ቤዝዛ ግሾስ ይ ገሌዝ ኬꬃ ይንትስ ሺሼዝ ባዝ ኡባ ሚታራኔ ኡዥታር ኤዛይድ ጋምኦይታ። ፐታይ ካራፕ ፐታይ ካራ ዩይፓተ። [e] 8 አባ ካታማካ ይ ገሎዳር አሳይ ይንታን ሞኪ፥ ይንትስ ሺሼዝ ባዝ ኡባ ሞይታ። 9 የ ካታማ ጋንጨ የዝ ሀርግንቴዝታ ፓꬅታር፥ ‹ጾሳ ካተትꬃይ ይንትኮ ኡኬዛ› ዬጊ ኦዶይታ። 10 ዝን ፐቲ ካታማ ገሎዳር አሳይ ይንታን ሞካም እጽኮ ዞዘል ከዚ Ꮊይ ጋርከ ጎይታ:[f] 11 ‹ኑ ቶካይል አፋ የዝ ይ ካታማይ ቡልአ ኑ ፕቶዳ፥ ዝን ጾስ ካተትꬃይ ይንትኮ ኡኬዛና ኤሮይታ›[g] 12 ፕርዳ ጋላስ Ꮊ ካታማትፕ ሶዶመ ካታማስ ፕርዳይ ካዉሻ ማቃዳና ታ ይንትስ ኦድዛ» ዬጌዛ። [h]

17 ላፑን ታማኔ ናምኢ ታማርታይ ኪትንቴዝ አቃይፕ ሎእꬂ ኡፋይትታር ማቄዛ። የሱሳኮ ሺቂ፥ «ጎዳዮ፥ ነ ሱንꬃር ቱና አያንታይካ ኑስ አዛዝንቴዛ» ዬጌዛ።

18 የሱሳ ኡንትኮ፥ «ጻላሄ ሳሎፕ ዳዳ ጋርክ ዎꬎዳር ታ በኤዛ። 19 ዬዛኮ፥ ሾሽኔ Ꮊንጋርጮ የꬎድ ጋርከኔ ሞርከ ዎልቃር ኤቅንቶድ ጋርክ ይንትስ ታ ማዉተ እንጌዛ። ይንታን ቆሆድ ባዝ አኮካ ባያ። [l] 20 ማቆዝን፥ ይ ሱንꬃይ ሳሎ ማዝጋባይድ ጻፍንቴዝ ግሾስ ኡፋይቶይታፕ አትን ቱና አያንታይ ይንትስ ኪትንቴዝ ግሾስ ኡፋይትፓተ» ዬጌዛ።

25 ዬዛኮ፥ ፐቲ ጋላስ ሙሰ ህገ ኤርዛ ፐቲ አꬃይ ደንዲ የሱሳ ዬጊ ፓጨ ኦይች ኦይጬዛ። «አስታማራዮ፥ መꬍናስ ደኦ ላቶዳይስ ታኒ አብ ኡዶ?» ዬጌዛ። [n]

26 የሱሳ፥ «ሙሰ ማጻፋይድ ጻፍንቴዛይ ዋጌ? ነ ዋይዚ ናባብ አካኬ?» ዬጌዛ።

27 አꬃይ ማሂ፥ « ‹ነ ጎዳ ነ ጾሳ፥ ነ ኩንꬅ ዎዝናፐ፥ ነ ኩንꬅ ሸምፖፕ፥ ነ ኩንꬅ ዎልቃፐኔ ነ ኩንꬅ ቆፋፕ ቃꬎባ። ማካ ነ ላጋ ነ ኡባይ ጋርክ ቃꬎባ› ዬግዛ» ዬጌዛ። [o]

28 የሱሳ ኤዝኮ፥ «ኔኒ ይኖ ልኬ ማሄዛ፥ ኔካ Ꮊይ ጋርክ ኦꬆባ። ነ መꬍናስ ደኦ የዞዳ» ዬጌዛ። [p]

29 ዝን አꬃይ ፋና ጌሽ ኦꬆዳይስ ኮዢ፥ «ሀኖስ ኤ ታ ላጋይ ኦኖ?» ዬጌዛ።

30 ኤ ኦይቻይስ የሱሳ ዬጊ ማልሰ እንጌዛ፥ «ፐቲ አሲ የዛይ የሩሳላመ ካታማፐ ሱለ ኢያርኮ ካታማ Ꮊማዳር ኦገል አፋ ፓንታይ ከዚ ሾጬዛ። ኤ አፍላ ቃሪ ኤኪ Ꮊይቆፐኔ ፓꬃፕ ጋንጨ ኦሊ ቅቴዛ። 31 ጉየፕ፥ አይሁደ ቄሰ ፐታይ የ ኦጋይር ፋ Ꮊሞ Ꮊንግታር አꬃ ብኢ ደሽ ግ ኣꬌዛ። 32 ማካ ፐቲ ለዋይ የ አቃ ሄልታር አꬃ ብኢ ሀራ ኦገር ኣꬊ ቅቴዛ። 33 ዝን፥ ፐቲ ሳማረ ቢታ አስ የዛይ የ ኦጋይር ይእታር አꬃ ብኢ ኤስ ቃꬊንቴዛ[q] 34 ኤዝኮ ሺቂ፥ ኤ ማዶꬃይል አፋ ዛይተኔ ዎይነ ቆል አጬዛ። ፋ ሀረል አፋ በትꬂ እማꬂ አቅዝ ኬꬃ ካንጌዛ። የ አቃይድ ኤዝስ ኮሽዛ ባዝ ኡባ ኦꬄዛ። 35 ዎንትꬃ ናምኢ ዲናረ ማሂ እማꬅ ካራ አዳይስ እንጊ፥ ‹ሀያና Ꮊ አꬃ ሎእꬂ ቦኦባ። ታኒ ኔስ እንጌዛይፕ አፋር ነ ከስዛ ባዝ ኡብታ ታ ኔስ ጭጎዳ› ዬጌዛ።

36 «ይኬ፥ Ꮊ ሀይꬒ አስታይፕ ፓንታይ ሾጬዝ አꬃይስ ላጌ ማቄዛይ ኔስ ኦና ኣዜ?»

37 አꬃይ ማሂ፥ «ኤዝስ ቃꬊንቴዛያ» ዬጌዛ።

የሱሳ፥ «ኔካ Ꮊንጊ Ꮊይ ጋርክ ኦꬆባ» ዬጌዛ።

38 የሱሳ ፋ ታማርታይር ኦገ Ꮊንግታር ፐቲ ሄራ ሄሌዛ። ኤዛይድ ማርታ ግንትንትዝ ፐቲ አስታ ኤዛ ፋ ካራ ሞኬዛ። [r] 39 እዝስካ ማይራሞ ግዝ ምሽታ የዛ፥ ማይራማ ቃላ ስእታር ጎዳይ ቶኬ ካለ በቴዛ። 40 ዝን ማርታ ጋመ ኦሶር ኡንእንቲ የሱሳኮ ሺቂ፥ «ጎዳዮ፥ ታ ምሽታ ኦሶ ታ ኣዳስ አሺ በቲ አትን ታ ዳቡሮዳር ነ ብእታር ስኢ ግኔ? እዛ ታና ማዶድ ጋርክ ኦዶሳ» ዬጌዛ።

41 ዝን ጎዳይ Ꮊይ ጋርክ ግ ማሄዛ፥ «ማርታ፥ ማርታ፥ ነ ጋመባዛር ቱርቱሪ መትንትዛ። 42 ማቆዝን፥ ኮይንትዛይ ፐትባዝ ኣዳ። ማይራማ ሎኦ ባዝ ዶሬዛ፥ የይካ እዝፐ ኤክንታሚ» ዬጌዛ።

<- ሉቃሳ 9ሉቃሳ 11 ->