ይሁዳ ጻፌዝ ኪታ ገሎ ይሁዳ ኪታይ ጻፍንቴዛይ፥ አማነካዛር አማንዛ አሲ ኣዚ ዎርዶ ትምርተ ዘርዝ አስታይፕ ክርስታንታይ ናግንቶድ ጋርክ አካክሶዳይሲ። Ꮊ ሃታ ኪታይ ፋ ጋንጨ አይኬዝ ቆፋይ ናምእንꬆ ጵጽሮሳ ኪታና ኣዝዛ። ጻፋይ፥ «አማንዛ አስስ ጾሲ ላማማይስ ፐቲ ቶኬ እንግንቴዝ አማኖስ ሚንጊ ኦልንቶይታ» ዬጊ ናባብዝታ ሚንꬂ ቆፍስዛ። ይሁዳ ኪታይ አይኬዝ ቆፍታ ሳሮꬆ 1-2 ዎርዶ አስታማርታይ ትምርተኔ ኡ ፎክꬅ 3-16 አማኖ ናጎድ ጋርክ እንግንቴዝ ዞረ 17-23 ጋላታ ዎሳ 24-25
1 ታ ይሁዳ፥ የሱስ ክርስቶሳ አይላይ፥ ያይቆባ እሻይ፤
2 ማሮትꬂ፥ ሳሮትꬅኔ ሲቆ ይንትስ ኩሞ።
5 Ꮊ ኡባ ፐቲ ቶኬ ኤርዛ ባዝ ማቅኮካ፥ ጎዳይ እስሬለ አሳ ግብጸ ቢታፕ ዋይዚ ከሴዛኮ፥ ማ ጉየፕ አማኖዝታ ꬋብሴዛ ታ ይንታን አካክሶዳይስ ኮይዛ። [b] 6 ፋ የዛበሳ አሺ፥ ፓስ እንግንቴዝ ማዉታ ናገካ ኪታንችታ፥ ግታ ፕርደ ጋላስ ሄሎዳይስ ጾሳይ ኡንታን ꬉማ ጋንጨ መꬍናስ ሳንꬃላተር አጪ ጋዴዛ። 7 የይ ጋርክ፥ ሶዶማኔ ጋሞራ አስታይኔ ኡ ላንቀ የዝ ካታምታይድ የዝ አስታይ ላግቴዛ፤ ላግታር ዎላ ቱና ቤዞዋ ባዝ ኦꬄዛ። ኡንቲ መꬍናስ ታማ ጋንጨ ሴርንትዝታይስ ኣዝሶ ማቄዛ። [c]
8 የይ ጋርከካ፥ Ꮊ ኤልሞትዝታይ ፋ አሻ ቱንሴዛ፤ ማዉተር የዝ አድታ ለቂዛ፤ ሳሎ የዝ ቦንችንቴዝ መትꬅታካ ጫዥዛ። 9 ኪታንችታይ ሀላቃ ምካኤለካ ሙሰ አሃይስ ዳቡሎሳር ፓላሜዝ ጋላስ «ጎዳይ ነና ሴሮ» ዬጌዛፕ አትን ኤዛል አፋ ጫዦዳይስ ኮየካያ። [d] 10 ዝን Ꮊ አስታይ ፓስ ኤሮዋ ባዝ ኡባ ጫዥዛ፤ ማ ኡንቲ ዎዝና ባ መሄ ጋርክ መትꬃይር ኤርኮካ፥ እዛ ኡንታን ꬋብሶዳ። 11 ኡንታን አየ! ኡ ቃኤላ ኦገ Ꮊንጌዛ። ሚሸ ኮዪ ባላማ ጋርክ ቡታ ጋንጨ ዎꬌዛ። ቆረ ጾሳል አፋ ደንዴዛይ ጋርክ ኡ ጾሳል ደንዲ ꬋቤዛ።[e]
12 Ꮊ አሳይ፥ ዬላ ባይꬅ ይ ሲቆ እማቶ ሚዝ አቆ ይንታር ማዳይስ በቲ ቃይጽንትዛ ላፍታ። ኡ ፋባዝ ኣዳስ ቆፕዝታ። ኡ ጫርኮ ጋርከኔ እራ ባ ሻራ ጋርከ። ማ ኣፍዝ ዎደ ኣፈ ኣፈካዛር፥ ጻጶር ሾድንቲ፥ ናምኢ ቶኬ መሌዝ ምꬅ ጋርከ። 13 ኡ ኤንእዛ አባ ዙሎ ጋርክ ፋ ዬላስ ጋፑንትዝታ። ኡንቲ መꬍናስ ልንጽ ጌዝ ꬉማ ናግዝ ዳቡርዛ ጾልንትታ።
14 አዳመፕ አይኪ፥ ላፑንꬃ የለትꬅ ማቄዝ ሄኖኬ፥ Ꮊ አሳይ ባዝ ትንቢተ ኦድታር፥ «ዬዛኮ፥ ጎዳይ፥ ፋ ጋመ ሙኩለ ጌሽታይር የኦዳ። [f] 15 አስ ኡባ ፕርዶዳ፤ ኡባ ኡ ኦꬄዝ ኢታ ኦꬆ ኡባይ ግሾኔ ኤርታር ኡ ጾሳል ኦድንቴዝ ኢታ ኦዳይ ኡባይ ግሾ ፕርዶዳ» ዬጌዛ። 16 የ አሳይ ኡባ ዎደ ዝግርዝታኔ ኦዳ ኮይዝታ። ማ ፋ ኢታ አሞ ካልዛ፤ ፓስ ጬቅንትዛ ፋና አድዛ ባዝ ደንጎዳይስ ሀራ አስታ ገሽንትዛ።
20 ዝን ታ እሹንꬆ፥ ጌሽ ማቄዝ ይ አማናትር ድጮዳይስ ምንጎይታ፤ ማ ጌሻ አያና ዎልቃር ዎሶይታ። 21 ይንታን መꬍና የዝዝ የስኮ ሄልꬆድ ኑ ጎዳ የሱሳ ክርስቶሳ ማሮትꬃ ናግታር ይንታን ጾሳይ ሲቃይር ናጎይታ።
22 ሰእዛ አሳይስ ቃꬎይታ። 23 ፐቲ ፐቲ አሳ ታማፕ ከሲ ኤኮይታ። ማ የይፕ ኢታ አሞር ቱኔዝ ኡ አፍላ እጽታር ሀራ አሳይስ ያሻር ማሮይታ።