ዋንሳ ጻፌዝ የሱስ ክርስቶሳ ዎንግለ

ገሎ

ዋንሳ የሱሳ «አስ ማቂ አስ ጋንጨ በንቴዝ ጾስ ቃላ» ዬጊ ኤርሴዛ። Ꮊ ዎንግላይ ጻፍንቴዛይ፥ ኤዛ ናባብዛ አሳይ የሱሳ አስ አሽዛያ ማቂ የኦዳ ግንትንቴዝ ጾስ ናአ ማቅዛና አማኖድ ጋርከኔ ኤዛ አማንዝታይስ መꬍና ደኦ የዛና ኡንቲ ኤሮድ ጋርከ (20:31)።

ዎንግላይስ ቲና ክፍላይ መꬍና ጾሳ ቃላይኔ የሱሳ ፐቶ ማቄዛና ኦዲ ማቂ፥ የሱሳ አሽዛያ ማቂ የኦድ ግንትንቴዝ ጾስ ናአ ማቄዛና ቤዝዛ ዱማ ዱማ ማልታይር ፋልሲ ቤዝዛ። ጻፋይ፥ የሱስ ክርስቶሳ ፋ ኡባስ ቱማ ጾስ ናአኔ ጾስ አዳይር ፐቶ ማቄዛና (1:1) አፋ ቆንጨ ኦዴዛ። የሱሳ ፋ ኡባስ ታ አፍራመፕ ቲን የዛ (8:58) ዬጌዛ። ዉርስꬃል ቶማሳ፥ «ታ ጎዳዮ፥ ታ ጾሳዮ» ዬጊ ጼጌዛ (20:28)። የይፕ ካሊ ማ Ꮊ ማልታይፕ አባ ኣፈ በንቴዛኮ ኦድዝ ታርክታይ ካልዛ። Ꮊ ክፍላይ ፐቲ ፐቲ አሳይ የሱሳ አማኒ ኤዛ ካልዝታ ማቄዛና ኦድዛ፤ ማ Ꮊንክታይ ኤዛር ዋይዚ ኤቅንቴዛኮኔ ዋይዚ አማናም እጼዛኮ ኦድዛ። ሸምፖ 13-17 ሄሎዳይስ የሱሳ አይክንቴዝ ኦማꬅ ኤዝስ፥ ኤ ታማርታይር አብ ጋርክ ምኖ ዳቦትꬅ የዛኮ፥ ማ ዎንትꬃ ጋላስ ሶትንቶዳይፕ ቲና ጊግንቶ ቃላኔ ምንꬃꬆ ቃላ ኡንትስ ኦዴዛና ፋልሲ ቤዝዛ። ዉርስꬅ ሸምፕታይ የሱሳ አይክንቴዝ ባጋኔ ፕርዳስ ሺቄዝ ባዝ፥ ኤ ሶትንቴዛኔ ኤ ደንዶ፥ የይ ጋርከካ ደንዳይፕ ጉየ ፋ ታማርታይስ ኤ በንቴዝ በንትꬃ ኦድዛ።

ዋንሳ ዎንግላይ አይኬዝ ቆፍታ

ገሎ 1:1-18

ጻማቅዛ ዋንሳኔ የሱሳ ቲና ታማርታ 1:19-51

የሱሳ ኦሶ አይኬዛ 2:1—12:50

ዉርስꬅ ቃምታ የሩሳላመ ሄራ 13:1—19:42

ጎዳይ ደንዳኔ በንትꬅ 20:1-31

ኩስተ ቆፋ፦ ጋልላ ማቂ ፋ ታማርታይስ በንትꬅ 21:1-25

6 ጾሲ ኪቴዝ፥ ፐቲ ዋንሳ ግዝ አሲ የዛ። 7 አሲ ኡባይ ኤ ባጋር ፖአ አማኖድ ጋርክ ኤ ፖኦስ ማርካ ማቂ የኤዛ። 8 ኤ ፖኦ ባጋ ማርካቶዳይስ የኤዛፕ አትን ፋ ኡባስ ፖኦ ባያ። 9 አስ ኡባስ ፖእስዛ ቱማ ፖአይ አላመ ይእዛ።

10 ኤዝካ አላመል የዛ። አላማይካ መꬍንቴዛይ ኤ ባጋራ፥ ዝን አላማይካ ኤዛ ኤረካያ። 11 ኤ ፋስታይኮ የኤዛ፥ ዝን ኤስታይ ኤዛ ኤከካያ። 12 ዝን ኤ ፋና ኤኬዝታይስንኔ ኤ ሱንꬃ አማኔዝታይስ ጾስ ናእታ ማቃድ ጋርክ ማዉተ እንጌዛ። 13 ኡንትካ ጾሳፕ የልንቴዛፕ አትን አሲ የልንትዛ ዎጋይ ጋርክ ꬊራꬅ ሸነፕ ዎይ አሾፐኔ ሱꬅ ሸነር የልንተካያ።

14 ቃላይ አስ ማቄዛ፤ አꬎ ኬሄትꬃኔ ቱማትꬅ ኩሚ ኑ ጋንጨ የዜዛ። ኤ ፋ አዳይስ ፐቲ ናአ ማቂ ኤኬዝ ኤ ቦንቻ ኑ በኤዛ።

15 ዋንሳ ኤ ባጋ ማርካቴዛ። ፋ ቃላ ꬎቅ ኡዲ፥ «ታኒ፥ ‹ታፕ ጉየር ይእዛይ ታፕ ቲን የዛ ግሾስ ታፕ ኣꬍዛ› ግ ማርካቴዛይ Ꮊያ» ዬጌዛ።

16 ኑኒ ኡቢታይ ኤ አꬎ ኬሄትꬅ ኩንꬃይፕ አንጆል አፋ አንጆ ኤኬዛ። 17 ጾሳይ ህገ ሙሰ ባጋር እንጌዛ፥ ዝን አꬎ ኬሄትꬅኔ ቱማትꬂ የሱሳ ክርስቶሳ ባጋር የኤዛ። 18 ጾሳ ኣፈር በኤዝ አስ ኦንካ ባያ፤ ፋ አዳይ ላንቀ የዝ ፐቲ ናአይ ኣዳ ኤ ፋ ኡባስ ጾስ ማቄዛይ ኤዛ ቆንጨ ኦዴዛ።

22 የዝን፥ «ነ ኦኖ? ኑኒ ኑና ኪቴዝታይስ ኦዶድ ጋርክ ነ ነና ኦና ጌ?» ዬጌዛ።

23 ዋንሳ ማሂ፥ «ናበ እሳያሳ ጌዛይ ጋርክ፥

32 ዋንሳ Ꮊይ ጋርክ ዬጊ ማርካቴዛ፦ «ጌሻ አያናይ ሳሎፕ ሆለ ጋርክ ዎꬎዳራኔ ኤዛል ሸምፖዳር ታ በኤዛ። 33 የይ ሀኖዳይፕ ቲና ታ ኤዛ ኤሮያ። ዝን ሃꬃር ጻማቆዳይስ ታና ኪቴዝ ጾሳይ፥ ‹ጌሻ አያናይ ዎꬊ ኤዛር የዝን ኔኒ በአዳይኔ ጌሻ አያናር ጻማቆዳይ ኤዛ› ዬጊ ታስ ኦዴዛ። 34 ታ የይ ሀኖዳር ብኢ፥ ኤ ጾስ ናአ ማቄዛና ማርካትዛ» ዬጌዛ።

37 ናምኢ ዋንሳ ታማርታይ ዋንሳ ግዛና ስኢ የሱሳና ካሌዛ። 38 የሱሳ ፋና ካልዝታ ጉየ ሽርንቲ ብኢ፥ «ይ አብ ኮይኔ?» ዬጊ ኦይጬዛ።

39 የሱሳ ኡንትኮ፥ «Ꮊና ይኢ ቦኦይታ» ዬጌዛ። ኡንቲ Ꮊንጊ ኤ የዛ አቃ በኤዛ። የ ጋላስ ሳአይ ታጲ ሳተ ሄራ ማቅዝ ግሾስ ኤ ላንቀ ፔዤዛ።

40 ዋንሳ ጌዛና ስኢ፥ የሱሳና ካሌዝ ናምኢ ታማርታይፕ ፐታይ፥ ስሞን ጵጽሮሳ እሻ እንድራሰ። 41 እንድራሰ ቲና ፋ እሻ ስሞናር ዎልሄሊ፥ «ኑኒ ክርስቶሳ ደንጌዛ» ዬጌዛ። 42 እንድራሰ ስሞና የሱሳኮ ከኤዛ።

45 ፍልጶሳ ናትናኤላና ሄሊ፥ «ሙሰ ህገ ማጻፋይ ጋንጨ፥ ማ ናብታይካ ኤባዝ ጻፌዝ ዮሴፋ ናአ ናዝረተ የሱሳ ኑ ደንጌዛ» ዬጌዛ።

46 ናትናኤላ ማሂ፥ «ናዝረተ ካታማፕ ሎኦ ባዝ ከዞዳይስ ዳንዳእኔ?» ዬጌዛ።

47 የሱሳ ናትናኤላ ፋኮ ይእዛና ብኢ፥ «ገነ ባ ቱማ እስሬለ አስ Ꮊያ!» ዬጌዛ።

48 ናትናኤላ የሱሳኮ፥ «ኔኒ ታና አባ ኤሬ?» ዬጌዛ።

49 ናትናኤላ ማሂ፥ «አስታማራዮ፥ ኔኒ ጾስ ናአ! ኔኒ እስሬለ ካተ!» ዬጌዛ።

50 የሱሳ ኤኮ፥ «ታ ነና ባላሰ ምꬂ ኦሞ በኤዛ ጌዝ ግሾስ ነ አማንኔ? ኔኒ Ꮊይፕ ኣꬅባዝ በአዳ!» ዬጌዛ። 51 ማ የሱሳ፥ «ታኒ ይንትስ ቱሮ ኦድዛ፤ ሳሎ ዶይንትን፥ ጾስ ኪታንችታይ አስ ናአ አፋ ከዞዳራኔ ዎꬎዳር ይ በአዳ» ዬጌዛ።