1 ይኬ፥ ክርስቶሳ ባጋ ታማርስዛ ቲና ትምርታ አሺ ክርስቶሳር ፎሎኮ Ꮊማዳ። Ꮊይቄዝ ኦሶፕ ገሎኔ ጾስ አማኖ ባጋ ቲና ትምርታይኮ ጉየ ማቂ ማሂ ባሳሚ። 2 የይትታይካ፥ ጽንቃትታይ ባጋ፥ [a] ኩሸ ጋዶ ባጋ፥ Ꮊይቆፕ ደንዶ ባጋኔ መꬍና ፕርዳ ባጋ ማሂ ታማራም። 3 ጾስ ጊኮ ኑ የያ ኡዶዳ።
4 ፐቲ ቶኬ ፖኦ ኡንትስ ፖኤዝታ፥ ሳሎ እሞታ ኤኬዝታ፥ ጌሻ አያናር ሻክንቴዝታ፥ 5 ሎኦ ጾስ ቃላኔ ቲናፕ የኦድ አላማይ ዎልቃ በኤዝታ፥ 6 ጉየፐ ካዴዝታ ናጋራይፕ ናምእንꬆ ማሆዳይስ ዳንዳእንቶያ። አብስ ጊኮ፥ ኡንቲ ፋ ꬋቦስ ጾስ ናአ ማሂ ሶትዛይ ጋርክ ማዝቃለል አፋ ኤዛ ሶቴዛ ዎያ ቲና ካዉሽዛ።
7 ኡባ ዎደ ኢል አፋ ቡክዛ እራ ኡዢ፥ ዎቴዝ አꬃ ማድዛ ካꬅ እንግዛ ቢታይ ጾስ አንጄዛኖ። 8 ዝን አንጉንꬅኔ ግጀ ዶልዝ ቢታት አብካ አዳሚ፤ ኢስ ቃንግꬂ ኡኬዛ፤ ዉርስꬃል እዛ ጹግንቶዳ።
9 ኑ ሲቆ እሹንꬆ፥ ኑኒ Ꮊይ ጋርክ ኦድዛ ባዝ ማቅኮካ፥ ይንታን አቶትꬅኮ ካልꬅዛ ሎኦ ባዝ ይንትስ የዛና ኤርዛ። [b] 10 ጾስ ሉለ ፕርድዛ። ጾስ፥ ይ ኦꬄዝ ኦሶኔ ቲና ማቅን Ꮊተካ አማንዝታ ማዲ፥ ኤስ የዝ ሲቆ ቤዜዛና ዶጎያ። 11 ይ ኡባይ ኡፋይሳር ናግዛና ደንጎድ ሄሎዳይስ Ꮊ ምኖትꬃ ዉርስꬂ ሄሎዳይስ ቤዞዳይ ጋርክ ኑ አሞትዛ። 12 ይ አማኖራኔ ዳንዳአር ናግዛ ኡፋይሳ ላትዛ አሳ ኣዞዳይ ጋርከፐ አትን አዛላ ማቆዳና ኑ ኮዮያ።
16 አሲ ጫቂታር ፋፕ ዳምዛ አꬃይር ጫቂዛ፤ ኡ ፋ ኦዳ ጫቆር ሚንꬂ፥ ዎል ጋንጨ የዝ ፓላማ ኡባ ተቅዛ። 17 የይ ግሾስ፥ ጾስ ፋ ላምንቶዋ ቆፋ ኡፋይስ ቃላ ላትዝታይስ ቆንጭሶዳይስ ኮዬዝ ግሾስ ጫቆር ኡንትስ ሚንꬄዛ። 18 ጾስ ላምንቶዋዝታኔ ዎርዶቶዋ ናምኢ ባዝታ ጉሳይ ኡፋይስኔ ጫቃ ኑስ እንጌዛ። Ꮊ ናምኢ ባዝታይፕ ደንዴዛይድ ኑ ቲናይድ የዝ ኡፋይሳ ሚንꬅ አይኮዳይስ ዳንዳኦዳይስ ዘምፖ ደንጎዳይስ ኤኮ ቆስንቴዝ ኑኒ ዎልቃማ ምንꬃꬆ ደንጎዳ።
19 ያ ኡፋይሳይ ኑ ሸምፖስ፥ ማርካበ ኤንአማይ ጋርክ ሚንꬂ አይክዝ ዎዶሮ ጋርከ። የ ኡፋይሳይ ማጋራዣፕ ጉየ ባጋ የዝ ጌሽ አቃ ገልዛ። [d] 20 የሱሳ ማልከጻድቀ ሹማተꬃይ ጋርክ መꬍናስ ቄስታይ ሀላቃ ማቂ፥ ኑ ግሾስ ኑፕ ቲናቲ የ አቃ ገሌዛ።
<- እብራወ 5እብራወ 7 ->