2
ዳማ አቶትꬅ
1 የይ ግሾስ፥ ኑኒ ስኤዝ ቱማይፕ ሀራ ባዝ ኑና ኤካማይ ጋርክ የ ኑ ስኤዛና ሚንꬂ ናጎዳይስ ቤዝዛ። 2 ይኬ፥ ኪታንችታይ ባጋር ኦድንቴዝ ቃላይ ቱማ ማቅኮ፥ ኤዛ ለቆኔ ኪትንታም እጻይ ፕርዳ ክእዛባዝ ማቅኮ፥ 3 የዝን፥ ኑኒ Ꮊይ ጋርክ ግታ አቶትꬃ እጽኮ፥ ዋይዚ ቡቲ አቶዴ? ቲና ጎዳይ ፋ ኦማስ የ አቶትꬃ ኦዴዛ፤ ማ ኤፕ ስኤዝታይ ኑስ ጌሺ ማርካቴዛ። 4 ማ ጾሲ ማልታይር፥ ኦሮꬅባዝታይር፥ ዱማ ዱማ ማላ ባዝታይዳኔ ፋ ሸነ ጋርክ እንጌዝ ጌሻ አያና እሞትꬅታይር ማርካትꬃ ሚንꬄዛ።
የሱሳ አስ አቶትꬅስ ኩስተ
5 ጾሲ Ꮊ ኑኒ ኦድዛ ቲናፕ የኦድ አላማ፥ ኪታንችታይስ ሞድሰካያ። 6 ጌሻ ማጻፋይ ፐቲ አቆ Ꮊይ ጋርክ ዬግዛ፦
«ኔኒ አስስ ቆፖዳይስ አስ ናአ አባ ባዞ?
ዎይ ኔኒ ኤዛ ናጎዳይስ አስ ናአ አባ ባዞ?[a]
7 ነ ኤዛ ኪታንችታይፕ ጽቃር ላፍꬄዛ፤
ኤ ኦማይል ቦንቾኔ ጋላታ ዛዉደ ጋዴዛ።
8 ማ ኡባ ባዝ ኤ ቶኬ ኦሞ ጋዴዛ»
ዬግዛ። ጾሲ ኡባ ባዝ ኤስ ሞድሴዝ ዎደ ኤስ ሞድንቴካ አብካ ባያ። ዝን Ꮊት ኡባ ባዝ ኤስ ሃርንቶዳር ኑኒ ሀጋ በኤካያ። 9 ዝን ኑኒ ኪታንችታይፕ ጽቃር ላፌዛ የሱሳ ጾስ ኣꬎ ኬሃትꬃይፕ ደንዴዛይድ የሱሳ አስ ኡባይስ Ꮊይቄዛ። ኤ ዋየ Ꮊይቆ Ꮊይቄዝ ግሾስ ቦንቾኔ ጋላታ ዛዉደ ኤ ኦማይል ጋድን በአዳ። 10 ኡባ ባዝ ኤፐኔ ኤስ መꬍንቴዛይ፥ ጋመ ናእታ ፓር ቦንቾኮ ኮኦዳይስ ኡንትስ አቶትꬅ ኩስተኔ ዋዬር ፎሎ ማቃዳይ ጋርክ ኦꬆዳይስ ኤስ ቤዝዛ።
11 የሱሳኔ Ꮊ ኤ ጌሼዝ አሳይ ኡባይ ፐቲ አዳይ ናእታ። የሱሳ ኡንታን፥ «ታ እሹንꬆ» ግ ጼጎዳይስ ዬላተካዛይ የይሲ። 12 የሱሳ፥
«ታኒ ነ ሱንꬃ ታ እሽታይስ አዋጆዳ፤
ዎያ ጋንጨ ነና የꬃር ጋላቶዳ»
ዬግዛ።[b] 13 ማ ኤ፥ «ታኒ ኤዛል አፋ አማንቶዳ» ዬግዛ። ማካ፥ «ታኔ ጾሲ ታስ እንጌዝ ናእታይር ታ Ꮊይዳ የዛ» ዬግዛ። [c]
14 ይኬ ናእታይ አሾኔ ሱꬂ የዝታ ማቄዝ ግሾስ የሱሳካ ኡ ጋርክ አስ ማቄዛ። ኤ የያ ኡዴዛይ፥ Ꮊይቆል አፋ ዎልቃ የዝ ጻላሄ ፋ Ꮊይቃይር ሻሮዳይሲ። 15 ማ ፋ የዛ ላይꬅ ኡባይድ Ꮊይቆስ ያሻር አይልቲ የዝታ አይለትꬃፕ ዎዞዳይሲ።
16 የሱሳ የኤዛይ አፍራመ ዘረꬅ ማዶዳይሳፕ አትን ኪታንችታ ማዶዳይስ ባያ። [d] 17 አስ ናጋራስ ያርሽንቶዳይስ ጾስ ቲና ማርዛኔ አማንንቴዝ ቄሰ ሀላቃ ማቄዛ። የይ ግሾስ፥ ኤ ኡባ ባዛር ፋ እሽታ ኣዞዳይስ ቤዝዛ። 18 ኤ ፋ ኦማስ ፓጭንት ዋየ ኤኬዝ ግሾስ ፓጭንትዝታ ማዶዳይስ ዳንዳእዛ።
<- እብራወ 1እብራወ 3 ->