1 ይኬ Ꮊይትታ ኣዝዝ ማርክታይ ሻራ ጋርክ ኑ ላንቃይር የዝኮ ኑካ ቶፎ ኡባ ኤልሲ ኑና ማርዛ ናጋራ ኑፕ ሃሲ፥ ኑ አማናይስ ኦማኔ ፎሎ ማቅዝ የሱሳና ብኢ ኑ ቲናይድ የዝ ዎꬃ ዳንዳአር ዎላ ዎጾዳ። 2 ኤዚ ኢታ ባዝ ኡባ ለቂ ፋ ቲናይድ የዝ ኡፋይሳይስ ማዝቃለል ጋርዢ ጾስ ዙፋነ ኡሻቻ በቴዛ። 3 ይኬ ይ አዛለካዛራኔ ዳቡረካዛር ናጋራንችታይፕ ኤዛ ሄሌዝ እጾ ኡባ ጋርዤዝ የሱሳና ቦኦይታ። 4 ይ ናጋራራ ቡትንትታር ሀጋ ሱꬂ ላልንቶድ ጋꬆ እጸካያ። 5 ጾሲ ፋ ናአ ጋርክ ይንታን፥ ዬጊ ዞሬዛና ይ ዶጌዛ። [a]

12 የይ ግሾስ ዶልኤዝ ኩሽታኔ ልቄዝ ይ ቡንቂታ ምንꬆይታ።[b] 13 ሾልዛይ ፓጾድ ጋርከፕ አትን ቡርቃማይ ጋርክ ይ ቶካይስ ሉለ ኦገ ኦꬆይታ።[c]

14 ጌሸትꬅ ባይꬂ አሲ ጾሳ በአዳይስ ዳንዳኦዋ ግሾስ አስ ኡባር ሳሮ የዞይታ፥ ጌሸትꬃር የዞዳይስ ሚንጎይታ። 15 ይንትፕ ኦስካ ጾስ ኣꬎ ኬሄትꬅ ፓጫማይ ጋርክ ናግንቶይታ የይ ጋርከካ አባ ጫሞ ኣፈ ኣፍዝ ጻጶ ይ ጋንጨ ዶላማይ ጋርከኔ ይንትፕ ጋምታ ዋይꬃማይ ጋርክ፥ ቱንሳማይ ጋርክ ይ ጋንጨ የዛማይ ጋርክ ናግንቶይታ። [d] 16 ተንቶትዛኔ ፐቲ ቶኬ ሙስስ ግ ፋ ባይራትꬅ ባይዜዝ ኤሳወ ጋርክ ማቃማይ ጋርክ ናግንቶይታ። [e] 17 ኤሳወ ጉየፕ አንጆ ኤኮዳይስ ኮይንካ አንጆ ካይንቴዛና ይ ኤርዛ፥ ዬኪ አፉጽ ሚንጊ ኮይንካ ደማዳይስ ዳንዳኤካያ፥ ማሮትꬅስካ ዎደ ደንገካያ። [f]

18 ኩሸር አይክንቶዳይስ ዳንዳእንትዛ ኤጽዝ ታማይኮ፥ ሻራይኮ፥ ꬉማይኮ፥ ጎታይኮ፥ ናሳይኮ፥ 19 የ ቱልቱላ ጊርꬃይኮ ዎይ ኦድንትዛ ቃላ ስእንትዛይኮ ይ ሄለካያ፥ ያ ቃላ ስኤዝ አሳይ ሀራ ቃላ ኑስ ጉጅንትፐ ግ ዎሴዛ። [g] 20 «ሀራ አቶዝን ዶአ የ አምባቶ ቦችኮ ሹቻር ሾጭንቲ Ꮊይቆ» ዬግዝ አዛዛይ ዴጼዝ ግሾስ ጋርዦዳይስ ዳንዳኤካያ። [h] 21 ሙሰካ «ታ ያሽትዛ ታ ኩኩርዛ» ጎድ ጋꬆ በንትዝ ባዝ ኡባይ ጋመ ያሽዝ ባዝ። [i]

22 ይንታን ማቅኮ ጽዮነ አምባኮ ኡኬዛ፥ እዛካ ደኦ ጾሳይስ ካታማ ሳሎ የዝ የሩሳላማቶ፥ ይንቲ ፓይዶባ ኪታንችታይኮ ኡኬዛ። 23 ኡ ሱንꬃይ ሳሎ ጻፍንቴዝ፥ ዎሳ ኬꬅስ ባይራ ናአ ማቄዝ አማንዛ አሳይ ሺቆ፥ ኡባይስ ፕርድዝ ጎድ ማቄዛይኮ፥ ፎሎ ደንጌዝ ጌሽ ሸምፕታይኮ ይ ኡኬዛ። 24 ኦሮꬅ ጫቆስ ግዶ ማቄዝ የሱሳኮ፥ አቤላ ሱꬃይፕ ኣꬊ ኦድዝ ዉርጽንቴዝ ሱꬃይኮ ይ ኡኬዛ። [j]

25 የ ኦድዛና ይ ኤካሚ ጋማይ ጋርክ ናግንቶይታ፥ የይትታይ ሳአ አሲ ኦዴዝ ባዝ ስኤካ አቲ ቡተካዝን ኑኒ ሳሎፕ ኦድንቴዝ ባዝ ኤካም እጺ ዋይዚ ቡቶደ?[k] 26 የ ዎደ ኤ ጊርꬃይ ቢታ ኤንእሴዛ፥ Ꮊት ማቅኮ «ታ ሳአ ኣዳ ባዝን ፐቲ ቶኬ ማሂ ሳሎካ ኤንእሶዳ» ዬጊ ቃላ ገሌዛ። [l] 27 ሀኖ ዝን ፐቲ ቶኬ ታ ማሂ ግዛይ ኤንኦዋ ባዝታይ ጻጲ የዞዳይ ጋርክ ኤንእዛ ባዝታይ መꬍንቴዝ ባዝ ማቄዛይስ ꬋቦዳና ቤዝዛ። 28 ይኬ ኑኒ ኤንኦዋ ካተትꬅ ኤኮድ ግሾስ ጾሳ ቦንችታራኔ ያሻር ጾሳ ኡፋይስታር ጎይንዛ አያና ዎላ አይኮዳ። 29 ኑ ጾሳይ ጹግዝ ታማ። [m]

<- እብራወ 11እብራወ 13 ->