1 Ꮊይፕ ቲና ይ፥ ይ ናጋራይራኔ ይ ቆሀይር Ꮊይቄዝታ። [a] 2 የ ዎደ ይ Ꮊ አላማይ ኢታ ኦጋ ካሌዛ። ጫርኮል አፋ የዝ ዎልቂታይ ሀላቃይስኔ Ꮊተካ ጾሳይስ አዛዝንቶዋ ናእታይር ኦꬅዝ አያናስ ይ አዛዝንቴዛ። 3 ኑ ኡባይካ ቲና የ አስታይ ጋንጨ ኑ አሾ አሞኔ ኑ ዎዝና ሸነ ካሊ የዜዛ። ኑንካ Ꮊንክታይ ጋርክ ኑ መትꬃር ፕርዳ ኤኮዳይስ የዜዝታ።

4 ዝን ጾሳ ግታ ማሮትꬃይፐኔ ኑስ የዝ ኤ ግታ ሲቃይፕ ደንዴዛይድ፥ 5 ሀራ አቶዝን ኑኒ ኑ ቆሆፕ ደንዴዛይድ Ꮊይቂ የዝን ክርስቶሳ ባጋር ኑስ ደኦ እንጌዛ። ጾስ ኣꬎ ኬሃትꬃይር ይንትካ አቴዛ። 6 ጾሲ ኑና ክርስቶሳ የሱሳር ፐትፕ Ꮊይቆፕ ደንꬂ ሳሎ ኤዛር ዎላ ጋዴዛ። 7 ኤ የያ ኦꬄዛይ፥ ክርስቶሳ የሱሳ ባጋር ኑስ ቆንጭሴዝ ፋ ኬሄትꬅኔ ዛዋ ባ ፋ ኣꬎ ኬሄትꬅ ዱረትꬃ የኦድ ላይꬅታይድ ኑና ቤሳዳይስ የያ ኦꬄዛ። 8 ይ ፓጼዛይ አማኖ ባጋር ኤ ኣꬎ ኬሃትꬃይራ። የይካ፥ ጾስ እሞታፕ አትን ይ ኦሶር በንተካያ። 9 ኦንካ ጬቅንታማይ ጋርክ ፓጾትꬅ ኣꬎ ኬሃትꬃይ በንቴዛይ አስ ኦሶር ባያ። 10 ጾሲ ኑስ ቲናቲ ጊግሲ ጋዴዝ ሎኦ ኦስታ ኦꬆዳይ ጋርከኔ ኤዛይር የሳዳይስ ክርስቶስ የሱሳ ባጋር ማቂ መꬍንቴዝ ጾስ መትꬅታ፤

11 የይ ግሾስ፥ ይንታኖ ስሳ ይ የልንቶ አይሁደ ባዝታዮ፥ አይሁድታይ ፋና አስ ኩሸር ዶካልንቴዝታ ግ ጋይርታር፥ ይንታን ማ ዶካልንተካዝታ ግ ቦርዛና አካኮይታ። 12 የ ዎደ ይ ክርስቶሳፕ ሻክንቲ የዜዛና፥ እስሬለ አሳይስ አላጋ ማቂ የዜዛና፥ ጾስ ቃላ ጫቃይስ ሃኪ የዜዛኔ Ꮊ አላመል ኡፋይስኔ ጾሲ ባይꬅ የዜዛና አካኮይታ። 13 ዝን ይ ቲና ሃኪ የዜዝታይ፥ Ꮊት ክርስቶሳ የሱሳር የዝ ኤ ሱꬃይ ባጋር ጾስኮ ኡኬዛ።

14 ናምኤ ሻኪ ጋዴዝ ሞርከትꬅ ጋባራ ፋ አሻይር ላሊ አይሁደኔ አይሁደ ባ አሳ ትሚ ፐቶ ኡዴዛይ ክርስቶሳ ሳሮትꬃ። 15 ኤ ፓር Ꮊ ናምኢ ዛርታይፕ ፐቲ ኦሮꬅ አስ መꬎዳይስ፥ ህገ አዛዛኔ ዎግታ ፐትፕ ፋ አሻይር ꬋብሲ ሳሮትꬅ እንጌዛ። [b] 16 ክርስቶሳ ማዝቃለል አፋ Ꮊይቂ ሞርክንቶ ꬋብሴዛ፤ ማ ናምኢ ኮችታ ፐቲ አሾ ኡዲ ጾሳር እግንꬄዛ።[c] 17 ክርስቶሳ ይኢ፥ ጾሳፕ ሃኪ የዝ ይንትስ፥ ማ ኡኪ የዝ ኡንትስ ሳሮትꬅ ዎንግለ ኦዴዛ። [d] 18 ኑ ኡባይ ኤ ባጋር ፐቲ አያናር አዳይ ቲና ሺቆዳይስ ዳንዳኤዛ።

19 Ꮊይፐ ይ አላጋ ዎይ እማꬅታ ባያ፥ ዝን ይ Ꮊት ጌሽታይር ጋደ አስኔ ጾስስ ካራ አስታ። 20 ይንቲ ሀዋርታይኔ ናብታይ ባሴዝ ባሳይል አፋ ኬጽንቴዛ። ኬꬃ ሙመር ቶኪ አይኬዝ ክርክሮ ጋርክ ሹቻይ ክርስቶሳ የሱሳ። 21 ኤዛል ኬꬅ ኡባይ ፐትፕ አይክንቲ ጎዳይል ጌሻ ጾስ ካራ ማቆዳይስ ድጭዛ። 22 ይ ማ ጾሲ ፋ አያናር የዝዛ ኬꬅ ማቆዳይስ ክርስቶሳር ፐትፕ ኬጽንትዛ።

<- ኤፍሶን 1ኤፍሶን 3 ->