1 ይኬ፥ ይ ክርስቶሳር Ꮊይቆፕ ደንዴዛይ ጋርክ፥ ጾሳይፕ ኡሻች ባጋ በቴዝ ክርስቶሳ የዝ አቆ፥ ሳሎ የዛባዝታ ኮዮይታ። [a] 2 ሳሎ የዝታይል አፋ ይ ቆፋ ጋዶይታፕ አትን ሳአ የዝባዝታይል አፋ ጋድፓተ። 3 Ꮊይቆር ሻግንትዛይ ጋርክ ይ Ꮊ አላመ ኢታ ሀኖፕ ሻክንቴዛ። ይ ደአይ ክርስቶሳር ዎላ ጾስ ጋንጨ ቆስንቴዛ። 4 ይንትስ ደኦ ማቄዝ ክርስቶሳ ቆንጭዝ ዎደ የ ዎደ ይንትካ ኤዛር ቦንቾር ቆንጮዳ።

5 የይ ግሾስ፥ ይንታል የዝ Ꮊ ሳአ አሾ ቆፍታ ዎꬎይታ። የይትታይካ ላግተ፥ ቱናትꬂ፥ ላግተስ ተንትቶ፥ ኤቃስ ጎይኖ ጋርከ ማቄዝ አሞትꬂ። 6 የይፕ ደንዴዛይድ ጾስ ካቻይ አዛዝንቶዋ አሳይል አፋ የኦዳ። 7 ይንትካ ቲና የ ኢታ ኦጋይር የꬍታር Ꮊይትታ ኦꬄዛ።

8 Ꮊት ማቅኮ ይ የይትታ ኦꬅፓተ። የይትታይክ ካቺ፥ ይሎ፥ ገነኔ ቦርሶ ናሻ ይንትፕ ሃሶይታ። 9 ጬጋ ሀኖትꬃ ኤ ኦሳይር ይንትፕ ቃሬዝ ግሾስ ዎልስ ዎርዶትፓተ። [b] 10 መꬊዛያ ኣዝዝ፥ ኤረትꬃር ላምንቴዝ ኦሮꬅ ሀኖትታ ማኦይታ። [c] 11 Ꮊ ኦሮꬅ መትꬃይር፥ ግርኬ አስ ዎይ አይሁደ አስ፥ ዶካልንቴዛይ ዎይ ዶካልንተካዛይ፥ ታማሬዝ አስ ዎይ ታማረካ አስ [d] አይለ ዎይ ጎዲ ባያ። ክርስቶሳ ኡባ፤ ኤ ኡባይዳካ የዛ።

12 የይ ግሾስ፥ ጾሲ ማራጼዝ አስ ጋርክ ገሸትꬃር ዶስንቴዝታ ማቂ፥ ማሮትꬅ፥ ቃ፥ አሽከትꬅ፥ ሃዮትꬅ ኬሃትꬅኔ ዳንዳአ ማኦይታ። [e] 13 ዎል ዳንዳኦይታ። ኦንካ ፋ ላጋይፕ ቆህንቴዝ ባዝ ዬዝኮ ኤስ አቶ ጎይታ። ጎዳይ ይንትስ አቶ ጌዛይ ጋርክ ይንትካ ዎልስ አቶ አቶ ጎይታ። [f] 14 የ ኡባይል አፋር ኡባ ባዝ ዎላል ሺሺ አጭዝ ሲቆ ማኦይታ። 15 ጾሲ ይንታን ፐቲ አስ ኡዲ ጼጌዛይ፥ ሳሮተꬅስ ማቄዝ ግሾስ ክርስቶሳ ሳሮትꬃይ ይ ዎዝና ሃሮ። ጋላታር ኩሜዝታ ማቆይታ።

16 ክርስቶሳ ቃላይ ይ ዎዝናይድ ኩሚ የዞ። ኤጨትꬅ ኡባር ዎል ታማርሶይታኔ ዞሮይታ። ማዝሙረር፥ ሳባራኔ አያና የꬃር ጾሳ ዎዝናፕ ጋላትታር የጾይታ። [g] 17 ጾስ አዳ የሱሳ ባጋር ጋላትታር ይ ኦድንትዛ ዎይ ኦꬅዛ ባዝ ኡባ ጎዳ የሱሳ ሱንꬃይር ኦꬆይታ።

18 ማችታዮ፥ ጎዳይ ቲና ቤዝዛ ባዝ ማቄዝ ግሾስ ይ አዝንታይስ አዛዝንቶይታ። [h]

19 አዝንታዮ፥ ይ ማችታ ዶሶይታ፤ ኡንትስ ኢትፓተ። [i]

20 ናእታዮ፥ ይንታን የሌዝታይስ ኡባ ባዛር አዛዝንቶይታ፤ የይ ጎዳ ኡፋይስዛባዚ። [j]

21 የሌዝታዮ፥ ይ ናእታይ ኡፋይስ ጋቻማይ ጋርክ ኡንታን ይሎስፓተ። [k]

22 አይልታዮ፥ ሳአል አፋ ይንትስ ጎድ ማቄዝታይስ ኡባ ባዛር አዛዝንቶይታ። ጎዳ ቦንችታር ሉለ ዎዝናፕ ኪትንቲ ኡንታን ኡፋይሶይታፕ አትን አሲ ቦኦ ግ ኦꬅፓተ።[l] 23 ይ ኦꬅዛ ኦሶ ኡባ አስስ ባዝን ጎዳይስ ኦꬅዛይ ጋርክ ዎዝናፕ ኦꬆይታ። 24 ጎዳይፕ ሳሎ ቢታ ዎይቶ ኡዲ ናጎዳና ኤሮይታ፤ ይ ጎዳ ክርስቶሳስ ኦꬅዛ። 25 ጾሲ አስ ኣፈ ዞቆ ብኢ ፕርዶዋ ግሾስ ኦንካ ኢታ ኦሶ ኦꬅኮ ፋ ኢታ ኦሳይ ግሾስ ማህꬅ ኤኮዳ። [m]

<- ቆላስያሳ 2ቆላስያሳ 4 ->