ጵጽሮሳ ጻፌዛይ ናምእንꬆ ኪታ

ገሎ

ሀዋረ ጵጽሮሳ ጻፌዝ ናምእንꬆ ኪታይ ጻፍንቴዛይ፥ ዱማ ዱማ አቆ የዝ ብኒ አማንዛ አሳይሲ። Ꮊ ኪታይስ ኣፈ ቆፋይ፥ ዎርዶ አስታማርታይ ኢታ ኦሶኔ ኡ ትምርታይፕ ደንዴዛይድ መꬍንቴዝ ዬላꬅዛ የሳ እጾዳይ ጋርከሲ። የ መꬍንቴዝ መትታ ካዮዳይስ ኦገ ማቆዳይስ፥ የሱሳና ፋ ኣፈር በኤዝ አሳይኔ ኤ ታማርስዛ ዎደ ፋ ሀያይር ስኤዝ አስታይ ታማርሴዝ ትምርታይ ባጋር ጾስ ባዝኔ ጎዳ የሱስ ክርስቶሳ ባጋ አማንꬅዛ ኤራትꬅ ደሞ። ጻፋይ ሚንꬂ ኦዴዛይ፥ «ክርስቶሳ ናምእንꬆ የኦያ» ዬግዝ ዎርዶ ትምርታይ ባጋ። የ ቆፋ ሚንꬂ ኦድታር፥ «ክርስቶሳ ማቂ የኤካ ጋምኤዛይ፥ አስ ኡባይ ፋ ናጋራይፕ ማቆዳይ ጋርከፕ አትን ኦንካ ꬋቦድ ጋርክ ኮዮዋ ግሾሲ» ዬግዛ።

2 ጵጽሮሳ ኪታይ አይኬዝ ቆፍታ

ሳሮꬆ 1:1-2

ክርስታንታይ ጼግንትꬅ 1:3-21

ዎርዶ አስታማርታ 2:1-22

ክርስቶሳ ናምእንꬆ ይእꬃ 3:1-18

3 ፋ ቦንቾራኔ ሃዮትꬃር ኑና ጼጌዝ ኤዛ ኤሮር ደኦስኔ ጾስ ኡፋይስዛ የስ የዞዳይስ ኮሽዛ ባዝ ኡባ ጾሲ ፋ ዎልቃር ኑስ እንጌዛ። 4 ኤ ቦንቻይዳኔ ኤ ኬሃትꬃይድ ቦንቾ ጋተ የዝ ኡባፕ ግታ ማቄዝ ኡፋይስ ደንጌዛ፥ Ꮊይትታይባጋር ይ ኢታ አሞፕ ደንዴዝ Ꮊ አላመል የዝ ꬋቦፕ ቡቲ ጾሳትꬅ ሀና ሻክንቴዛ። 5 የይፕ ካሊ የዝታይ ይንትስ ጉጅንቶዳይ ጋርክ ሚንጎይታ፥ ይ አማናይል አፋ ሎኦትꬅ፥ ሎኦትꬃል አፋ ኤራትꬂ፥ 6 ኤረትꬃል አፋ ፋና ሞዶ፥ ፋና ሞድꬃል አፋ ጋርዦ፥ ጋርዦል አፋ ጾስ ኡፋይስዛ የሲ፥ 7 ጾስ ኡፋይስዛ የሳል አፋ እሸትꬅ ቃ፥ እሸትꬅ ቃꬌል አፋ ሲቆ ጉጆይታ። 8 የይትታይ ይንትስ ጋንጊ የዛ ባዝ ማቅኮ፥ ጎዳ የሱስ ክርስቶሳ ኤሮር ማድዛ አስኔ ኣፈ ኣፍዝ አስ ይንታን ኡዶዳ። 9 ዝን የይትታይ ባ ኦንካ ካንታ የዛ ባዝ ኣዳ ብእዝ ቶአ። ኤ ፋ ቲና ናጋራይፕ ጌዤዛና ዶጌዛ።

10 የይ ግሾስ፥ ታ እሹንꬆ፥ ይ ጼሳነ ይ ዶርንታ ምንꬆዳይስ ካሴሳይፕ ኣꬂ ሚንጎይታ። ይ የይትታ ኦꬅዛባዝ ማቅኮ፥ ꬉብንታሚ። 11 ኤዛይድ ኑ ጎዳነ ኑና አሽዛ የሱስ ክርስቶሳ መꬍና ካተትꬃ ገልዛ ኩንꬃር ይንትስ እንግንቶዳ።

12 የይ ግሾስ፥ ይ Ꮊይትታ ኤርዛ ባዝኔ ይ አይኬዝ ቱማይድ ሚንጊ የዛ ባዝ ማቅኮካ፥ ታኒ Ꮊይትታ ኡባ ዎደ ይንታን ቆፍሶ አሻሚ። 13 ታኒ ሸምፖር የዜዝ ዎደ ኡባይድ ይንታን ቆፕሶዳይ ቤዝዛ ባዝ ግ ታ ቆፕዛ። 14 ኑ ጎዳ የሱስ ክርስቶሳ ታስ ቆንጭሴዛይ ጋርክ ታኒ Ꮊ Ꮊይቅዝ አሻ ጋመኤካዛር ቃሪ ኦሊ Ꮊማዳና ኤርዛ። 15 ታኒ Ꮊት ቡትንትዛይ ታ ይንትፕ Ꮊይቂ ሻግንትኮካ ይ Ꮊይትታ ኡባ ዎደ አካኮድ ጋርክ ታስ ዳንዳእንቴዝባዝ ኡባ ኡዶዳ።

16 ኑኒ ጎዳ ክርስቶሳ ዎልቃኔ ኤ ይእꬅ ባጋ ይንትስ ኦዴዛይ፥ ኤ ግታ ዴታ ኑ ኣፈር ብእፕ አትን መꬊ ከሴዝ ቶሰ ባያ። 17 «ታኒ ኡፋይትዛ፥ ታ ዶስዛ ናአ Ꮊያ» ዬግዝ ቃላይ ዎልቃማ ቦንቻይፕ የኤዝ ዎደ ጾስ አዳይፕ ቦንቾኔ ጋላታ ኤኬዛ። [a] 18 ኑኒ ኤዛር ዎላ ጌሽ አምባል የዛር የ ቃላ ጊርꬅ ሳሎፕ የኦዳር ስኤዛ።

19 ኑስ የይፕ ኣꬊዝ አማንንቴዝ ትንቢተ ቃላ የዛ። ሳአ ዎንቶድ ጋꬆኔ ባካላ ጾልንቶ ይ ዎዝናይድ ዶሎድ ጋꬆስ፥ ꬉማ ጋንጨ ፖእዛ ፖአይስ ናግንትዛይ ጋርክ፥ ይ የ ቃላ ናግኮ ሎኦ ኡድዛ። 20 ኡባፕ ቲናቲ Ꮊያ ኤሮይታ። ጌሻ ማጻፋይድ ጻፍንቴዝ ትንቢተ ቃላ ኦንካ ፋ ዶሴዛይ ጋርክ ብሎዳይስ ዳንዳኦያ። 21 ትንቢተ ኡባይ የሻ አስ ሸነር ኦድንተካያ። ዝን ትንቢተ ጌሻ አያናይ ካልꬅዝ አሳይ ጾሲ ኪቴዝ አስታይ፥ ኦዴዛይፕ አትን።

2ጵጽሮሳ 2 ->