ዋንሳ ጻፌዝ ናምእንꬆ ኪታ
ገሎ
ዋንሳ ጻፌዝ ናምእንꬆ ኪታ፥ የሱሳ ሀዋረ ማቄዝ ጭማይ፥ ዋንሳ ጻፌዛ። ጻፍንቴዛይካ ማራጽንቴዝ ጎዳታትስነ እ ናእታይስ። ኦኒ ኤሬ፥ የይካ ፐቲ ዎሳ ኬꬃትስኔ እዘ ጎይንዛ አሳይስ ማቀካ አታሚ። Ꮊ ቃንꬅ ኪታይ ጻፍንቴዛይ፥ ኡንቲ ዎል ሲቅንቶድ ጋርክ አካክሶዳይስኔ ዎርዶ አስታማርታይፐኔ ኡ ትምርታይፕ ናግንቶዳይ ጋርክ ቆፍሶዳይስ።
2 ዋንሳ ኪታይ አይኬዝ ቆፍታ
ሳሮꬆ 1-3
ሲቆ ኡባይፕ ኣꬎ 4-6
ዎርዶ ትምርታይፕ ናግንቶ 7-11
ኩስተ ቆፋ 12-13

1 ታ ጭማይ ማራጽንቴዝ ጎዳታትስኔ እ ናእታይስ ኪቴዝ ኪታ። ታ ኣዳ ባዝን ቱማ ኤርዝታይ ኡባይ ይንታን ዶስዛ። 2 Ꮊ ቱማይ ኑር የዛ ግሾኔ ቲናስ መꬍናስካ ኑር የዞዳይ ግሾስ ታኒ ይንታን ቱሮ ዶስዛ።

3 ጾስ አዳይፕ ኤ ናአ የሱስ ክርስቶሳፕ ኣꬎ ኬሃትꬃይ፥ ማሮትꬃይኔ ሳሮትꬃይ ቱማራኔ ሲቆር ዎላ ኑር ማቆ።

ቱማባጋኔ ሲቆ ባጋ

4 አዳይ ኑና አዛዜዛይ ጋርክ፥ ነ ናእታይፕ ፐታይ ፐታይ፥ ቱማር ሚንጊ ኤቄዛና ብኢ ታኒ ሎእꬅ ኡፋይቴዛ። 5 ጎዳቴ፥ Ꮊተካ ኑኒ ኡባይ ፐታይ ፐታ ሲቆዳይ ጋርክ ታኒ ነና ዎስዛ። Ꮊ አዛዛይ ቲናፕ ኑር የዛ አዛዞፕ አትን ታኒ ኔስ ጻፍዛይ ኦሮꬅ አዛዞ ባያ። [a] 6 ቱማ ሲቃይ ኑኒ ጾስ አዛዛ ፎሎ። ማ ቲናፕ ይ ስኤዛይ ጋርክ ኤ አዛዛይ፥ ይ ኡባይ ሲቆር የዞዳይ ጋርከስ።

7 የሱስ ክርስቶሳ አስ ማቂ የኤዛና አማኖዋ፥ ባለꬅዛ ጋመ አስታይ፥ አላመል ደንዴዛ። የይ ጋርክ አስ ኦንካ ባለꬅዛያኔ ክርስቶሳ ሞርከ። 8 ይ ኦꬄዝ ኩንꬅ ዎይታ ኤኮዳይስ ሚንጎይታ። ይ ኦꬄዛይ ꬋባማይ ጋርክ ናግንቶይታ።

9 ክርስቶሳ ትምርታይድ ሚንጊ ኤቆዛይራኔ ኤ ትምርታይፕ ሃክታር Ꮊንግዛ አꬃይር ጾሲ ባያ። ክርስቶሳ ትምርታይድ ሚንጊ ኤቄዛይር አዳይኔ ናአይ የዛ። 10 ኦንካ ይንትኮ ይእታር Ꮊ ትምርታ ኤከካ ይእኮ፥ ይ ካራ ገልስፓተ፤ ሳሮካ ጊፓተ። 11 ኤዛ ሳሮ ግዝ ኦንካ ኤ ኢታ ኦሳይድ ኤዛር ሻክንትዛ።

ዉርስꬅ ሳሮꬅ

12 ታኒ ይንትስ ጻፎዳይስ ኮዬዝ ጋመ ባዝ የዛ፥ ዝን ዎርቃተር ጻፎዳይስ ኮዮያ። ኑ ኡፋይሳይ ፖልንቶዳይ ጋርክ ይንታር ዎል ሄሊ ኦድንቶዳይስ ይንትኮ Ꮊንጎዳ ግ ቆፕዛ።

13 ጾሲ ዶሬዝ ነ ምሽቲ ናእታይ ነና ሳሮ ዬግዛ።