1 ኑ እሹንꬆ፥ ጾሳይ ማቃዶና የዝ ዎሳ ኬꬅታይስ እንጌዝ ኣꬎ ኬሃትꬃ ይ ኤሮዳይ ጋርክ ኑ ኮይዛ። [a] 2 ኡንቲ ኢታ መቶር ፓጭንቴዛ፥ ዝን ኡ ኡፋይሳይ ዎልቃማ። ኡ ማንቆትꬃይስ ዛዋ ባያ፥ ዝን ኡ ፋ እሞ ዱረትꬃ ጋንꬄዛ። 3 ኡንቲ ፋ ዎልቃይ ጋርከኔ ፋ ዎልቃይፕ ኣꬅ ቃꬊ እንጌዛይስ ታ ማርካ። 4 ኡንቲ ጾስ አሳይ ማድዛ ሎኦ ኦሶ ኑራ ኦꬆዳይስ ኮዪ ኑና ሚንꬂ ዎሴዛ። 5 ኡንቲ ኑ ቆፔዛይፕ ኣꬂ ኦꬄዛ። ቲናቲ ጾስ ሸነ ጋርክ ኡ ፋና ጎዳይስ እንጌዛ፤ ማ የይፕ፥ ፋና ኑስካ እንጌዛ።

6 Ꮊ ሎኦ ኦሳ ቲናቲ አይኬዛይ ትቶ ማቄዝ ግሾስ Ꮊተካ የ ኦꬆዳይድ ይንታን ማዲ፥ የ ኦሳ ፖልሶዳይ ጋርክ ኤዛ ኑ ዎሴዛ። 7 ዝን ይ ኡባ ባዛር፥ አማኖር፥ ኦዳር፥ ኤረትꬃር፥ አዛላ ባይꬅ፥ ኑና ሲቆራኔ ኡባ ባዛር ይ ኣꬍዛይ ጋርክ Ꮊ ሎኦ ኦሳይዳካ ይ ኬሃ ማቆዳይ ጋርክ ኑ ኮይዛ።

8 ታኒ የያ ይንታን አዛዞዳይስ ጎያ። ዝን Ꮊንክታይ አዛላ ባይꬅ እንግዛና ይ ሲቃይር ሄልꬂ ብኢ ይ አብ ጋርክ ቱማዛኮ ኤሮዳይስ ታ ግዛ። 9 ይ ኑ ጎዳ የሱስ ክርስቶሳ ኣꬎ ኬሄትꬃ ኤርዛ። ክርስቶሳ ዱረዛር፥ ይ ኤ ማንቆትꬃይር ዱርቶዳይ ጋርክ ይ ግሾስ ማንቄዛ።

10 ታኒ Ꮊ ኦዳይድ ይንታን ማድዛ ዞረ ዞሮዳይስ ኮይዛ። ይ ዝቅነበረ እንጎዳይስ ኣዳ ባዝን የያ ኦꬆዳይስ ይ ቲና አሞቴዛ። 11 ይ ኦꬆዳይስ አይኬዝ ኦሳ Ꮊት ፖሎይታ። ይ ይንትስ የዛይ ጋርክ እንግኮ፥ የይ ይ እንጎዳይስ ጋመ አሞትዛና ቤዝዛ። 12 ፐቲ አስ እንጎዳይስ አሞትኮ፥ ኤ እማይ ጾስ ቲና ኤክንትዛይ፥ ኤ ፓስ የዛይ ጋርክ እንግኮፕ አትን ባዛይፕ እንጎዳይስ ኡንእንትን ባያ።

13 ታኒ የያ ግዛይ፥ ይ ኡባይ ፐቲ ቃራ ማቆዳይ ጋርከፕ አትን Ꮊንክታይ ጋመ ዋያይፕ ሸምፕን ይ ዋይንቶዳ ጋርከስ ባያ። 14 ይ መትንቴዝ ዎደ ኡ ፑጫይ ይ ፓጫ ኩንꬆዳይ ጋርክ Ꮊት ይ ፑጫይ ኡ ፓጫ ኩንꬆ። ኤዛይድ ይ ፐቲ ቃራ ማቆዳ። 15 ጌሻ ማጻፋይድ፥ «ጋመ ሺሼዛይስ ፑጨካያ፤ ጽቃ ሺሼዛይስካ ፓጨካያ» ግንትንቲ ጻፍንቴዛይ ጋርክ። [b]

16 ኑ ይንትስ ቆፕዛይ ጋርክ ትቶካ ይንትስ ቆፖድ ጋርክ ኦꬄዝ ጾሳይ ጋላትንቶ። 17 ትቶ ይንትኮ Ꮊንጌዛይ፥ ኑ ኤዛ ደንꬅꬄዝ ግሾስ ባዝን ኤ ፋ ሸነር Ꮊንጎዳይስ አሞቴዝ ግሾስ። 18 ዎንግለ ማርካትꬃር ዎሳ ኬꬅ ኡባይድ ሎእꬂ ኤርንቴዝ እሻ፥ ኑኒ ትቶራ ፐትፕ ኪቶዳ። 19 የይል አፋ ኑኒ Ꮊ ኬሃ እማ ካንጎዳር ኤ ኑራ Ꮊማዳይ ጋርክ Ꮊ ሎኦ ኦሳይድ ጎዳ ቦንቾዳይስኔ Ꮊንክታ ማዶዳይስ የዝ አማ ቤዞዳይስ ዎሳ ኬꬃ ኤ ዶርንቴዛ።

20 Ꮊ እንግንቴዝ ኬሃ እማ፥ ኑ ኦሶል አፋ ፔሽታር ቦርንታማይ ጋርክ ናግንቶዳ። 21 ኑኒ ጎዳይ ቲና ኣዳ ባዝን አስ ቲናካ ሎኦ ማቄዝ ባዝ ኦꬆዳ።[c]

22 ማ ጋመ ዎደ ፓጭንቲ ምኖ ማቂ በንቴዝ ኑ እሻ፥ ኡንታራ ይንትኮ ኪቴዛ። ኤ ይንታል ሎእꬅ አማንንትዛ ግሾስ Ꮊት ይንታን ማዶዳይስ ጋመ አሞትዛ። 23 ትቶ ባጋ ኤሮዳይስ ኮይኮ፥ ኤ ይንታን ማዶዳይስ ታራ ኦꬅዝ ታ ኦሶ ዣመ። Ꮊንኮ እሽታይ ባጋ ማቅኮ ዎሳ ኬꬅታይ ኪቴዝታ፤ ማ አሳይ ኡ የሳ ብኢ ክርስቶሳና ቦንችዛ። 24 የይ ግሾስ፥ ዎሳ ኬꬅታይ ይ ሲቃኔ ኑ ይንታን ናሽዛይ ቱማ ማቄዛና ቆንጭሶዳይስ ይ ሲቆ Ꮊ አስታ ቤዞይታ።

<- 2ቆሮንቶሳ 72ቆሮንቶሳ 9 ->