ጳዉሎሳ ቆሮንቶሳ አሳይስ ጻፌዝ ናምእንꬆ ኪታ

ገሎ

ጳዉሎሳ ቆሮንቶሳ አሳይስ ጻፌዝ ናምእንꬆ ኪታይ ጻፍንቴዛይ፥ ኤስ ቆሮንቶሳ ዎሳ ኬꬃራ የዝ ዛታይ ኢታ መቶ ጋንጨ ገሊ የዝ ዎደ። ፐቲ ፐቲ ዎሳ ኬꬅ አስታይ ጳዉሎሳና ኢታ ቦሮ ቦርኮካ ጳዉሎሳ ዳቦትꬅ መꬎዳይስ ኤስ አሞ የዛና ቤዝዛ። የይ ሀኖዳር ዳማ ኡፋይስ ኡፋይቶዳይስ ዳንዳእዛያ ቤዝዛ።

ጳዉሎሳ ፋ ኪታይ ቲና ክፍላይድ፥ ቆሮንቶሳ ዎሳ ኬꬃራ ኤስ የዝ ፐትፐተꬅ ቤዚ፥ ዎሳ ኬꬃ መꬍንቴዝ ቦሮስኔ እጾስ አብስ ምኖ ማህꬅ እንጌዛኮ ኦድዛ። የይራ ሄልꬂ ኤ ሴራይ ኡንታን ናጋራፕ ማሂ ዳቦꬆስ ሄልꬄዝ ግሾስ ኤ ኡፋይቴዝ ኡፋሳና ኡንትስ ቤዝዛ። ካልካ፥ ይሁዳ የዝ አማንዛ አሳይ ማዶዳይስ ፓስ የዛ ባዛፕ ጨረ እንጎዳይ ጋርክ ሀሳይስዛ። ዉርስꬅ ሸምፕታይድ ጳዉሎሳ ፋ ሀዋረትꬃይል አፋ ደንዴዝ ሞታይስ ማህꬅ እንግዛ። የይካ፥ ቆሮንቶሳ ዎሳ ኬꬃ የዝ ፐቲ ፐቲ አስታይ ፋና፥ «ቱማ ሀዋረ» ኡዲ፥ «ጳዉሎሳና ዎርዶ ሀዋረ» ኡዲ ሞትዛ።

2 ቆሮንቶሳ ኪታይ አይኬዝ ቆፍታ

ገሎ 1:1-11

ጳዉሎሳኔ ቆሮንቶሳ ዎሳ ኬꬃ 1:12—7:16

ይሁዳ የዝ አማንዛ አሳይ ታምኤ 8:1—9:15

ጳዉሎሳ ፋ ሀዋረትꬅስ እንጌዝ ማህꬅ 10:1—13:10

ኩስተ ቆፋ 13:11-14

ቆሮንቶሳ የዝ ጾስ ዎሳ ኬꬅስኔ አካያ ቢታ የዝ ጾስ አሳይር ፐትፕ ጾስ አስ ማቄዝታይስ ጻፌዝ ኪታ። [a]

2 ጾስ ኑ አዳይፐኔ ጎዳ የሱስ ክርስቶሳፕ፥ ኣꬎ ኬሃተꬅኔ ሳሮትꬅ ይንትስ ማቆ።

3 ማሮትꬅ አዳይስ፥ ኡባ ዎደ ኑና ሚንꬄꬅዛ ጾሳይስ፥ ኑ ጎዳ የሱስ ክርስቶሳ አዳይስ ጋላታ ማቆ። 4 ጾሳይ ኑስ እንጌዝ ምንꬃꬆር፥ መቶር የዝታ ኑ ምንꬃꬆዳይ ጋርክ ጾሳይ ኑና ኑ መቶ ኡባይድ ምንꬃꬅዛ። 5 ክርስቶሳ ጋመ ዋያይ ኑል ጋንጌዛይ ጋርክ ማ ክርስቶሳ ባጋር ኤ ምንꬃꬃይ ጋንጎዳ። 6 ኑኒ ዋይንትኮ የይ ይንታን ምንꬃꬆዳይስኔ ይንታን አሾዳይሲ። ማ ኑኒ ምንግኮ ኑኒ ዋያይድ ጋርዤዛይ ጋርክ ይንትካ ጋርዢ፥ ጾሳይ ይንትስ እንግዛ ምንꬃꬆር ምንጎዳ። 7 ይ ኑ ኤኬዝ መታይ ጋርክ ኤኪ፥ ኑ ምንꬃꬃ ሻክንቶዳና ኑ ኤርዛ ግሾስ ኑ ይንታል ጋዴዝ ኡፋይሳይ ምኖ።

8 ኑ እሹንꬆ፥ ኢሳ ቢታ ኑና ሄሌዝ መታ ይ ኤሮዳይ ጋርክ ኑ ኮይዛ። የ ኑና ሄሌዝ መታይ ኑ ዎልቃይፕ አꬊን፥ ሸምፖር አቶድባዝካ ኑስ ኤርንተካዝን። [b] 9 ኑኒ ኑል አፋ Ꮊይቆ ፕርዳ ፕርድንቴዛይ ጋርክ ቆፔዛ። ዝን ኑኒ ኑ ኦማስ ባዝን፥ Ꮊይቄዝታ ደንꬅዛ ጾሳይል አማንንቶዳይ ጋርክ የይ ሀኔዛ። 10 ጾሳይ የይ ጋርክ ኢታ Ꮊይቆፕ ኑና አሼዛ፤ Ꮊተካ አሽዛ፤ ቲናፐካ ኤ ኑና አሾዳ ግ ኤዛል ኡፋይስ ጋድዛ። 11 ዎሳር ኑና ማዶይታ። ጋመ አሳይ ዎሳፕ ደንዴዛይድ ጾስ እሞታ ኑ ደንግዛ ዎደ ጋመ አሳይ ኑ ግሾስ ጾሳ ጋላትዛ።

12 ኑ ጬቃይ Ꮊያ። ኑኒ Ꮊ አላመል የዜዝ የሳይድ ኡባራካ ይንታር የዜዝ የሳይድ ጾሳፕ ማቄዝ ጽሎትꬃራኔ ሉለትꬃር ይንታር የዜዛና ኑ ካሃይ ማርካትዛ። የይካ፥ Ꮊ አላመ ኤጨትꬃር ባዝን ጾስ ኣꬎ ኬሃትꬃይ ጋርከ። 13 ኑ ይንትስ ጻፌዝ ዳብዳበ ይ ናባቦዳይስኔ አካኮዳይስ ዳንዳኦዋ ባዝ ኑ ይንትስ ጻፓሚ። ይ ኤዛ አካኮዳይስ ዳንዳእዛያ ታ አማንዛ። 14 Ꮊት ይ ኑና ዉርሲ ኤሮያ፥ ዝን ቲናፕ ዉርሲ ኤሮዳያ ታ አማንንትዛ። ኑ ጎዳ የሱሳ ማቅዛ ዎደ ኑ ይንታል ጬቅንትዛይ ጋርክ ይንትካ ኑል ጬቅንቶዳ።

15 የያ ታኒ ሎእꬅ ኤሬዝ ግሾስ ይ ናምእንꬆ ማድንቶዳይ ጋርክ ይንትኮ Ꮊንጎዳይስ ቆፋ አጬዛ። 16 ታኒ ማቃዶና Ꮊንግታራኔ ኤዛይፕ ማቅታር ይንታን በአዳ። ታኒ ኤዛይፕ ይሁዳ Ꮊንጎዳር ይ ታና ታ ኦጋይድ ማዶዳ ግ ቆፔዛ። [c] 17 ታኒ የያ ጊታር አብ ኦꬆዳይስ ቤዝዛኮ ኤረካ አስ ኣዝኔ? ዎይ ታኒ ታ ቆፋ አጭዝ ዎደ አስ ቆፋ ጋርክ፥ ፐቲ ቶኬ «ኤ» ማ ፐቲ ቶኬ «ዋኣ» ግዝ አስ ጋርከኔ?

18 ዝን ጾሳይ አማንንቴዛ ማቄዝ ግሾስ ኑ ይንትስ ኦድዛ ቃላይ «ኤ» ዎይ «ዋኣ» ግዛ ዋላካ ባያ። 19 ታራ፥ ስላሰራኔ ጽማቶሳር ይንትስ ማርካቴዝ ጾስ ናአይ፥ የሱስ ክርስቶሳ ኡባ ዎደ «ኤፕ» አትን «ኤ» ኔ «ዋኣ» ባያ። [d] 20 ጾሳይ እንጎድ ጌዝ ኡባይ ክርስቶሳ ባጋር «ኤ» ማቅዛ። ኑኒ ክርስቶሳ ባጋር ጾስ ቦንቾስ፥ «አምንኤ» ግዛይ የይ ግሾስ። 21 ኑራኔ ይንታራ ክርስቶሳር ሚንጊ ኤቆዳይ ጋርክ ኡዴዛይኔ ፋ ኦሳይስ ዶሬዛይ ጾሰ። 22 ኑኒ ኤባዝ ማቄዛና ኤርሶዳይስ ፋ ማታማ ኑል አፋ ጋዴዛ፤ ማ ፋ ጌሻ አያና ሳꬅ ኡዲ ኑ ዎዛና ጋዴዛ።

23 ታኒ ቆሮንቶሳ Ꮊንገካ አቴዛይ ይ አዛናማይ ጋርከሲ፤ የይ ዎርዶ ማቅኮ ጾስ ታስ ማርካ። 24 ይ፥ ይ አማናይድ ሚንጊ የዝ ግሾስ ኑ ይንታን ኡፋይሶዳይስ ይንታር ዎላ ኦꬅዝታይፕ አትን ይንታን ይ አማናይል ዎልቃንꬆያ።

2ቆሮንቶሳ 2 ->