ጳዉሎሳ ቆሮንቶሳ አሳይስ ጻፌዝ ቲና ኪታ ገሎ ጳዉሎሳ ቆሮንቶሳ አሳይስ ጻፌዝ ቲና ኪታይ ጻፍንቴዛይ፥ ጳዉሎሳ ቆሮንቶሳ ኤሴዝ ዎሳ ኬꬃ አማንዛ አሳይ የሳይላኔ አማናይል አፋ ደንዴዝ መታይስ ማህꬅ እንጎዳይሲ። የ ዎደ ቆሮንቶሳ ካታማይ ቢታል የዝ ዱማ ዱማ አሳይ የዝ ግርኬ ካታማ አካዛ ግዝ ኦሮመ አዉራጃስ ዋና ካታማ። የ ካታምታ ዛልኤር ኤርንቴዝ፥ ዎጋር ምንጌዝ፥ ዱማ ዱማ ኢታ የሲ ዳልጌዛኔ ሀይማኖተ ዳሮትꬃር ኤርንቴዛኖ። ሀዋራይ ሚንꬂ ኦዶዳይስ ኮዬዛይ፥ የ ዎሳ ኬꬃቲ ጋንጨ መꬍንቴዝ ሻክንቶ ባጋ፥ ዱማ ዱማ ኢታ የስ ባጋ፥ ላግታ ባጋ፥ ኤኮ ገሎ ባጋ፥ ዎሳ ኬꬅ ዎጋ ባጋ፥ ጌሻ አያና እሞትታይ ባጋኔ Ꮊይቆፐ ደንዶ ባጋ። ዎንግላይ Ꮊ ኦይችታ ዋይዚ ማህዛኮ ሀዋራይ ናግንቲ ኦድዛ። ሲቆ ጾሲ ፋ አሳይስ እንጌዝ ኣꬎ እሞታ ማቄዛና ታጶ ሃይꬒንꬃ ሸምፖይ ቆንጭስዛ፤ ማ Ꮊ ሸምፓይ Ꮊ ማጻፋይድ ኡባፕ ኣꬊ ኤርንቴዝ ክፍለ ግንትንቲ ቆፕንትዛ። 1 ቆሮንቶሳ ኪታይ አይኬዝ ቆፍታ ገሎ 1:1-9 አማንዛ አሳይ ጋንጨ መꬍንቴዝ ሻክንቶ 1:10—4:21 ኢታ ሀኖኔ ካራ አሳይ የስ ዎጋ 5:1—7:40 አማንዛ አሳኔ አማኖዋ አሳ 8:1—11:1 ዎሳ ኬꬅኔ ጎይኖ ዎጋ 11:2—14:40 ክርስቶሳ ደንዶኔ አማንዛ አሳይ ደንዶ 15:1-58 ይሁዳ የዝ መትንቴዝ አማንዛ አሳይስ ማዴ 16:1-4 ኩስተ ቆፋ 16:5-24
1 ጾስ ሸነር የሱስ ክርስቶሳስ ሀዋረ ማቆዳይስ ጼግንቴዝ ጳዉሎሳኔ፥ ኑ እሻ ሶስተናሳ፥ 2 ቆሮንቶሳ የዝ ጾስ ዎሳ ኬꬅስ፥ የሱስ ክርስቶሳር ጌዤዝታኔ ጌሽ ማቆዳይ ጋርክ ጼግንቴዝታይስ፤ ማ ኡንትስኔ ኑስ ጎድ ማቄዝ ኑ ጎዳ የሱስ ክርስቶሳ ሱንꬃ ኡባ አቆ ጼግዝ ኡባይስ፤ [a]
3 ጾስ፥ ኑ አዳይፐኔ ኑ ጎዳ የሱስ ክርስቶሳፕ ኣꬎ ኬሄትꬅኔ ሳሮትꬅ ይንትስ ማቆ።
14 ታኒ ቃርስጶሳኔ ጋዮሳፕ አትን ይንትፕ ኦናካ ጻማቀካ ግሾስ ጾሳ ጋላትዛ። [c] 15 የይ ግሾስ፥ ኦንካ ይንታን ታ ሱንꬃይር ጻማቅንቴዛ ጎዳይስ ዳንዳኦያ። [ 16 ማ ኢስጼፋኖሳ ካራ አሳካ ታ ጻማቄዛ፥ ዝን ሀራ ኦና ጻማቄዛኮ ታስ ቆፕንቶያ።][d] 17 ክርስቶሳ ታና ኪቴዛይ ዎንግለ ኦዶዳይ ጋርከፕ አትን ጻማቆዳይ ጋርክ ባያ። ክርስቶሳ ማዝቃለል አፋ Ꮊይቄዛይ ጨረ ማቃም ጋርክ ታኒ አስ ኤጨትꬅ ቃላር ባያ።
20 የዝን፥ ኤጫ አባ የኔ? ህገ አስታማረ አባ የኔ? ዎይ Ꮊ ሳአ ኤራንቻይ አባ የኔ? ጾሲ Ꮊ ሳአ ኤጨትꬃ ኤያትꬅ ኦꬄካሳ?[f]
21 Ꮊ ሳአ አሳይ ፋ ኤጨተꬃር ጾሳ ኤራማይ ጋርክ ጾሲ ፋ ኤጨትꬃር ካይ፥ ቦዛትꬃር ፓይድንትዛ፥ ኑኒ ኦድዛ ቃላይድ አማንዝታ አሾዳይስ ጾሳ ሸነ ማቄዛ። 22 አይሁድታይ ማላታ በአዳይስ ኮይዛ፤ ማ ግርክታይ ኤጨትꬅ ኮይዛ። 23 ዝን ኑኒ ማዝቃለል አፋ ሶትንቴዝ ክርስቶሳ ሳባክዛ። የይ አይሁድታይስ ꬉበ፤ ማ ግርክታይስ ቦዘትꬂ። 24 ዝን ጾሳይ ጼጌዝታይስ፥ አይሁደ ማቅን፥ ግርኬ ማቅን ክርስቶሳ ጾስ ዎልቃኔ ኤ ኤጨትꬂ። 25 ጾሳ ቦዘትꬃይ አስ ኤጨትꬃይፕ ኣꬍዛ፤ ማ ጾስ ዳቡራይ አስ ምኖትꬃይፕ ሚንግዛ።
26 ይኬ፥ ታ እሹንꬆ፥ ጾሳይ ይንታን ጼጎዳር ይ አብ ጋርክ አስዛኮ ቆፖይታ። አስ ቆፋር ይ ጋንጨ ጋምታይ ኤጭታይ፥ ዎልቃምታይኔ ꬎቃ ኮችታይ ባያ። 27 ዝን ጾሳይ ኤጭታ ዬላꬆዳይስ አላመል የዝ ቦዝታ ዶሬዛ፤ ማ ምንꬅታ ዬላꬆዳይስ አላመል የዝ ዳቡሬዝታ ዶሬዛ። 28 ጾሳይ Ꮊ አላመል ግታ ግንትንቴዝባዝ ꬋብሶዳይስ፥ Ꮊ ሳአ ካዉዤዝባዝ፥ እጽንቴዝባዝኔ ፓꬆዋባዝ ዶሬዛ። 29 ኦንካ ጾስ ቲና ጬቅንታማይ ጋርክ የያ ኦꬄዛ። 30 ዝን ጾሳይ ይንትስ ክርስቶሳ የሱሳር ፐትፐተꬃር የዞድ ጋርክ ኦꬄዛ። ኤ ኑስ ጾሳፕ ኤጨትꬂ፥ ጽሎትꬅ፥ ጌሸትꬅኔ ዋሎትꬅ ማቄዛ። 31 የይ ግሾስ፥ ጌሻ ማጻፋይድ፥ «ጬቅንትዛ ኦንካ ጎዳይል ጬቆ» ዬግዛ። [g]
1ቆሮንቶሳ 2 ->