1 Hatata Sarai, Ebram haininoa xap gara te. Ne wasa’m Isip haing oxata olanggam tela yanoa Hata. 2 Ne ina bala Ebram ba, “Toxoratamona riba gamogua sanga ba ngaxap gara te. Ula ukinu rangua haing oxata olanggam ngayua , bola ina bagula hayau gara tela nanga.”

Ebram nai mana Sarai haruanganoa. 3 Binabu kimuya mana Ebram wa Kenan sanga mana nianing 10 disup, Sarai Ebram haininoa xap Haga haing oxata olanggam inia mala saing yunga na ayuana Ebram bila haininoa. 4 Ina kinu rangua Haga, baing Haga gamona.

Bungina Haga xabia ba ina gamona, ina bo ba tatua Sarai. 5 Saking Sarai bala Ebram ba, “Ung gumugamuga mana mauxangana ngalibu. Ngata haing oxata olanggam ngayua mala rimamia, saing hatata ina xabia ba ina gamona, saing libu doa manga. Toxoratamona ing sibuna bagula suxuya tam haruangaradi.”

6 “Oxatanam ungia wa rimamia,” Ebram harua na Sarai. “Ulibu baraxinta uhatumia ba xai bing ulibu mana.” Saking Sarai libu doa mana Haga; binabu Haga luki mala Sur.

7 Urana uleginama sok mana Haga lang maxamaxang tela rubinia mana long titi olang; Ina longga wa Sur daxangang rubinia. 8 Baing harua ba, “Haga, Sarai oxatanama, uma baru, saing ubo ba ula baru?”

Haga haxuya ba, “Ngaluki sangua haing toxona ngayua Sarai.”

9 Baing Urana Uleginama bala ba, “Ugoxoya mala muli rangua haing toxona saing uwa hawa mana.” 10 Urana Uleginama harua muli na ba, “Nga bagula ngalibu bakbagimdi disok xumana sanga ba lipu dititidi te.”

11 Baing Urana Uleginama harua na muli ba,

13 Ina sina yaya li na Toxoratamona gaxarea harua na ba: “Ung Urana gaxarea bagu nga.” Ina harua ba, “Nga hatata ngabagu gaxarea bagu nga.” 14 Binabu duxu banggum langina ba, “Urana bangguming langinoa ina walinga saing ina bagu nga.”†Ber-Lahai-Roi namuxinoa lang maxamaxana mana Lipu Walingama bagu nga. Ina wauyu la ba, wa liwe mana Kades xaung Bered.

15 Binabu Haga hayau Ebram garanoa, saing Ebram sina yaya Ismael na.✡Galesia 4:22 16 Ebram nianindi bila 86 bungina Haga hayau Ismael na ba.

<- UNGGUTINGA 15UNGGUTINGA 17 ->