1 Taxa mana bungina baguba, bungina Amrapel wa xaitamoxi mana Sinadi*Sinar yan tela Babilon. Maxixinga 9 xauna., Ariok, xaitamoxi mana Elasadi, Kedolamoa, xaitamoxi mana Elamdi xaung Tidal xaitamoxi mana Goyimdi. 2 Xaitamoxiadi bagudili dila mana haungingua rangua xaitamoxi Bera, Sodam dingia, xaitamoxi Besa, Gomora dingia, xaitamoxi Sinab, Adma dingia, xaitamoxi Semebe, Yeboyim dingia, xauna xaitamoxi Bela, (alali Yoa). 3 Ding longga xaitamoxi kimuamdi disigi haringingua gomea sidim (alali Tek Matiang Gomana). 4 Mana niani 12 duwa hawa mana Kedaloama, ne niani 13 dutuding.

5 Mana niani 14 Kedaloama xauna xaitamoxiadi digugunia xaung lipuxiding haungingamdi dila dahaung saing didiali Repaitdi maluxu Asterot Kanaim, mana Yuyits maluxu Ham, mana Emaitdi maluxu sawe Kiriantaim xaung. 6 Horaitdi maluxu’m long xaxagania Seir hasoya bila Elparan haxek long mamasania. 7 Baing digoxoya saing dila mana En-mispat (alali Kades) saing didali haungingua mana numanuma longgadi Amalekaitdi bila gaxreadi duwa Hayeyon Tamar.

8 Baing xaitamoxi sodom dingia, xaitamoxi Gomora dingia, xaitamoxi Edma dingia, xaitamoxi Yeboyim dingia xaung xaitamoxi Bela (alali Yoa) dingia dahaxa maxixinga disok hasusuʼm haunginga waxunoa mana gomia Sidim. 9 Dahaunggana Kedaloama xaitamoxi Elam dingia, Tidal, Goyim dingia, Amrapel, Sina dingia, xaung Ariok, Elasa dingia xaitamoxi luwadi luwadi dahaunggana xaitamoxi luwadi luwadi hiliadinga. 10 Hatata gomia Sidim baxagi’m xasu banggumindi xaung bungina xaitamoxi Sodam dingia, xaung xaitamoxi Gomora dingia diluki xaung lipuxiding haungingamdi. Lipu teladi duxudi mari manadi saing teladi diluki mala mana xaxagagandi. 11 Baing xaitamoxi luwadi luwadi daxau Sodam xaung Gomoradi xalingiding longga xaung lipuxiding teladi xaung angiadingdi saing diluki mala. 12 Daxap Ebram sabanganoa garanoa Lot xaung xalinging longgadi bungina wa Sodam.

13 Ne lipu tela giti mala sangua haunginua saing naxuya axadi ba na Ebram, Hibru tela. Ebraham wa haxek mana xai sabangadi Mamre. Mamre Amarait tela neng tuwadi Eskol xaung Ane, dingtung Ebram sogandi.

14 Bungina Ebram lungu ba bixuadi daxap garanoa Lot mala, Ebram tubatuba 318 lup haungingamdi adi dahayaudi gangangia, saing dila duxu bixuadi mala disok manadi long sabangga Dan. 15 Yambongga baguba Ebram hata lipuxing haungingamdi saing dahaunggana bixuadi lipuxiding haungingamdi duxudi mala hasoya bila Hoba bukang mana Damaskas saing didalidi. 16 Ebram xaung lipuxiding haungingamdi daxap goxoya Egram garanoa, Lot, rangua haingdi, lupdi xaung axalaxala longgadi xaitamoxiadi daxapdi mala ba.

17 Bungina Ebram dali haungingua saing goxoya, Kedaloama xaung xaitamoxiadi disigi rangua, xaitamoxi Sodom dingia ma bu duxa maluxu Sawedi gomadinga (alali Xaitamoxidi Gomadinga).

18 Baing Melkisadek xaitamoxi Salem†Salem Yerusalem yan muganga. dingia xap salanga xaung wain.✡Hibru 7:1-10 Ina sabunga Yanamin tela mana Urana Etaloam Sibuna, 19 saing guxam Ebram, harua ba,

21 Xaitamoxi mana Sodam harua na Ebram ba, “Usina lipuadi nanga bu oxop axadi naung.”

22 Ne Ebram iti rimanoa saing harua na xaitamoxi Sodam dingia ba, “Mana Urana Etaloam Sibuna Tongtongia sabaluna xaung titia li ngaharingia haruangagua mana yanoa bila li: 23 Sanga ba ngaxap axamang tela untia te, heku axamang kaukang tela bila waxu ragangam kimbo waxu digoxiti xai sanggana mana. Tegu sibuna. Nabu uharua ba, ‘Ngalibu Ebram lipu sok lipu xalaxalam.’ 24 Nga sibugu sanga ngaxap axamang tela te. Anginga bakbagigu daxang, xauna lipu gaxareadi dila rangua nga daxap sinagidingdi. Yunga Ane, Eskol xaung Mamre daxap sinagidingdi dingiadi xauna.”

<- UNGGUTINGA 13UNGGUTINGA 15 ->