8
1 ኔኤኒ ታ ዒንዶ ዻንፆ ዻንቄ
ታ ጌርሲጉዲ ማዔቴ ዓይጎ፤
ጎይፃ ታ ኔኤና ካኣሚ ሄርቄቴ
ዓይጎ ዓሲያኣ ታና ቶኦቺንዱዋንቴኬ።
2 ታ ዒንዶ ማኣሪ ታ ኔና ዔኪ ጌልዜም
ዒኢካ ናሹሞ ዛላ ኔ ታና ዔርዛንዳያታንቴኬ፤
ታኣኒ ሮኦማኖ ዓኣፖ ጩኡጴ
ዓኣፆ ዎይኖ ዑዦ ኔና ዑሼያናንዳንቴኬ።
3 ዒዚ ሻውሎ ኩጮ ኬሬ ማሂ ታኣም ጌሣኔ፤
ሚዛቆ ኩጮና ታና ዒ ኮንቃኔ።
4 ዒንሢ ዬሩሳላሜ ዉዱራሢ!
ታ ዒሻሢ ፔኤሮ ዔቂ ኮዓንዳያ ሄላንዳኣና
ዒንሢ ዒዛ ካኣሚ ጴቹዋጉዲ ሃዳራ ታ ዒንሢ ጋዓኔ።
ላሃሳ ዓይኑሞ
ዑኡቴሎ ላጎንሢ ዓይኑሞ
5 ፔ ላጋሢኮ ጌኤታ ጌኤቂንቲ
ዓሳ ናንጉዋ ዳውላፓ ሙካዛ ሃና ዖናዳይ?
ዑኡቴሎ ዓይኑሞ
ሚና ኔ ዒንዳ ኔና ባኒ ሾዔ ቤዞ
ጋዞ ዴማፓ ታ ኔና ጴቼኔ።
6 ጋፑዋ ናሹሞና ኔ ዒኖ ጋራ ታና ኮንኮጉዲ ጫርጊ ሃሼ፤
ኔኤኮ ኩጮይዳኣ ዒማይዲ ታና ሌሊ ዓርቄ።
ናሹሞ ሃይቢጉዲ ዎልቄና ዓኣያኬ፤
ዒናፓ ናሽኮ ናሹሞዋ ዱኡፒጉዲ ፑርታኬ፤
ናሹሞ ሼኤላሢ ፆኦሲ ታሞ ሼኤሎጉዲኬ።
7 ሚርጌ ዋኣሢ ናሹሞ ታሚ ዎዻኒ ዳንዳዑዋሴ፤
ዬይ ዺቦ ዋኣፃ ዔኤዻኒያ ዳንዳዑዋሴ፤
ዓሲ ፔኤኮ ዓኣ ቆሎና ቢያ ናሹሞ ሻንቃኒ ማሌቴ
ናሹሞ ሚኢሼና ሻንቂንቱዋኣሢሮ ዬይ ሚሚኢቻ ባኣዚ ማዓኔ።
ዑኡቴሎኮ ጌርሲንሢ ዓይኑሞ
8 ሃጊ ኮንቾ ዴይሢባኣ ዻካ ጌኤዳ ኑኡኮ ዓኣኔ፤
ዓሲ ዒዞ ጎቻኒ ኑና ዖኦጬቴ
ኑ ዓይጎ ባኣዚ ማዻኒ ዳንዳዓይ?
9 ዎንዴ ዒዛ ኬኤሌ ዲሢ ማዔያታቴ
ዒዞ ዑፃ ቢራ ዓንጊ ሴኤላ ኑ ኮሼያናንዳኔ፤
ዒዛ ካታሞ ጌሎ ካሮ ማዔያታቴ
ሊባኖኦሴ ሚፆ ዓርሶና ላሾ ጋጋርዞና ኑ ዎዼያናንዳኔ።
ዑኡቴሎ ዓይኑሞ
10 ዓካሪ ታኣኒ ኬኤሌ ዲሢኬ፤
ዻንፃ ታኣኮ ሹዎና ኮሺንቴ ካፒፆ ካፖ ዼጌ ቤዞኬ፤
ታኣኒ ዒዛና ዎላ ማዓኣና ታ ዒሾ ሃውሺሳያኬ።
ዑኡቴሎኮ ላጎ ዓይኑሞ
11 ሴሎሞኔኮ ባዓልሃሞኔይዳ ዎይኔ ጎሺ ዓኣኔ፤
ዬያ ዎይኖ ጎዦ ጎሽኪ ዎርቃ ዓሶም
ሚኢሼ ጪጊ ጪጊ ጎሽካንዳጉዲ ዒዚ ዒንጌኔ፤
ዬይ ፔቴ ፔቴ ዓሳ ፔቴ ሺያ ማዓ ሹቺ ቢራ ዒዛም ጪጋኔ።
ዑኡቴሎ ዓይኑሞ
12 ታኣኮ ዎይኖ ጎዣ ታኣሮኬ፤
ዔዞ ሴሎሞኔ! ኔኤኒ ፔቴ ሺያ ሹቺ ቢራ
ጎዦ ጎሽካ ዓሳኣ ላምዖ ፄኤታ ሹቺ ቢራ ዔካኒ ዳንዳዓኔ።
ዑኡታሢ ዓይኑሞ
13 ኔኤኒ ታ ዑኡቴሌ! ዱማ ዱማ ባኮ ቱኮና ቤዞ ኬስኬቴ
ታ ላጋ ኔኤኮ ዑኡዞ ዋይዛኒ ኮዓኔ፤
ታኣም ሂንዳ ኔኤኮ ዑኡዞ ዋይዚሴ።
ዑኡቴሎ ዓይኑሞ
14 ታ ዒሼ! ዑኬና ታ ባንሢ ሙኬ፤
ሳውቃ ዼኤሻ ባቃላ ዹኮ ዑፃ