ዱርዞ ዓኣሢ ዓኣ ቶካ ኔኤኮ ዎዚ ሚዛጳይ!

ጉባዛ ኔኤኮ ዓንጎ ሼኤሺ ኮሻ ዓሳ ሚዛጲሲ ኮሼ ፓልሞ ማላኔ።

ኬርና ኔኤኮ ሚዛጲ ቡኒ ሺርሺ ቱኮና

ዛርጎ ናቲጉዲኬ።

ዓኣፓ ኔኤኮ ዼኤፖ ካታሞ ሃሴቦኦኔ ጌሎ ካራ ዓኣ

ቦቆሎ ዋኣፆ ማላኔ።

ኮሾና ሊባኖኦሴይዳ ዓኣ ዼጌ ቤዞጉዲኬ።

ኔኤኮ ማዢንቴ ቶኦኮ ጋማ ጉኡፂሲ ሱኮና ቃጪና ማላኔ።

ካኣቲ ኔኤኮ ዬያ ማዢንቴ ቶኦኮ ሚዛጱሞና ዲዒንቴኔ።

ዎዚ ኔኤኒ ኮሽካይ?

ኔ ናሽካ ናሹማ ዎዚ ዎዛሳይ?

ዻንፃ ኔኤኮ ሜኤፆ ዓሞ ማላኔ።

ዓኣፖ ማንፂፆ ናሽካኔ፤

ካሳ ኔኤኮ ጋሲ ካሢ ሳውቃያጉዲኬ።

ሻኣዺ ኬዳያ ማዖንጎ።

ዒዚያ ዓፃዺ ማላሢ ታናኬ።

ካታማፓ ዙሎ ኬስኪ ኑ ዎላ ዓኣዾም፤

ዒባኖ ዒኢካ ኑ ዴንዲ ዎርቆም።

ዎይኖ ቡና ዹኡቄያ ማዔቴ

ሮኦማናኣ ቡኔቴ ኑ ዛጎም፤

ዒኢካ ታና ታኣኒ ኔኤም ጉቤና ዓኣሢ ዒንጋንዳኔ።

ሃሢ ዱኡዞናሢ ማዔቴያ ካፄ ሚፆ ዓኣፓኣ

ኑ ካራ ኩሚ ዓኣኔ፤